ЯҢАЛЫКЛАР

27 ноябрь көнне Балтач үзәк китапханәсендә Мәгъсүм Мөхәмәтҗановның “Сорнай” исемле китабын тәкъдир итү кичәсе уздырылды. Тарихи вакыйгалар, документаль хронология, авыллар, инеш-чишмәләр, данлыклы кешеләр турында язмаларга бай китап белән танышу кичәсенә китап сөючеләр, китапханәчеләр, китапның “герой”лары җыйналдылар. Район тарихын өйрәнүгә зур өлеш керткән авторны район башкарма комитеты җитәкчесенең социаль мәсьәләләр буенча урынбасары И.Ф.Гайнетдинов, “Сорнай” җәмгыяте җитәкчесе Т.Г.Гыйләҗев, район ветераннар советы рәисе Р.Г.Абдуллин , Балтач урта мәктәбенең тәрбия эшләре буенча директор урынбасары Р.Ә. Закирова, район авылара үзәк китапханәнең директоры Р.М.Зарипова котладылар. Китап укучыларның фикерләре, иҗатташ дусларының теләкләре белән баетылып кичә бик җанлы үтте.

 

2 декабрь көнне Балтач бистәсендә яшәүче тыл ветераны Гиззатуллина Галия Гайнулла кызы үзенең 95 яшьлек юбилеен билгеләп үтте.

 

Агымдагы елның 27 ноябрь көнне Казан шәһәре Г.Камал исемндәге Дәүләт академия театр бинасында Әниләр көне уңаеннан оештырылган «Букет для мамы» - «Әниемә чәчәк бәйләме» диеп исемләнгән Республикакүләм акция булып узды.

18нче ноябрь ,19.00сәг. Арбор авылы мәдәният йортында Бөек Җиңүнең 70 еллыгы кысаларында “Җиңүләргә илткән җырлар” исемле җыр конкурсы булып узды.

 

22-23 ноябрь көннәрендә «Балтач» универсаль спорт залында Ринат Шакиров истәлегенә багышланган мини-футбол буенча регионара ярышлар булып узды.