Балтачлылар утлы корал тапшырып, акча эшли ала
Татарстанның Эчке эшләр министрлыгы кисәткәнчә, законсыз сакланган коралны, сугыш кирәк-яракларын үз теләгең белән хокук саклау органнарына тапшыру, җинаять җаваплылыгыннан коткарудан тыш, матди файда да китерә.
Киселгән утлы корал тапшырган өчен - 3 мең,
шартлаткыч матдәләр һәм шартлату чаралары өчен - 2 мең,
гранаталар һәм шома көпшәле утлы ату коралы өчен – 1 мең 500 сум,
көпшәсе киселгән, кулдан ясалган утлы коралга – 1 мең,
газлы, пневматик һәм травматик корал өчен - 500 сум,
киселгән утлы коралга хәрби кирәк-яраклар өчен 20 сумга кадәр
Татарстан Министрлар Кабинеты карары буенча акча түләнә.
Әгәр сезгә корал кирәк түгел, яисә утлы корал тапкансыз икән, аны полициягә алып килеп бирергә, 02, 2-70-80, 2-65-41 телефоннары аша шалтыратып әйтергә кирәк.