ЯҢАЛЫКЛАР

Чепья авыл китапханәчесе 22 июнь Хәтер һәм кайгы көне уңаеннан "Наз" тернәкләндерү үзәгендә  ял итүчеләр өчен БВС ветераны Галиев Гарифҗан Галиевич белән очрашу үткәрә. Ветеран сугыш елларында кичергән газапларын, сугыш афәтләрен, ерткыч Гитлер, Гимлер турында эзлекле итеп сөйләде.Тернәкләнүчеләр үзләрен кызыксындырган сорауларга җаваплар ишеттеләр. Очрашу ил-көннәребезнең тыныч, мондый афәтләрне башка күрергә язмасын дигән теләк белән тәмамланды.

20 июнь көнне Арбор мәдәният йорты хезмәткәрләре мәктәп яны лагерындагы балалар өчен очрашу уздырдылар. Безгә кунакка Татарстанның атказанган сәнгать эшлеклесе, А.Алиш исемендәге премия лауреаты, берничә мәртәбә бәллүр каләм премиясе лауреаты, бик күп китаплар авторы, шагыйрә, "Шәһри Казан" газетасы журналисты Йолдыз Шәрәпова килде. Балалар аның белән бик шатланып фикер алыштылар, Йолдыз апа аларга үзенең матур шигырьләрен сөйләде, истәлеккә китабын бүләк итеп калдырды.

21 июнь көнне Чутай мәдәният йорты хезмәткәрләре Халыкара наркотиклар куллануга каршы көрәш айлыгы уңаеннан " Наркотиклардан башка тормыш" дип исемләнгән рәсем конкурсы үткэрделэр. Наркотикларның зыяны турында әңгәмә үткәрелде, соңыннан балалар төрле күңелле уеннарда катнашып призлар алдылар.

17 июнь көнне Борнак авыл китапханәсендә “ Наркотиксыз тормыш”айлыгы кысаларында “Наркомания-афәт ул” исемле әңгәмә яшьләр белән үткәрелде.

21июнь көнне Балтач үзәк зурлар һәм балалар китапханәсе “Балтач” ял паркында 22 июнь - Хәтер һәм кайгы көне уңаеннан “Онытырга һич юк хакыбыз!” дип исемләнгән  китап күргәзмәсе тәкъдим итте.