ЯҢАЛЫКЛАР

Игенчелек тармагында зур уңышлар белән алга баручылар арасында тагын бер җиңүче –“ Бөрбаш” җаваплылыгы чикләнгән җәмгыяте. Җәмгыятьнең директоры – Рафис Фарадис улы Солтанов, баш агроном Искәндәр Исмәгыйл улы Гильметдинов һәм баш инҗенер Альфред Альберт улы Нурмиев бәйрәм сәхнәсендә бүләкләнделәр. 

Бүгенге икътисади шартларда хуҗалыкларыбызның яшәеше өчен игенчелек продуктларын мул җитештерү һәм аны сату гаять әһәмиятле. Әйдәгез, бу тармакның алдынгы хуҗалыгын котлап китик. “Тимирязев” исемендәге җаваплылыгы чикләнгән җәмгыять җитәкчесе Булат Сәйдәш улы Исрафилов, баш агроном Азат Мәгъфүр улы Ганиев һәм баш инҗенер Наил Тәбрис улы Галимҗанов батырлар сәхнәсендә район башлыгы Рамил Нотфуллинның "Рәхмәт хаты" белән бүләкләнделәр.
 

Район хуҗалыклары арасында социаль-икъдисади күрсәткечләре белән дә, игенчелек өлкәсендә дә иң зур нәтиҗәләргә ирешеп, беренче урынга “Хезмәт Кызыл байрагы” орденлы “Татарстан” җавалылыгы чикләнгән җәмгыяте чыкты. Бу хуҗалык 2016нчы хезмәт елында 8203 тонна ашлык, уртача бер гектарга 46,1 ц., ә бәрәңгедән – уртача 225 ц., 5825 тонна сөт, 724 тонна ит җитештереп, 300 миллионга якын саф табыш алды. 

Район мәдәният үзәеге директоры вазыйфасына Айрат Фарук улы Хәйруллин билгеләнде. 

Айрат Хәйруллин Балтач бистәсендә 1979 елда туган, Балтач урта мәктәбен тәмамлагач 1996 - 2001 елларда Казан Дәүләт педагогика университетында укып, югары белем алган. 

"ХЕЗМӘТЕМ ҺӘМ ҖЫР-МОҢНАРЫМ, БАГЫШЛАНА СИҢА, БАЛТАЧЫМ!" дип исемләнгәнгән районкүләм иҗат бәйгесе кысаларында, 6 февральдә Балтач бистәсе үзәгендә "Эльдорадо" кибете (элеккеге Шушма рестораны) каршында Норма авыл җирлеге, Тимирязев исемендәге хуҗалык, шушы җирлекнең эшмәкәрләре, мәктәп һәм бакча коллективлары катнашында ярминкә оештырыла. 

31 январь көнне Балтач үзәк балалар китапханәсендә  “Китаплы балачак” исемле балалар иртәсе узды. Балтач бистәсенең 2 номерлы балалар бакчасында тәрбияләнүче зурлар төркеменә (Низамиева К.Ф., Габдрахманова Г.И.) һәм мәктәпкә әзерлек төркеменә (Камалиева Г.М.) йөрүче балалар китапханәгә йөрү тәртипләре белән танышкач, үзләре яратып тыңлый, сөйли торган әкиятләр буенча төзелгән уеннарда катнаштылар.

- “Яңа тормыш” җаваплылыгы чикләнгән җәмгыятенең 41 елдан артык тракторчы булып эшләүче мөхтәрәм механизаторы Шамил Хәйретдин улы Гыйльманов, район хакимияте башлыгының “Рәхмәт хаты” белән бүләкләнде. 

- Озак еллар “Дуслык” җәмгыятендә хезмәт куеп, лаеклы ялга чыккан хезмәт ветераны Тәбрис Шәйхетдин улы Шәйхетдинов ТР Авыл хуҗалыгы министрлыгының “Рәхмәт хаты” на ия булды. 

- Күп еллар эшләү дәверендә, үзен булдыклы җитәкче, оста оештыручы итеп таныткан “Тимерязев” исемендәге җәмгыять бригадиры Рашит Әхмәтгали улы Ганиев Рәсәй Авыл хуҗалыгы министрлыг

Узып киткән 2016нчы елгы кыр эшләре нәтиҗәләре буенча районыбызда гына түгел, ә республика күләмендә ирешкән уңышларыбыз бар. Республикабыз күләмендә фидакарь хезмәт нәтиҗәсе нигезендә Балтач районы өченче урынны яулады. Шушы бөек хезмәт җиңүе уңаеннан, авыл хуҗалыгы хезмәтчәннәренә, бигрәк тә игенче-механизаторлар хезмәтенә хөрмәт буларак, ел да традицион рәвештә район җитәкчелеге тарафыннан алдынгылар слеты үткәрелеп килә. 

Балтач гимназиянең 6 нчы сыйныф әти-әниләре өчен “ПАВ профилактикасы” дигән темага җыелыш үткәрелде. Монда яшүсмерләр белән эшләүче инспекторлар Ләйсән Фролова һәм Ләйлә Низамиева чакырылган иде. Алар бүгенге көндә укучылар эшләгән төрле җинаятьләрне мисалга китереп, балаларны һәрдаим күзәтергә һәм бергәләп кызыклы, файдалы эшләр белән шөгыльләнергә кирәклеген аңлаттылар. Гаиләдәге тынычлыкны саклау турында да эчтәлекле фикерләр яңгырады. Җыелышка килгән һәр әти-әни үзенә кирәкле мәгълүмат алды.

4нче февральдән 7нче февральгә кадәр Казан федераль университетының юридик факультетында мәктәп укучылары өчен җәмгыять белеме фәненнән “Экзамен-Плюс” дигән кышкы профильле мәктәп оештырылачак. Әлеге укуларның үзенчәлеге шунда –имтихан биремнәренә кертелгән “Хокук” фәне блогы темаларын бары 4 көн эчендә үзләштерергә мөмкин. 

Тулырак мәгълүмат һәм регистрация үрнәге Казан федераль университетының юридик факультеты сайтында урнаштырылган.