ЯҢАЛЫКЛАР
9 сентябрь көнне Балтач үзәк китапханәсе хезмәткәрләре “Көзге мәрхәмәтлелек атнасы - мәрхәмәтле эшләр эстафетасы” акциясе кысаларында, өлкән яшьтәге китап укучыларның өйләрендә булып газета-журналлар, китаплар бирүне оештырдылар.
Матур, кызыклы, мавыктыргыч җәйге каникуллар да үтеп китте. Укучы балалар мәктәпкә көч җыеп, ял итеп, матур әдәбият укып киттеләр. Аеруча башлангыч сыйныф укучылары Чепья балалар китапханәсендә еш булдылар, чараларда катнаштылар. "Солнышко" мәктәп яны лагерена йөрүче балалар исә туган авыл табигатенә багышланган "Кто живет и что растет" чарасында катнаштылар.
Соңгы көннәрдә һава торышы бозылып, яңгырлар да явып торды. Ләкин бу авыл хуҗалыгы тармагындагы көзге җир эшкәртүгә күпмедер күләмдә аяк чала. Бүгенге көндә җәмгыять басуларында туфракны туңга сөрү, төп эшкәртү эшләре башкарыла
2016 нчы елның 8 нче сентябрендә ДЦ «Волонтер» активистлары “Битараф булмыйк” дип исемләнгән социаль акция уздырдылар.
Балтачлылар Яңа елга кадәр башкала халкын авыл-хуҗалыгы продукциясе белән тәэмин итеп торачак. Районның авыл хуҗалыгы продукциясе җитештерүче җәмгыятьләре, шәхси эшмәкәрләр, фермер хуҗалыклары, Балтач сөт-май комбинаты, “Агрохимсервис”, “Хәләл” индустриаль парк һәм башка оешмалар һәр ел саен ярминкәләрдә актив катнашып, ярдәм итеп торалар. Шулар арасыннан шәхси эшмәкәр Рәмзия Закировага, Фәрит Әхкямовка, Айдар Сәмигуллин, Володя Филиповка, район кулланучылар җәмгыятенә һәм көн дәвамында үзләренең дәртле җырлары белән сатып алучыларның күңелләрен күтәреп, концерт номерлары тәкъдим иткәннәре өчен район мәдәният бүлеге хезмәткәрләренә рәхмәт белдерәбез.
7 сентябрь көнне районның хезмәтне саклау һәм хезмәт шартлары буенча булган координацион совет утырышында көн тәртибендә беренче “Арбор” җәмгыятендә комбайнчы белән килеп чыккан бәхетсезлек очрагы сәбәпләрен ачыклау мәсьәләсе каралды.
2016 нче 7 нче сентябрендә “Социаль туризм» программасы кысаларында «Наз» тернәкләндерү бүлекчәсендә тернәкләнү узучы 15 инвалид Габдулла Тукайның Дәүләт әдәби-мемориаль комплекс музеенда экскурсиядә булдылар.
3 ай вакыт калып бара - әзерлекне бүгеннән башларга!!!
Республикада ел башыннан этил спиртын, алкоголь һәм спиртлы продукция җитештерү, сату, аларны куллануны чикләү буенча федераль закон гамәлгә керде. Республиканың шәһәрләрендә һәм район үзәкләрендә кулланучыга сатылган һәр шешә хәмерне мәҗбүри рәвештә ЕГАИС системасында теркәү бурычы куелган иде. Татарстан Республикасы Министрлар Кабинетында республика Премьер-министры урынбасары Васыйл Шәйхразиев әлеге системага 10 декабрьгә кадәр авыл җирлекләрендәге сәүдә нокталары да кушылып бетәргә тиеш булачак, дип белдерде. Бу хакта бүген – 7 сентябрь көнне видеоконференция режимында үткән чираттагы киңәшмәдә сүз барды. Анда район эшмәкәрләр советы әгъзалары, шәхси эшмәкәрләр һәм сәүдә нокталарында хезмәт куючы баш хисапчылар да катнашты.
200 һәм 2000 сумлык яңа банкнотларда басылачак шәһәр күренешләре өчен үткәрелгән бәйгедә Казан Кремле һәм Казан (Идел буе) федераль университеты финалга чыкты.
Бүген – 5 сентябрь көнне районның авыл хуҗалыгы җәмгыятьләре бәрәңге уңышын җыеп алуга кереште. Быел бәрәңге район буенча барлыгы 318 гектарда гына игелгән, 8 хуҗалык кына утыркан аны. Җәйнең коры килүе сәбәпле, уңышы да куанырлык түгел.