ЯҢАЛЫКЛАР
1 июнь көнне Яңгул китапханәчесе ,Г.Гарифуллин исемендәге Яңгул гомуми урта белем бирү мәктәбе каршында оештырылган ,”Кояш-кай” лагерен ачу тантанасында катнашып ,аларны җәйге яллары белән тәбрик иттем,алдагы көннәрдә бергә –бергә матур кичәләр оештырырга ышандырдым.
1июнь –балалрныяклау көне уңаеннан Яңгул китапханәчесе ,Яңгул “Гөлчәчәк”балалар бакчасында яңа китапларга обзор уткәрде.Алар га төрле темага шигырьләр,кыскаа хикәяләр,әкиятләр укыдым.
Көннәрнең аяз торуыннан файдаланып, районның авыл хуҗалыгы һәм җәмгыятьләре хезмәтчәннәре басуларда көнне-төнгә ялгап эшлиләр.
“Иртә язда чәчкән– откан”, дип халык юкка гына әйтмидер. Әле бит аны чәчәсе генә түгел, шытып чыккан үсентеләргә тиешле тәрбия бирәсе, корткычларга, чүп үләннәренә каршы эшкәртәсе дә бар. Шуңа да район хуҗалыкларында чәчү белән беррәттән чәчүлек мәйданнарны корткычларга, чүп үләннәренә һәм төрле авыруларга каршы гербицидлар белән эшкәртү эшләре дә башланып китте. Шулай ук сабан культуралары мәйданнарында тырмалау эшләре дә бара.
"Әлеге культуралар чәчелгән мәйданнарны да чүп үләннәренә һәм корткычларга каршы гербицидлар белән эшкәртүне башлау өчен тырмалау эшләрен тизләтү таләп ителә, дип бурыч куйды район башлыгы Рамил Нотфуллин.
Терлек азыгын әзерләү өчен тулаем алганда, авыл хуҗлыгы техникасы әзер. Тик кышка саклауга салу өчен силос базлары һәм траншеялар гына әзер түгел, хуҗалык җитәкчеләре бу мәсьәләне хәл итүгә салкын карыйлар. Күпчелек хуҗалыкларда базларны тәртипләү, төзекләндерү эшләре таләп ителә. Районның авыл хуҗалыгы һәм азык-төлек идарәсе җитәкчесе Фирдәүс Нәбиуллин китергән мисаллардан күренгәнчә, бүгенге көндә Тукай исемендәге хуҗалыкта бөтенесе диярлек, ә "Уңыш" белән "Борнак" җәмгыятьләрендә икешәр баз ремонт эшләре таләп итә.
"Терлек азыгы әзерләүгә керешергә кирәк! Кичектерергә, вакытны сузарга ярамый!" ди Рамил Нотфуллин
12 июнь көнне «Наз» Халыкка комплекслы социаль хезмәт күрсәтү үзәгендә өйгә барып социаль хезмәт күрсәтү бүлекчәсе социаль хезмәткәрләре өлкәннәребез өчен «Минем йортым – Россия» дигән әдәби викторина оештырдылар. Өлкәннәребез бу чараны бик яратып кабул иттеләр.
Россия көнендә яшь балтачлылар ниләр белән бүләкләнгән (+фото)
Балтачның яшь гражданнары Россия көнендә паспортлы булды.
14 яше тулган егет-кызларга паспорт тапшыруны тантаналы төстә уздыру Балтач районында матур традициягә әйләнде. Район яшьләр эшләре, спорт бүлеге һәм Россия Эчке эшләр министрлыгының район миграция пункты оештырган чираттагы шундый чарада кичә – Россия көнен билгеләп үткән чарада тапшырылды.
Паспорт алу кешегә мөстәкыйльлек өсти һәм шул ук вакытта закон алдында бурычың да арта төшә. Район башкарма комитеты җитәкчесе Рамил Шакиров, яшьләрне котлап, аларга үз теләкләрен җиткерде:
– Сезнең алда хәзер бик күп мөмкинлекләр ачылды. Ләкин шуның белән бергә дәүләт алдындагы җаваплылыгыгыз да бермә-бер артты. Үзегез кылган гамәлләргә үзегез җавап бирәсез. Илебезнең тулы хокуклы бәхетле гражданнары булыгыз!
12 июнь көнне «Наз» Халыкка комплекслы социаль хезмәт күрсәтү үзәгендә өйгә барып социаль хезмәт күрсәтү бүлекчәсе социаль хезмәткәрләре өлкәннәребез өчен «Минем йортым – Россия» дигән әдәби викторина оештырдылар. Өлкәннәребез бу чараны бик яратып кабул иттеләр.
Билгеле булганча, 2017 ел Россиядә Экология елы дип игълан ителде. Шул уңайдан, Үзәк китапханә хезмәткәрләре 13 июнь көнне, “Романтик” җәйге сәламәтләндерү лагерына барып, “Без – табигать дуслары” дип исемләнгән эко-батл (эко-бәйге) тәкъдим итте. Биредә ял итүче балалар табигатебезнең бүгенге халәте турында борчылган Шүрәле, Су анасына ияреп, экологиягә кагылышлы сорауларга җавап эзләделәр.
12 июнь көнне Борнак авыл китапханәсендә Россия көне уңаеннан “Ватаным минем Россия”исемле күзәтү яшьләр өчен үткәрелде.Әлеге чарада яшьләргә ватанпәрверлек,хезмәт,бердәмлек һәм татулык,дуслык турында сөйләнелде.
Чепья авыл китапханәсендә Россия көне уңаеннан "Будем всегда Россией гордиться" исемле китап күргәзмәсе эшләде, китпалар тәкъдим ителде.
Пыжмара авылында 2017 елнын апрель аеннан «Чиста су» программасы нигезендә “Пыжмара авылын су белән тәэмин итү” проекты буенча 14 миллион 401 мең 480 сумлык күләмле төзелеш эшләре башланды. Бу хакта авыл җыеннарында, гомуми җыелышларда күп тапкырлар хәбәр ителде, белдерүләр бирелде.
Бүгенге көнгә Новая урамының өске өлеше яңа линия буенча су белән тәэмин ителде, ул урамга 2 пожар гидранты урнаштырылды. Авыл иске линиягә тоташтырылган, су даими килеп тора. Яңа скважина казылып, су кудыру эшләре башланды.