ЯҢАЛЫКЛАР
21 февраль көнне Яңгул китапханәчеләре “Бер күрешү-үзе бер гомер” исеме астында ,”Сердәш” клубы активы белән,Балтачта яшәп иҗат итүче шагыйрәләребез-Фәридә апа Шакирова һәм Мәгъмүрә апа Хөрматуллиналар белән очрашу кичәсе үткәрделәр.Кичә бик матур һәм җанлы узды.Шагыйрәләребез рәхмәт әйтеп, кабат очрашыйк,мондый җанлы кичәләр бик кирәк дип үз фикерләрен җиткерделәр.
9 февраль көнне Яңгул китапханәсе каршында,иң актив китап укучылар белән оештырылган “Сердәш” клубынын чираттагы очрашуы булды.Клуб членнары үзләренең эшләре турында сойләшеп,алга эшлисе эшләрне барладылар.Шулай ук кичке гимнастика ясап,кичке прогулкада булып ахырдан чәй остәле артында үз эшләрен дәвам иттеләр.
“Өлкәннәр hәм инвалидлар куркынычсызлыгын саклау” программасы кысаларында 2018 елның 21 февралендә “Наз “ узэге социаль-тернәкләндерү бүлекчәсендә тернәкләнү узучылар Чепьяда урнашкан янгыннан саклау бүлегенә экскурсиягә бардылар.
21 февраль - Туган тел көне. Шул уңайдан Алан авыл китапханәсендә "Табышмаклар кичәсе" уздырылды. Кичәдә 2,3,4 нче сыйныфлар бәйгеләрдә бик теләп катнаштылар, сөенешеп бүләкләр алдылар.
Фәнис Яруллинның тууына 80 ел уңаеннан Алан авыл китапханәсендә "Егылмас җилкән" исемле күргәзмә оештырылды.
21 нче февраль көнне Балтач үзәк балалар китапханәсендә Халыкара Туган тел көне уңаеннан Балтач гимназиясенең 3 сыйныф укучылары өчен (җитәкчеләре Гузаерова Л.Н.) “Халкымның энҗе бөртекләре” исемле исемле интеллектуаль уен оештырылды. Балалар бүгенге көндә туган телебезнең әһәмияте,Бөтендөнья телләр атласында тоткан урыны, аны саклауның зарурлыгы турында мәгълүмат алганнан соң халкымның саекмас җәүһәрләре табышмак, мәкаль белүдә көч сынаштылар, бүгенге чор язучылары әсәрләренә тукталдылар. Чарабыз дисктан “Татар галәме” исемле видеоролик карау белән төгәлләнеп,балалармәктәп программасын үзләштерүдә өстәмә мәгълүмат туплап, өйләренә укырга китаплар алып киттеләр.
21 февраль - Бөтендөнья туган тел көне. Туган тел төшенчәсенә зур мәгънә салынган. Ул - Ватан, туган җир, ата-ана сүзләре белән бер үк дәрәҗәдә торучы бөек, изге һәм кадерле сүз. 20 февраль көнне Арбор авыл китапханәсендә “Тел-күңел көзгесе” дип исемләнгән чара үтте.Укучыларга туган телебезнең матурлыгы, кыйммәтлелеге турында аңлатылды. Укучылар туган тел турында шигырьләр сөйләделәр, мәкальләр әйтелде, табышмаклар чиштеләр.Әлеге чара Г.Тукайның "Туган тел" җыры белән тәмамланды.
Агымдагы елның 20 нче февралендә Алан авылынан Зәкиева Фидәлия Габделфәрт кызы һәм Салавыч авылыннан Сибгатуллина Җәмилә Абдулла кызы тернәкләнүчеләр өчен хәйрия концерты белән килделәр.
Агымдагы елның 20 нче февралендә «Наз» узэге психологы Гузәл Зиганшина һәм юрисконсульт Гелюза Сагдиева катнашында тернәкләндерү бүлекчәсендә комплекс чаралар уздырылды.
18 нче февраль көнне Ор авыл клубында - уку залында Шеңшеңәр авыл китапханәсе белән берлектә яшьләр өчен Гашыйклар көне уңаеннан мәхәббәткә дан җырлаучы язучы-шагыйрьләрнең тормыш юллары, иҗатлары буенча сорауларны үз эченә алган “Замана яшьләре китапны сайлый – Әдәби дуэль” үткәрелде. Яшьләр үзләренең бу өлкәдә яхшы хәбәрдар булуларын расладылар – чара бик җанлы үтте.