ЯҢАЛЫКЛАР
2020 елның 14 февралендә 12.00 сәгатьтә Чепья урта гомуми белем бирү мәктәбендә Балтач муниципаль районының “Форпост” мәктәп отрядлары арасында Г.А. Сидоров истәлегенә һәм Бөек Җиңүнең 75 еллыгына багышланган шәхси команда спорт ярышлары узды.
16 февраль көнне Чапшар авылында үзенең тальян моңнары белән Мәскәү, Санкт-Петербург, Казан, Төркия сәхнәләрен яулаган, атаклы шофер-механизатор, оста столяр, атаклы балта остасы Гаязов Гәрәфетдин абыйга 85 яшь тулу истәлегенә багышланган зур бәйрәм чарасы узды.
2020 елда Татарстан Республикасында Кеше хокуклары буенча вәкаләтле вәкил дәүләт органнары җитәкчеләре белән гражданнарны бердәм кабул итү практикасы дәвам итә.
2020 елның 25 февралендә 10.00 сәгатьтән 12.00 сәгатькә кадәр Татарстан Республикасында Кеше хокуклары буенча вәкаләтле вәкил Аппаратында (Казан шәһәре, Карл Маркс ур., 61 нче йорт) Татарстан Республикасында Кеше хокуклары буенча вәкаләтле вәкил С. Х. Сабурская һәм Татарстан Республикасы Прокуроры вазыйфаларын башкаручы С. П. Старостин гражданнарны бергәләп кабул итә.
2020 елның 17 февралендә район җитәкчелеге капиталь ремонт объектлары буенча рейдлар үткәрде.
15-16 нчы февральда узган, күренекле музыкант, Совет һәм Россия скрипачысы, саксофонист, данлыклы дирижер С.Б.Сахар исемендәге «Созвездие» регионара бәйгесендә сәнгать мәктәбеннән 229 укучы һәм 14 укытучы Малмыж шәһәре сәхнәсендә кояш кебек балкыдылар. Искиткеч талантларыбызның бәйге чыгышларын танылган музыкантлар – үз эшләренең осталары бәяләде.
13 февраль көнне Урта Көшкәт авыл клубында китапханә белән берлектә Гашыйклар көненә багышланган «Назлы юллама» дип исемләнгән валентинкалар ясау буенча мастер - класс үткәрелде. Балаларның игътибарын шуңа юнәлттеләр: иң оригиналь булып һәрвакыт үз куллары белән эшләнелгән валентинка санала һәм соңгы вакытта алар бик популярлаша бара.
15 февраль көнне Таузар авылы клубында мәктәп белән берлектә оештырылган "Онытылмас мәктәп еллары" дигән Таузар башлангыч мәктәбен тәмамлаган укучылар һәм анда укыткан укытучылар очрашуы узды.
15 февраль көнне Салавыч мәдәният йортында библиотека белән берлектә бөек шагыйрь Муса Җәлилне искә алу кичәсе үтте. Салавыч балалар бакчасының уртанчылар төркеме балалары Муса Җәлилнең шигырьләрен сөйләделәр, әкиятләрен сәхнәләштерделәр, җырларын җырладылар, китаплары белән таныштылар.
15 февраль - Совет гаскәрләрен Әфган Республикасыннан чыгарган көн уңаеннан, Нөнәгәр мәдәният йорты хезмәткәрләре һәм китапханәче белән берлектә "Әфганстан – йөрәк ярасы" исеме астында яшьләр өчен әфганчы егетләр катнашында әңгәмә үткәрелде. Гарифуллин Фидәил үзенең 2 ел хезмәте вакытында ниләр күргәнен, кичергәнен яшьләргә бәйнә-бәйнә сөйләп китте. Нигъмәтҗанов Рамил Кандагардагы тормышны тасвирлап сөйләде. Яшьләр үзләрен кызыксындырган сорауларга җаваплар алдылар. Әңгәмәбез илебезнең киләчәге тыныч булсын дигән сүзләр белән тәмамланды.
13 февраль көнне Яңгул мәдәният йортында Әфганстанда бурычларын үтәгән әфганчы-интернационалистларга багышланган “Исә Әфган җилләре" дип исемләнгән тематик кичә узды. Кичәгә кунак булып ветеран әфганчылар - Насруллин Тәбрис Зөфәр улы, Минһаҗев Ринат Рәхип улы килде.