ЯҢАЛЫКЛАР
Балтач районы Татарстан Республикасы Президенты тарафыннан хупланган 30га якын программада уңышлы катнашып, районыбызның үсешенә, җирле халыкның тормыш-көнкүреш шартларын яхшыртуга ирешеп килә. Соңгы берничә елда башкарылган төзелешләр райондашларыбызның күз уңында. Күп кенә авылларда төзелеш эшләре барды һәм әле дә дәвам итә. Кайсы гына тармак булмасын, яңа объектлар сафка баса.
Балтач муниципаль районы башлыгы Рамил Нотфуллин котлый:
13 август - төзүчеләрнең һөнәри бәйрәмнәре.
8 август көнне “Сосна” җәмгыятендә районның авыл хуҗалыгы һәм азык-төлек идарәсе белгечләре һәм хуҗалык җитәкчеләре катнашында терлекчелектә 7 айлык эш күрсәткечләренә нәтиҗә ясау уңаеннан, семинар-киңәшмә узды. Бу чараның “Сосна” җирлегендә үтүе шул, ул районда терлекләрне җәйләүгә йөртүче бердәнбер җәмгыять. Район башлыгы Рамил Нотфуллин “Сосна” җәмгыятендә эш оештырылышын һәм уңай күрсәткечләргә ирешүләрен хуплап, башкаларга үрнәк итеп күрсәтте. Бигрәк тә, хезмәт елларын яңа башлаган яшь җитәкче, белгечләргә мөрәҗәгать итеп, “Биредә сезгә үрнәк алырдай, тәҗрибә уртаклашырдай нәрсәләр күп!” , дип бәяләде.
Спортны, хәрәкәтне яратучылар, һәрвакыт яшь һәм егәрле булып калырга теләүчеләр бәйрәме илебездә быел 77нче мәртәбә билгеләп үтелә. Август аеның икенче шимбәсе спорт җәмәгатьчелегенең һөнәри бәйрәме булып санала. Спортчыларны һөнәри яктан зур биеклекләргә күтәрүдә, балалар, яшүсмерләр һәм яшьләрне физик яктан әзерләүдә районыбызда тренерлар һәм педагогларның хезмәте гаять зур ихтирам-хөрмәткә лаек.
“Балтач” ял паркында “Мәктәпкә әзерләнергә ярдәм ит" хәйрия акциясе узды. Әлеге чарада район башлыгы Рамил Рашитович Нотфуллин һәм ТР Куркынычсызлык советы секретаре, районыбызның кураторы Айрат Радинович Шәфигуллин катнашты.
2016 нчы елның 11 августында Балтачның “Наз” тернәкләндерү булекчәсенә Нөнәгәр авылында яшәүче Наил Фасыйхов хәйрия концерты белән килде. Икенче төркем инвалид Наил абый шигырьләр, җырлар яза, бик матур итеп баянда уйный.
Әлеге чарада Наил абый үзенең моңлы җырлары белән тернәкләнү узучыларның күңелләрен үстереп, дәртләндереп җибәрде, баянда төрле көйләр башкарып барлык тамашачыларны да таң калдырды.
Балтач районы Татарстан Республикасы Президенты тарафыннан хупланган 30га якын программада уңышлы катнашып, районыбызның үсешенә, җирле халыкның тормыш-көнкүреш шартларын яхшыртуга ирешеп килә. Соңгы берничә елда башкарылган төзелешләр райондашларыбызның күз уңында. Күп кенә авылларда төзелеш эшләре барды һәм әле дә дәвам итә.
“Иртәне ничек башласаң, көнең шулай узар,”- дигән халык әйтемен hәркем балачактан яхшы хәтерли. Иртән эшләгән күнегүләр көне буена дәрт алырга менә дигән мөмкинлек бирә.
2016 елның 10 августында “Социаль туризм» кысаларында “Наз” тернәкләндерү бүлекчәсендәге тернәкләнү узучы пенсионерлар hәм инвалидлар Арча районы Кырлай авылында бөек шагыйребез Габдулла Тукай музеенда экскурсиядә булдылар. Андагы ясалган әкият геройлары, күп төрле композицияләр, музей хезмәткәренең эчтәлекле сөйләве тернәкләнүчеләрнең күңелендә якты истәлек булып калды. Мондый чаралар өлкәннәргә истәлекләрне барларга, аралашу киңлеген киңәйтергә мөмкинлек бирә.