Бөек Җиңүнең 70 еллыгы кысаларында “Җиңүләргә илткән җырлар” исемле җыр конкурсы

Бер кайтмасак, бер кайтырбыз дип китсәләр дә күпме райондашларыбыз туган туфрагын күрү бәхетенә ирешә алмады. Алар еракта мәңгелек йокыга талдылар. Туган җирләре өчен башларын салган бу батырларны , бүгенге көндә безнең арабызда яшәп ятучы ветераннарны онытырга безнең хакыбыз юк. 18нче ноябрь ,19.00сәг. Арбор авылы мәдәният йортында Бөек Җиңүнең 70 еллыгы кысаларында “Җиңүләргә илткән җырлар” исемле җыр конкурсы булып узды. 3нче сайлап алу зонасында Арбор, Чепья, Иске Чепья, Карак-Серьма, Сырья, Мельничный авыллары катнашты. Кичә матур һәм эчтәлекле узды.