ЯҢАЛЫКЛАР
Районда өстәмә белем бирү педагоглары һәм педагог-оештыручылар өчен “Йөрәгемне балаларга бирәм” республика конкурсының муниципаль этабы үтте.
Конкурста барлыгы биш мөгаллим катнашты. Куныр урта мәктәбеннән Радик Фәйзразманов, Бөрбаштан Ләйсән Әхмәдиева, Балтачтан Руфия Әхмәдуллина, Кече Лызидан Лилия Закирҗанова һәм Субаш мәктәбеннән Энҗе Хөснетдинова арасында кискен ярыш барды.
Руфия Әхмадуллинага тиңнәр булмады. Энҗе Хөснетдинова – икенче, Лилия Закирҗанова һәм Ләйсән Әхмәдиева өченче призлы урын яулады.
Карадуган авылының “Себер тракты тарихы һәм Муса Җәлил музее”нда тантаналы чара булып үтте, 5 сыйныф укучыларын “Кызыл ромашка” сафларына кабул иттеләр. ...
Районда “Дус сыйныф серләре”дип исемләнгән республикакүләм бәйгенең район этабы үтте.
Һәр гаилә үз баласын итагатьле, эш сөючән, белемле, кешелекле итеп тәрбияләргә тырыша. Баланың шәхес булып формалашуы, иң беренче чиратта, гаилә тәрбиясенә бәйләнгән. Ата-ана – төп тәрбиячеләр. Әмма тәрбия берьяклы гына була алмый. Тәрбиянең төп асылы – мәктәп белән гаиләнең бердәмлегендә. Мәктәп һәм гаилә тәрбиясе бербөтен булганда, балага бердәм таләп куелганда гына әлеге эш шатлыклы, ике якка да канәгатьләнү хисе бирә торган һәм уңышлы була ала. Яшь буынны тәрбияләгәндә, мәктәп белән ата-аналарның һәрвакыт бер сүздә булуы шарт.
3 март көнне иртәнге сәгатьләрдә үк "Эльдорадо" сәүдә йорты каршындагы мәйдан халык белән тулган иде. Биредә Бөрбаш авыл җирлегенең ярминкәсе гөрли. "Бөрбаш" җәмгыяте печән, салам, ашлык, бәрәңге, ит, сөт һәм сөт ризыклары, бал алып килгән иде. Ассортимент, бизәлеш, оештыру сыйфаты югары дәрәҗәдә булса да, халыкның бар игътибарын сатуга алып килгән ак ат җәлеп итте. Бәясе дә "тешләми" - 77 мең сум. Малкайның иясе табылыр дип ышанып калыйк.
Шубан авылында Сәламәт яшәү рәвеше алып баруны дәвам итеп 4 март көнне Айзат Зарипов призына багышлап, ир-егетләр катнашындагы футбол уеннары оештырылды. Ир – егетләребез хезмәттә, укуда гына түгел, ә спортта да югалып калмаганлыкларын ел саен исбат итеп торалар. Һәр елны бу ярышларда 4 команда катнаша, ә бер авыл өчен бу аз түгел, билгеле.
Ярышта "Яшьләр", "Тубән Шубан", "Өлкәннәр", "Центральный" командалары катнашты. Бу көнне авыл чын мәгънәсендә бәйрәм төсе ала, бу һәр гаилә өчен бәйрәм. Ник дисәң, уенда һәр гаиләдән бер генә булса командада уйнаучысы булмыйча калмый. Һәрбер командага медаль грамоталар тапшырылды. Айзат Зарипов призына барган ярышта катнашкан футболчыларны, җанатарларны, хөкемдарларны, ярышларга килгән авылдашларны, килгән кунакларны Гөлсинә Фәткрахман кызы тәмле пылау, кайнар чәйләре белән сыйлады.
1 март көнне Шубан авыл китапханәсендә «Астрид Линдгрен и её любимые герои» дип исемләнгән швед язучысы А. Линдгренның тууына 110 ел тулу уңаеннан Республика күләм акциясе узды.
Укучылар язучының китаплары һәм иҗаты белән таныштылар. Швед язучысы А. Линдгренның иҗатына «Астрид Линдгрен һәм аның яраткан геройлары» исемле күргәзмә ясап куелды. А. Линдгрен турында презентация, «Пеппи Длинный чулок» повесть – әкиятенә буктрейлер карадык. Акциядә 1-4 сыйныфлардан 14 укучы катнашты.
3 март көнне үзәк зурлар китапханәсендә профориентация юнәлеше буенча “Хезмәтен сөйгән – бәхетен тулы иткән” дип исемләнгән очрашу кичәсе булды. Кичәгә Балтач урта мәктәбенең 8 нче сыйныфлары белән очрашуга төрле һөнәр ияләре килде. Укытучы, полиция вәкиле, косметолог, хисапчы, сатучы, авыл хуҗалыгы белгече үзләренең һөнәрләре турында сөйләде. Социаль-гуманитар белем институтыннан Балтач районы буенча региональ куратор Салихова Миләүшә Гариф кызы һәм "Арча агросәнәгать һөнәри колледжы”ның 2нче номерлы филиалыннан Әхәтов Нияз Фәрит улы да үзләренең уку йортлары турында сөйләп, белгечлекләр белән таныштырдылар.
2017 елның 3 нче мартында “Социаль туризм» программасы кысаларында «Наз» тернәкләндерү бүлекчәсендә тернәкләнүчеләр Чепьяда урнашкан «Халыклар дуслыгы» музеена сәяхәт кылдылар.
1 нче март көнне "Салават күпере" тозлы камырдан эшләнмәләр клубы үзенең чираттагы түгәрәгендә 8 нче март бәйрәме уңаеннан "Әниләргә бүләк" ясадылар.
23 февраль көнне Шубан авыл китапханәсе мәдәният йорты директоры белән берлектә авыл яшьләре өчен КВН үткәрде. Яшьләр торле конкурслар һәм кызыклы уеннарда катнаштылар.