ЯҢАЛЫКЛАР
Китапханәләребез рус һәм туган телебездә басылган әдәбият белән даими тулыланып тора. Укучыларның көзге яллары башланыр алдыннан китап укучы балаларыбызны куандырып Балтач үзәк балалар китапханәсе янә яңа китаплар белән баетылды. Кече, урта һәм өлкән мәктәп яшендәге балалар өчен 51 исемдә рус телендә мәктәп программасы буенча рус әдәбияты язучылары китаплары кайтты.Бүгенге китап укучыларыбызны канәгатьләндерерлек итеп басылган, эре шрифтлы, иллюстрацияләр белән баетылган М.Горький, В.Катаев, А.Чехов, А.Грибоедов, Ю.Нагибин, Б.Васильев, М. Пришвин, К. Паустовский һ.б. рус әдәбияты классиклары әсәрләре белән танышырга балаларны китапханәбездә көтеп калабыз.
28-29 октябрь көннәрендә Минзәлә районында республика күләмендә муниципаль хезмәткәрләрнең спартакиадасы кысаларында, волейбол ярышлары булып үтте. Ике көн дәвамында барган киеренке зур ярышларда 18 команда арасында безнең Балтач районы командасы үз югарылыгын саклап кала алды. Балтачыбыз егетләре икенче призлы урынны яулады.
Бишенче мәртәбә районыбызда гражданнардан үзара салым җыю системасы эшләп килә. Алда тагын референдум көтә, бу уңайдан шушы һәм башка яңалыклар хакында Балтач шәһәр җирлеге башкарма комитеты җитәкчесе Илдар Габдрахманов белән әңгәмә кордык.
2017 елнын 27 октябрендә Нөнәгәр авыл җирлеге башлыгы – Ахметханов А.З. Чутай башлангыч мәктәбе укучылары белән очрашты
Бүген - 26 октябрь көнне Өченче чакырылыш Балтач район Советының унҗиденче утырышы булды. Бүгенге утырышны Балтач район башлыгы, район Советы рәисе Нотфуллин Рамил Рәшит улы алып барды. Утырыш эшчәнлегендә район башкарма комитеты җитәкчесе, аның урынбасарлары, бүлек җитәкчеләре, район Советының җаваплы хезмәткәрләре, авыл хуҗалыгы, предприятие, оешма, учреждение җитәкчеләре, мәктәп директорлары, шәхси эшмәкәрләр катнашты.
21 октябрь көнне Кили мәдәният йортында яшьләр һәм яшүсмерләр белән "Заман афәтләреннән ерак бул!" дип исемләнгән түгәрәк өстәл уздырылды. Яшьләр алкоголь, тәмәке тарту, наркоманиянең зыяны турында фикер алыштылар.
Смәел авыл китапханәсе "Минем хокукларым" исеме астында 6-7нче сыйныф укучылары өчен әңгәмә үткәрде. Әңгәмә барышында "Балалар хокуклары Конвенциясе" хакында мәгълүмат бирелде, балаларга хокуклары турында сөйләнелде.
20-21 октябрь көннәрендә Казанның “Ак Барс” көрәш сараенда Татарстан Республикасы Авыл хуҗалыгы һәм азык-төлек министрлыгы призына көрәш буенча республикакүләм ярышлар узды. Аларда районыбыздан ике команда катнашты. Биредә райондашларыбыз да пьедесталга күтәрелә алды.
19-20 октябрь көннәрендә Зәй политехник колледжында 30 яшькә кадәрге яшь комбайнчылар арасында «Хезмәт кешесен данлыйбыз» республика телевизион конкурсы үткәрелде. Әлеге бәйгедә уңышка ирешеп, райондашыбыз Рәлиф Ильясов ll призлы урын яулады.
20 октябрь көнне үзәк китапханәдә район китапханәчеләре өчен семинар булып узды.
Эшлекле сөйләшүдә алда торган бурычлар ачыкланды. Район территориаль сайлау комиссиясе рәисе Р.В.Кәримов чыгыш ясады.
Семинар барышында ел дәвамында уздырылган бәйгеләргә нәтиҗә ясалды, җиңүчеләр бүләкләнде.