ЯҢАЛЫКЛАР
Югары Субаш авыл җирлеге башлыгы Ранис Вафин Бөек Җиңүнең 72 еллыгы уңаеннан, ветераннарга бүләкләр өләште.
Хәтер — ул безнең тарихыбыз. Сугыш тарихы кан белән язылган булса да, еллар үткән саен без аны тынычрак кабул итәбез, дәһшәтле сугыш еллары безнең өчен фактлар гына булып тора. Шулай да әлеге канкойгыч вакыйгада катнашкан ветераннарыбызны онытырга безнең хакыбыз юк.
Соңгы көннәрдә Балтач зиратында карт агач, куакларны кисү, чистарту, тәртипкә китерү, төзекләндерү эшләре дәвам итә. "Чисталык ике айлыгы" дәвамында зират территориясе тәртипкә салыначак.
Әлеге эшләр Бөек Җиңүнең 72 еллыгы уңаеннан оештырыла. "Үләгәннәрнең - каберен, исәннәрнең - кадерен бел!" дигән гыйбарә еллар үтсә дә, актуальлеген югалтмый.
Көек авылы китапханәчесе Зилә Ильязова (Нургалиева) районыбызның күренекле шагыйрәсе, журналисты, китаплар авторы, күпкырлы каләм иясе Фәридә ханым Шакирова белән очрашу оештырган. Фәридә ханым Көек авылы халкына үзенең иҗат җимешләрен тәкъдим иткән, иҗат юлы һәм китаплары белән таныштырган. Очрашуга килгән балаларга "Бирегез миңа түбәтәй!" дип исемләнгән яңа шигырьләр китабы аеруча да ошаган.
Бөек Җиңүнең 72 еллыгы уңаеннан Балтач шәһәр җирлегендә яшәүче Бөек Ватан сугышы ветераннарының тол хатыннарына бүләкләр тапшырылды. Бу җирлектә андый 27 ханым гомер итә. Әлеге игелекле гамәлне Балтач шәһәр җирлеге башкарма комитеты җитәкчесе Илдар Габдрахманов башкарды. Ул бистәдә, Курмала һәм Көек авылларында гомер итүче ветераннарның өйләрендә булды, хәллләрен белеште , якынлашып килүче Бөек Җиңү бәйрәме белән тәбрикләде.
18-21 апрель көннәрендә Казанда татар теле һәм әдәбиятыннан V халыкара олимпиада үткәрелде.
21 нче апрель көнне исә Казанның «Баскет-холл» спорт комплексында 3500 тамашачы катнашында олимпиаданы йомгаклау тантанасы уздырылды. Тантанада республикабыз Президенты Рөстәм Нургалиевич Миннеханов катнашты.
Барыбыз да белә: соңгы елларда бер генә сынамыш та, синоптикларның бер генә фаразы да туры килми – табигать үз кануннары, үз капризлары белән яши һәм, әйтерсең, безгә өстенлеген күрсәтергә тели.
Бөек Җүнең 72 еллыгы уңаеннан, районыбызның сугыш ветераннарына сугышта һәлак һәм кайткач вафат булганнарының тол калган хатыннарына Татарстан Президенты Рөстәм Миңнехановның һәм Балтач районы башлыгы Рамил Нотфуллинның Котлау хатларын һәм бүләкләрен өләшү дәвам итә. Бүгенге көндә районда 19 Бөек Ватан сугышы ветераны яши. Аларның сафы елдан-ел кими...
24 апрель көнне район башкарма комитеты җитәкчесе Рамил Шакиров, район хәрби комиссариаты хезмәткәре Рафаэль Шакиров, районның социаль яклау бүлегенең “Наз” үзәге мөдире Гөлнара Әхмәдиева белән берлектә Карадуган һәм Кече Лызи авыл җирлекләрендә яшәүче ветераннарның өйләрендә булып кайттылар.
Георгий тасмасы Георгий Ордены белән бергә 1769 елда барлыкка килә.
СССРның Югары Советы Президиумы Указы нигезендә 1943 елның 8 ноябрендә тасма Дан Орденының бер өлешенә әйләнә. Шул сәбәпле Бөек Ватан сугышында катнашканнарның истәлегенә багышлап 9 майга кадәр туган илебез тарихына хөрмәт белдереп, миллионлаган кешегә тасма өләшенәчәк.
Җиңү бәйрәме алдыннан Илебез тынычлыгы өчен көрәшкән әби-бабайлар хөрмәтенә Георгий тасмасы тагып, ул көннең мөһимлеген йөрәк түрләребездә йөртергә бурычлы.
21 апрель көнне "Иң яхшы билингваль балалар бакчасы" конкурсына нәтиҗә ясалды. Татарстандагы 20 мәктәпкәчә белем бирү учреждениесе “Иң яхшы билингваль балалар бакчасы“ республика бәйгесендә җиңде. Конкурс нәтиҗәләре буенча Татарстанның ике дәүләт теле – татар һәм рус телләрен өйрәтүдә югары күрсәткечләргә ирешкән балалар бакчаларына 500 000 сум күләмендә республика гранты тапшырылды. Алар арасында безнең Балтачның 2нче номерлы "Салават күпере" балалар бакчасы да бар.