ЯҢАЛЫКЛАР
Хәтер һәм кайгы көнендә Балтач районында 21 һәм 22 июнь көннәрендә сугыш корбаны булучылар искә алына. 21 июнь кичендә район яшьләр эше һәм спорт бүлеге тарафыннан актив яшьләр катнашында "Батырлар аллеясы"нда мәңгелек ут янында хәтер көнен искә алу уңаеннан шәмнәр кабызу оештырылачак. Ә 22 июньдә көндезге сәгатьләрдә районкүләмендә Бөек Ватан сугышы һәм тыл ветераннары, сугыш чоры балалары белән очрашулар үткәрү планлаштырыла, һәйкәлләр янында митинг узачак.
2018 ел — " Россиядә волонтерлар елы" буларак мәгълүм. Кемнәр соң алар диярсез, волонтерлар — игелек кылучылар. Соңгы елларда мәктәпләрдә, район социаль яклау бүлеге тарафыннан оештырыла торган чараларда волонтер исеме белән аталучы укучылар төркеме күзгә чалына башлады. Волонтерлар турында ишеткән, хәтта аларны күргәнебез булса да, тулырак мәгълүматны белеп бетермибез. «Волонтер» - инглиз теленнән «үз теләге белән ярдәм итүче» дип тәрҗемә ителә. Алар элеккеге тимурчыларны хәтерләтә. Нинди генә чаралар үткәрелгәндә дә алар актив катнашырга омтылып торалар. Укучылар яки яшьләр арасында тырыш, уңганнар гына волонтерлык эшен җиренә җиткереп башкара ала. Алар ихластан хәйрия эшләрендә дә катнашалар, ялгыз картларга, өлкәннәргә, ятимнәргә ярдәм итәргә ашыгалар. Берьяктан аларны социаль хезмәткәрләр белән дә тиңләп була, ләкин волонтерларга хезмәт хакы түләмиләр. Белгәнебезчә, меңләгән кеше үз гомерендә бик күп яхшылыклар эшли, чит-ятка да ярдәм кулы суза һәм моның өчен бернәрсә дә сорамый. Моның белән ул үзенә канәгатьләнү ала, игелек кыла, кешелек җәмгыяте каршындагы бурычын үти.
Татарстан Республикасының “Инженерная Республика» проекты Мәгариф һәм Фән министрлыгы җитәкчелегендә А.Н.Туполев ис. КНИТУ-КАИ белән берлектә төзелә.
Бу елгы Сабантуй бәйрәмнәре хөрмәтле сугыш ветераннарына аеруча истәлекле булды. Аларга Татарстан Президенты Рөстәм Миӊнеханов Указы белән бирелгән «Хезмәттәге батырлык өчен» медальләрен тапшыру булды. Смәел авылыннан Фатыйма Нәбиева, Бөрбаштан Нурҗиһан Хөснетдинова һәм Кенәдән Тәскирә Галимуллина апаларны котларга район башлыгы Рамил Нотфуллин һәм бер төркем җитәкчеләр килде.
Көндез 18 июньдә, 19 июньдә төнлә һәм көндез Татарстан Республикасы территориясендә көчле җил һәм яшенле яңгыр көтелә.
16 июнь көнне Балтачта Шушма елгасы буенда, матур аланлыкта урнашкан “Сабантуй» паркында район Сабан туе булды. Һава торышының аяз булуы халыкка табигатьтә бәйрәм итәргә мөмкинлек булдырды. Мәйдан тутырып килгән халык игътибарына театральләштерелгән тамаша тәкъдим ителде. Районның үзәкләштерелгән авыл клублары челтәре һәм мәдәният бүлеге хезмәткәрләре, үзешчән сәнгать коллективлары, гармунчылар, балалар сәнгать мәктәбе укучылары тырышлыгы белән әзерләнгән ачылыш тантанасы бәйрәмебезне зурлап кайткан кунаклар һәм райондашларыбыз күңеленә дә хуш килде. Ә инде Сабантуй мәйданына бизәлгән җигүле атлар керү бәйрәмебезгә үзгә бер ямь өстәде. Балтач Сабан туе тыныч, имин шартларда, оешкан рухта үтте.
15.06.2018 Нөнәгәр авылында Сабантуй үтте
17.06.2018 Закировлар Алтын туйларын билгеләп үттеләр
Быел бу мәртәбәле исемгә Муса Җәлил премиясе лауреаты, «Татарстанның атказанган мәдәният хезмәткәре», мәгариф ветераны - Җәмилә Абдулла кызы Сибагатуллинага, Нөнәгәр авылыннан озак еллар “ВЛКСМның 50 еллыгы” исемендәге колхоз рәисе булып эшләгән, бүгенге көндә Нөнәгәр авыл җирлеге каршындагы ветераннар Советы рәисе, хезмәт ветераны - Наил Салих улы Салиховка, “Сорнай” авыл хуҗалыгы җәмгыятенең сыер саву операторы - Ирина Владимир кызы Алексеевага һәм академик, химия фәне галиме Әхмәт Мазһар улы Мазһаровка (кызганыч, билегеле сәбәпләр аркасында Әхмәт Мазһаров катнаша алмады) “Балтач муниципаль районының Мактаулы гражданины” исеме бирелде.
Россия Федерациясенең Урман кодексына үзгәрешләр кертелде