ЯҢАЛЫКЛАР

"Ак калфак" Бөтендөнья татар хатын-кызлары иҗтимагый оешмасы татарлар яшәгән төбәкләргә барып чаралар уздыруын дәвам итә. Оешма әгъзалары татар хатын-кызларының тормыштагы ролен, кул эшләрен, яшәү рәвешен һәм гореф-гадәт, йолаларыбыз сакланышын барлый, өйрәнә, элемтәләр ныгыта, тәҗрибә уртаклаша. Менә шундый максаттан 16 , 17, 18 декабрь көннәрендә Балтач районының "Ак калфак" оешмасы рәисе урынбасары Гөлнара Гарипова эшлекле сәфәр белән "Ак калфак" Бөтендөнья татар хатын-кызлары иҗтимагый оешмасы рәисе Кадрия Рәис кызы Идрисова җитәкчелегендәге делегация составында Пенза өлкәсендә булып кайтты. Ул “Әбикәй-матуркай” бәйгесен тамаша кылды. Аннан алган тәэсирләрен безнең белән дә уртаклашты: 

Татарстанның Эчке эшләр министрлыгы кисәткәнчә, законсыз сакланган коралны, сугыш кирәк-яракларын үз теләгең белән хокук саклау органнарына тапшыру, җинаять җаваплылыгыннан коткарудан тыш, матди файда да китерә. 

21 декабрь көнне мәчетебезгә Балтач районы Түнтәр авылыннан Рәфкать абый Зарипов мәчеткә йөрүче бер төркем апаларны җыелып алып килгән иде. "Ярдәм" мәчетендә башкарылган зур эшләрне телевизордан карап бик кызыга идек, күрәсебез килә иде, ди алар. Мәчетебез эшчәнлеге белән якыннан танышып, "дөньяның мондый җире дә була икән "- диеп, гаҗәпләнеп кайтып киттеләр. Хәерле юллар үзләренә. Аллаһ игелекле эшләрен кабул кылсын, дип хәбәр итә "Ярдәм" мәчетендә эшләүче якташыбыз, Таузар авылы кызы Эльвира Ибраһимова.

Яңа Салавыч авылында халыкның күмәк тырышлыгы белән яңа мәчет салу эше башланып китте. Шушы көннәрдә бурасын күтәрделәр. Изге эш хәерле сәгатьтә булсын!

Күптән түгел декабрь аенда башкалада Татарастан Республикасында яшьләр оешмаларының җәмәгать тәртибен саклау буенча ХI Слеты булып узды. Әлеге чарада 2016 елгы эшчәнлеккә нәтиҗә ясалды. Шушы уңайдан, районыбыздан яшьләр оешмасы белән эшләүче белгечләрдән торган делегация катнашты. Район яшьләр эшләре һәм спорт бүлеге җитәкчесе Рөстәм Заһидуллин тырыш хезмәте өчен исемләнгән кул сәгате белән бүләкләнде. Ә район эчке эшләр бүлеге хезмәткәре, полиция капитаны Ләйсән Нәҗипова, "Факел" балалар һәм яшүсмерләр клубы тренеры Илфар Гыйльметдинов, Балтач урта мәктәбе укучылары Алмаз Иванов белән Илһам Кадыйров Рәхмәт хатларына лаек булдылар.

Яңа ел-иң сихри, матур бәйрәмнәрнең берсе! Аеруча да әлеге бәйрәмне нәниләребез көтеп ала.Бу тарафтан, Көек авылында  Яңа ел алдыннан сабыйларыбызга бәйрәм рухы өләшү максаты белән Кыш бабай белән Кар кызы(китапханәче) иң кечкенәләргә әти-әниләре б.н. берлектә әзерләгән бүләкләрне кулларына тапшырды. Кечкенә генә шатлык та алар өчен зур бйәрәмгә әйләнде! Шулай ук авылыбызның актив яшьләре белән берлектә китапханә каршына 2017 елның төп символы әтәчне ясап куйдык.

23 декабрь көнне район мәдәният үзәгендә Өченче чакырылыш Балтач район Советының унберенче утырышы булды. 

Утырышның көн тәртибендә түбәндәге мәсьәләләр каралды: 
1.Беренче көн тәртибе буенча район башкарма комитеты җитәкчесенең беренче урынбасары Илшат Галимуллинның чыгышы тыңланды. Ул Балтач муниципаль районының 2017-нче елга, 2018-2019-нче елларның планлы чорына социаль-икътисади үсеш фаразлары турында (икенче укылыш) бәян итте.

2016  нчы  елның 14  декабрендә укучыларның башкару сәләтләрен үстерү, татар халык иҗатын пропагандалау һәм татар милли музыкасы аша укучыларга мәдәни һәм әхлак тәрбиясе бирү максатыннан  Римма Ибраһимова исемендәге “Халык зур ул, моңлы ул...” зонаара ачык конкурс-фестиваль узды.Конкурс-фестивалендә  7 яшьтән алып 15 яшькә кадәрге  Балтач, Арча, Биектау,Кукмара, Саба муниципаль районнарынна һәм Киров өлкәсеннән йөздән артык гомуми белем бирү мәктәбе укучылары катнашты.

Фестивальне оештыручылар: 

•         Бөтендөнья  татар конгрессы башкарма комитеты

•         “Таттелеком” ачык акционерлык җәмгыяте

•         Балтач муниципаль районы  мәгариф бүлеге.

•         Балтач муниципаль районы мәдәният бүлеге.

•         Балтач муниципаль районы«Кенә төп гомуми белем мәктәбе»  

Фестивальдә катнашкан барлык укучыларга да  катнашу сертификатлары, җиңүчеләргә дипломнар  бирелде. Җиңүчеләргә “Таттелеком” ААҖ  һәм Бөтендөнья  татар конгрессы башкарма комитетының махсус бүләкләре тапшырылды.

Түбән Кенә авылы мәдәният йортында Римма Ибраһимова исемендәге «Халык зур ул, моңлы ул…» исемле  зонаара ачык фестиваль-конкурс үтте.

Бәйгедә 100дән артык  конкурсант нәфис сүз, вокаль ансамбль, композитор әсәрләре, фольклор, татар халык җыры номинацияләре буенча  көч сынашты. Аларның эшләрен мәртәбәле жюри әгъзалары: ТР Язучылар Берлеге әгъзасы, шагыйрә, Бөтендөнья татар конгрессы башкарма комитеты хезмәткәре Шәмсия Җиһангирова, Татарстанның халык артисты, якташыбыз, Түбән Кенә авылы кызы Римма Ибраһимова, Татарстанның атказанган мәдәният хезмәткәре Радик Михайлов, Кенәбаш авылы егете, җырчы Рафил Җәләлиев бәяләде.

Өченче чакырылыш район Советының чираттагы утырышының үткәрү көнен һәм утырышта каралачак мәсьәләләр билгеләп үтелде.
Район Советының 11-нче утырышының көн тәртибенә түбәндәге мәсьәләләр тәкъдим ителде: