ЯҢАЛЫКЛАР
Тарихка алтын хәрефләр белән язылган Җиңү көненең кешелек дөньясы өчен нинди зур кыйммәткә ия булуын һәркем яхшы белә. Безне фашизм коллыгыннан коткарган, балаларыбызның-оныкларыбызның бәхете өчен килгән изге көн бу!
Җиңү көне безгә бик кыммәткә төште. Газиз Ватаныбызны яклап Шөңшеңәр һәм Ор авылларыннан 448 кеше солдат шинеле киде, кызганычка каршы, аларның 236сына туган якларын кабат күрү насыйп булмады, ил азатлыгы өчен яу кырларында батырларча һәлак булдылар.
Ә тылдагылар, ач-ялангач булсалар да, үз ихтыяҗларын онытып Җиңү көнен якынайту өчен басу-кырларда көнне-төнгә ялгап эшләделәр.
Тарихның моңарчы тиңдәше булмаган олы вакыйгасы – Бөек Җиңүнең 70 еллыгын лаеклы каршы алу һәм истәлекле итеп үткәрү максатыннан Шөңшеңәр авыл җирлегендә барысы да эшләнде.
Яу кырында азатлыгыбыз өчен башларын салган авылдашларыбыз истәлегенә төзелгән һәйкәлләрдә санаулы көннәр эчендә ремонт эшләре булды. Шөңшеңәр һәйкәленә “Маяк” җәмгыяте тарафыннан (җитәкчесе Хаҗиев Х. Ә.) 110 000 сумга керү юлына һәм һәйкәл әйләнәсенә брусчатка җәелде. Ор авылы һәйкәлендә дә 30 000 сум күләмендә ремонт эшләре булды. Иганәчесе Җәләлов Ринат Гыйният улы.
Бөек Җиңүнең 70 еллыгы уңаеннан тантаналы митинглар Шөңшеңәр һәм Ор авылларында 8 нче май көнне үткәрелде. Бу митингта Шөңшеңәр авыл җирлеге, “Маяк” җәмгыяте , төп гомуми мәктәп, балалар бакчалары, мәдәният йортлары һәм китапханә, почта, мед. пункт хезмәткәрләре катнашты.
Җирлегебездә бары тик бер генә сугыш ветераны калды. Тыл ветераннары һәм сугыш чоры балалары – 98 кеше. Аларның һәрберсенә “Маяк” җәмгыяте, Шөңшеңәр авыл җирлеге тарафыннан әзерләнгән пакетлар тапшырылды. Митингтан соң 52 ветераныбыз чәй табынына чакырылды. Алар өчен авыл үзешчәннәре һәм район мәдәният йортыннан чакырылган артистлар бик матур концерт күрсәттеләр. Өлкәннәребез үзләренә шундый истәлекле бәйрәм оештырган җитәкчеләргә, чәй табынын әзерләгән мәктәп ашханәсе хезмәткәрләренә зур рәхмәт әйтеп якты хатирәләр белән таралыштылар.
Хөрмәтле Бөек Ватан сугышы каһарманнары, тыл батырлары, сугыш чоры балалары! Хөрмәтле райондашлар!
Бүген тарихка алтын хәрефләр белән язылган иң изге, иң абруйлы чын мәгънәсендә бөтенхалык бәйрәме - Бөек Ватан сугышында Җиңүнең 70 еллыгы!
Җиңү көне барлык кешеләр өчен һәрвакыт горурлык, батырлык символы, кайгы һәм халык хәтере белән бергә үрелгән бәйрәм булды. Чыннан да, бу иң изге бәйрәм көннәрендә һәркемдә горурлык, өлкән буыннарыбызга карата рәхмәт һәм соклану хисләре кабат яңара.7нче майда Смәел авыл китапханәсе, «Беренче сыйныф укучысының мәдәни көндәлеге” проекты кысаларында, “Авылымны бизи һәйкәлләр” исеме астында беренче сыйныф укучыларын Смәел авылындагы һәйкәлләр белән таныштыру максатыннан экскурсия үткәрде. Укучы балаларга Бөек Ватан сугышында ятып калган авылдашларыбыз истәлегенә төзелгән һәйкәл, Смәелнең горурлыгы булган Советлар Союзы Герое Гайфетдин Гыйльметдинов истәлегенә куелган һәйкәл, мәктәп янында урнашкан, сугыштан исән кайткан авылдашлар хөрмәтенә утыртылган, “Җиңү” аллеялары хакында сөйләнелде.
2015 елның апрель аена Татарстан Республикасы Хезмәт, халыкны эш белән тәэмин итү һәм социаль яклау министрлыгының Балтач муниципаль районындагы Социаль яклау бүлегенең эшчәнлеге турында мәгълүмат.