ЯҢАЛЫКЛАР
24 июнь көнне Борнак авыл китапханәсендә мәдәният йорты хезмәткәре белән бергә яшьләр көненә карата “Яшьлек бер генә килә”исемле викторина үткәрелде.Әле чарадан яшьләр бик күп мәгълүмат алдылар.
Чепья авылында яшәүче Залкеева Валентина Павловнага 29 июнь көнне 90 яшь тулды.
25 июнь көнне Көек авылында авыл халкы белән берлектә милли бәйрәмебез Сабан туйга әзерлек хөрмәтеннән әрәпә үткәрдек! Елның-елында матур традициябез булып сакланучы әлеге чарабыз быел да югары дәрәҗәдә үтте. Башка авыллардан да килгән балалар белән берлектә күңелле үтте әрәпә. Килгән һәр бала да тәм-том тулы күчтәнәчләр белән ял итеп кайтып китте.
24 июнь көнне Көек авылы китапханәсендә авыл яшьләре белән берлектә наркотикларга каршы айлык алып барылу сәбапле “Наркотиклар һәм яшьләр” исеме астында әңгәмә һәм анкеталаштыру үткәрелде. Төрле сораштырулар һәм мәгълүматлар аша фикерләр алыштык. Яшьләр үзләреннән күптөрле яңалыклар җиткерде. Әлбәттә, һәркайсы да үзләренең тискәре фикерләрен әйтте.
14 нче июнь көнне Шубан мәктәп яны лагерена йөрүче балалар Шубан авыл китапханәсенә экскурсиягә килделәр. «Шаянлыкта – балачак бәйрәме» исемле куңел ачу кичәсе үткәрелде. Балалар белән кызыклы викторина һәм күңелле уеннан уйнатылды.
22 нче июнь көнне Алан авыл китапханәсендә Хәтер көне уңаеннан "Хәтереңә тузан кунмасын" исемле чара уздырылды.
Җәйге каникуллар дәвам итә. Әлбәттә, җәйге ял вакытында балалар тулаем диярлек мәктәп ыгы-зыгысыннан азат диярлек. Шул уңайдан, Көек авылы балалары белән берлектә 18 июнь көнне “Тарих аша экологияне күзәтү!” исеме астында авылның тарихи урыннары буенча экскурсия оештырдык. Әлеге оешу бик файдалы булды. Чөнки балалар авылның үзләренә дә таныш булмаган тарихи урыннары турында мәгълүматлар гына булдырып калмадылар, ә экология елы буларак, табигать кочагында үзләрен ничек тәртипле тотарга, ял итеп тә Табигать анабызга зыян китермичә яшәргә мөмкин икәнлген дә күңелләренә салып куйдылар. Шунысын искәртеп үтәргә кирәк, экскурсияне тормышка ашырырга ярдәм иткән авылыбызның зихенле кешесе, аксакалы Ками абый Бариевка олы рәхмәтне җиткерәбез. Экскурсия азагында тамак ялгап, китаплар укып ял иттек. Җәйнең бер көне Көектә менә шулай күңелле үтте!!!
Хәтере, тарихы булган ил-ул зур киләчәге булган бетмәс, югалмас җәүһәр! Ләкин кызганычка каршы, кешелек бик зур афәтләр кичерергә мәҗбүр шул. Күбесе үзенең тынычсызлыгы барәбәренә башкаларның гомерен алып китүгә дә китерә. 22 июнь илебез күгендә “Хәтер көне” буларак билгеләп үтелә. Авыр , сагышлы уйлар аша без китапханәчеләр дә бу уңайдан чаралар үткәрәбез. Хәтер көнен Көек китапханәсендә дә мәктәпкәчә яшьтәге һәм башлангыч сыйныф укучылары белән бергә “Хәтер аша якты киләчәк” исеме астында әңгәмә һәм рәсем күргәзмәсе булдырдык. Сугышның алып килгән ачы афәте, һәркем өчен дә тетрәндергеч зур югалтулар китрүен балаларга аңлатылды. Алар бу тарафтан, үзләре дә бик тирән фикерләр җиткерде.
Себер тракты тарихы һәм Муса Җәлил музейларында җәйге лагерьларга йөрүче мәктәп укучылары өчен “Тарих иленә сәяхәт” исемле чаралар үткәрелде. Балалар икмәкнең ничек безнең табыннарга килүен сүздә генә тыңлап түгел, шул процесста үзләре дә катнашып карадылар. Чабагач белән ашлык сугу, кул тегермәнендә бодай яру, он иләү, камыр басу кебек эшләрне балалар үз куллары белән эшләп карадылар. 9 июнь көнне Кенә мәктәбе укучылары, 13 июнь көнне Салавыч, 15 июнь көнне Борбаш, 19 июнь көнне Пыжмара һәм Карадуган мәктәбе, 21 июнь көнне Арбор мәктәбе укучылары әлеге чарада катнаштылар.