ЯҢАЛЫКЛАР

Кышкы салкын озын көннәрдә һәркем үзенә бер шөгыль табарга тырыша. Ә менә Чепья авылының өлкәннәре китап укырга ярата. Чепья зурлар китапханәсе 2017 елда да өйдә торып укучыларга яңа китаплар, журналлар илтеп укытуын дәвам итә. 84 яшьлек Самигуллина Әминә апа да китапханәченең килүен һәр чак көтеп ала, төрле өлкәдәге яңалыклар белән вакытында танышып баруны хуп күрә.

  Салавыч Сәрдегәне авылында яшәүче Саттарова Гатифә Хәммәт  кызына 9 январь көнне 90 яшь тулды. 

5 гыйнвар – “Балтач” ял паркында күңелле спорт уеннары.
5 гыйнвар – “Караоке-батл” (“Факел” үткәрә). 
5 гыйнвар – Норма бозында “Алтын шайба” клубы призына хоккей ярышлары, район беренчелеге.
5, 6, 7 гыйнвар – мини-футбол ярышлары.
7, 8 гыйнвар – “Балтач” спорткомплексында мини-футбол ярышлары.
6 гыйнвар – “Балтач” спорткомплексында гимнастлар ярышы. 
7 гыйнвар – Карадуган бозында “Алтын шайба” клубы призына зона ярышы. 
7 гыйнвар – “Факел” кубында дискотека. 
2-7 гыйнвар – “Балтач” ял паркында “Чыршы тирәли бәйрәм” дигән күңел ачу чарасы (18.00 сәгатьтә башлана).
2-8 гыйнвар – “Сабантуй” ял паркында кинофильмнар күрсәтелә. 
13 гыйнвар – Балтач ял паркынада “Искечә Яңа ел”, (19.00 сәгатьтә башлана).

ЮХИДИнең  80 еллыгы уңаеннан,  район ЮХИДИ идарәсенең  “Хезмәт” газетасы белән берлектә үткәргән бәйге нәтиҗәләре:

Татарча язылган шигырьләрдән:

1 урын – “Сак булыйк юлларда” шигыре белән Норма урта гомуми белем бирү  мәктәбенең 4 “Б” сыйныф укучысы Ислам Мөҗипов,
2 урын – “Юл билгеләре – терәк” дигән шигыре белән Сосна төп белем  мәктәбенең  5 сыйныф укучысы Исламия Шамилова;
3 урын – “Юлда” дигән шигыре белән Бөрбаш урта мәктәбеннән 4 сыйныф укучысы Энҗе Корбангалиева.

Казан Мэры Илсур Метшин шәһәр халкын авыл хуҗалыгы продукциясе белән тәэмин итү йөзеннән, 2016 ел дәвамында барган ярминкәләрдә зур әзерлек белән актив катнашканы һәм тырышлык күрсәткәннәре өчен Балтач районы хезмәтчәннәренә олы рәхмәтен белдерде. 

Шул уңайдан түбәндәге җитәкчеләр ИЛСУР МЕТШИН ИМЗАЛАГАН РӘХМӘТ ХАТЫ белән бүләкләнде: 

Кышкы озын ялларда Шубан авылында авылдашыбыз Данис Данил улы Шәрипов хоккей бәйрәме оештырды. Авылның олысы-кечесе хоккей мәйданчыгына агылды. 

Сәламәт яшәү рәвеше алып бару елдан-ел активлаша бара. Шубан авылындагы бозның тынып торган вакыты юк. Анда һәрчак хоккейчыларның шайба суккан тавышы ишетелеп тора. 

Авылдашларыбыз хоккейга бик теләп катнаштылар. Кечкенә генә Шубан авылы җирлегендә дүрт команда уйнады. 

Татарстан Республикасының Сәүдә-сәнәгать палатасында “Ел эшмәкәре. Алтын йөзлек – 2016” бәйгесенең җиңүчеләрен билгеләү тантанасы булды. 

Татарстанда бизнесның үсешенә ярдәм итү, эшмәкәрлек эшчәнлегенең абруен һәм җәмгыятьтә статусын күтәрү максатында оештырылган бәйгенең җиңүчеләре арасында “Җитештерү” («Производство») номинациясендә Марат Шәйхетдинов та бар. Райондашыбызны әлеге җиңүе белән котлыйбыз, алга таба да уңышлар телибез!!!

Күп кеше, әле бәйрәмнәр дәвам итә, дип үз вакытларын телевизор каршында үткәрүне хуп күргәндә, Балтачыбызда ял вакытларын табигать кочагында, чана, чаңгыда шуып күңел ачучылар бихисап.

1-2 январь көннәрендә чаңгы юллары буш тормады, гаиләләре белән чаңгыга басуылар күп иде.  Ә бүген, 2017 елның рәсми ярышларын яшь чаңгычылар ачып җибәрде. 1999 елда һәм аннан соң туган егетләр һәм кызлар 1,5 километр арада классик йөрү белән спринт ярышларын үткәрделәр. Район балалар һәм яшьүсмерләр спорт мәктәбе тренерлары кул астында шөгельләнүчеләр җиңүчеләрне ачыклар өчен берничә тапкыр стартка бастылар. Күрше Киров өлкәсе Малмыж шәһәре яшь чаңгычыларының катнашуы да ярышларның матур мизгелләре булды. 

Районыбыз җирлегендә декабрь ае дәвамында Балтач муниципаль район башлыгы Рамил Рашит улы Нотфуллин Карары нигезендә Яңа 2017 елга әзерлек буенча «Иң матур бизәлгән оешма яки хуҗалык» конкурсы барды. Әлеге конкурс нәтиҗәләре буенча авыл җирлекләре, авыл хуҗалыгы җәмгыятьләре, оешмалар, мәгариф учреждениеләре, шәхси эшмәкәрләр, шәхси хуҗалыклар арасында аерым урыннар билгеләнде: 

- Авыл җирлеге идарәләре арасында

Чепья  мәдәният йортында 30 декабрь көнне бал-маскарад үткәрелде. Җырчы-биючеләрнең чыгышларын карап, халык  төрле күмәк уеннар, биюләргә катнашты, лотореяга бүләкләр отты (тере әтәч тә бар иде хәтта), рәхәтләнеп киенүчеләрнең  кәмитләрен тамаша кылды. Ә киенүчеләр быел өч дистәгә якын булды. Бәйрәмнең матур, күңелле үтүе  мәдәният йорты  хезмәткәрләре белән китапханәчеләрнең уртак хезмәте нәтиҗәсе булды.