ЯҢАЛЫКЛАР
11 гыйнвар көнне, кичке 18 сәгать 30 минутта район Советы һәм башкарма комитеты хезмәткәрләре катнашында "Сабантуй" ял паркында "Төнге чаңгы юллары - 2017 " старт алды.
Яңа уку елы башында һәр башлангыч сыйныф укучысына “Укучының мәдәни көндәлеге” бирелә. Бу проект Татарстан Президенты Аппараты, Татарстанның Мәдәният министрлыгы, Татарстанның Мәгариф һәм фән министрлыгы, хәйрия эшчәнлеге буенча республика советы тарафыннан гамәлгә ашырыла. Проектта республика күләмендә160 меңнән артык башлангыч сыйныф укучысы катнаша, фәнни иҗтимагый бәйгеләрдә көч сынаша. Проект нигезендә бәйгенең беренче этаб эшчәнлеге 2016 елның 22 декабрьдә тәмамланды. Җиңүче укучылар Республиканың төп Чыршы бәйрәменә катнашу хокукына, чакыру билетларына лаек була.
8нче январь көнне Арчада ике тапкыр Татарстан чемпионы Гөлнара Айдар кызы Рашитова истәлегенә шахмат турниры уздырылды. Гөлнара Рашитовна 3 ел элек 21 яшендә Мәскәү-Казан самолетында авиаһәлакәтендә вафат була.
Район ЗАГС бүлегеннән алынган күрсәткечләр буенча , 2016 елда барлыгы 307 бала якты дөньяга аваз салган. Әлеге күрсәткеч алдагы 2015 елның нәтиҗәсеннән шактыйга калыша. 2015 елда - 380 бала туы теркәлгән булган. Балалар туу саны кимүгә бара, дигән сүзләр белән килешәсе дә килми, чөнки райондаш көмәнле хатын-кызлар арасында башка район яки шәһәр бала тудыру йортларына барып бәбиләп, баланың туу турындагы таныклыгын шуннан алып кайтучылар бар. Шулар нәтиҗәсендә район ЗАГС бүлегендә туучылар саны аз булып күренә.
7 гыйнвар көнне Ор клубында "Моңнар кайтты авылга" дип исемләнгән зур бәйрәм концерты булды.
Яңа 2017 елга аяк бастык, көн артыннан көн үтә. Кабаттан халыктан җыела торган үзара салым акчалары турында искә төшерәбез. Һәр авыл җирлегендә дә референдумнар узып, халыктан җыела торган суммалар ачыкланды. Бар җирлектә дә референдумнар уңай нәтиҗәләр бирде – күпчелек халык ризалыгын белдерде.
Смәел авылында яшәүче Минсылу Нәби кызы Нәбиевага 13нче гыйнвар көнне 90 яшь тулды.
Үзәк зурлар китапханәсенең китап бирү бүлегендә "Әдәби манзара" исеме астында китап күргәзмәләре яңартылып тора. Гыйнвар аенда юбилейларын билгеләп үтүче Айдар Хәлимгә 75 яшь тулу уңаеннан "Мин халкыма зур ышаныч йортәм" һәм Разил Вәлиевка 70 яшь тулу уңаеннан "Хаклык эзләп, пакълек эзләп җирдә Тирәнәйде маңгай сырларым..." дип исемләнгән китап күргәзмәләре төзелде. Биредәге җыентыклардан әдипләребезнең тормыш юлы һәм киңкырлы иҗаты белән танышырга була.
2017 нче елның 12 нче гыйнварында “Социаль туризм” программасы кысаларында ”Наз” тернәкләндерү бүлекчәсендә тернәкләнү узучылар Чепья авылында урнашкан «Халыклар дуслыгы” музеена экскурсиядә булып кайттылар.
Үзенең мәшәкатьләре белән Яңа ел-Әтәч елы илебезгә аяк басты .Балалар Яңа елны каршылап озак каникул ялларына туктадылар. Балаларның каникуллары күңелле һәм истә калырлык булып үтсен дигән максаттан, Яңгул китапханәчеләре үзләренең яшь китап укучылырына 3 январь көнне "Табышмаклар иленә сәяхәт"дигән баш астында,тапкырлар һәм зирәкләр кичәсе үткәрделәр.Ә менә каникулның соңгы көннәрендә ягъни 8 январь көнне "Әтәч килгән кунакка "дигән баш астында уен кичә оештырып,балаларны сөендерделәр. Кичәләр бик күңелле һәм балларның исләрендә калырлык булып үттеләр.