ЯҢАЛЫКЛАР

 

5 Январь көнне Балтач мәдәният үзәге хезмэткэрлэре Әтнә районы халкына үзәк чыршы янында кичке бәйрәм концерты оештырып кайтты.

 

Бәйрәм белән, безнең яраткан китап укучыларыбыз! Сезне китапханәләребездә берсеннән -берсе яңа, кызыклы китаплар көткәнен онытмагансыздыр. Кышкы ялларда рәхәтләнеп китап укыйк, дуслар! Ә менә Чепья балалар китапханәсендә яңа елның беренче китап укучылары булып быел апалы-энеле Садыкова Ландыш белән Илназ китапханә елъязмасына кереп калдылар.

 

Яңгул китапханәсе балаларның кышкы каникул ялларын файдалы үткәрү йөзеннән китапханәдә, балаларны әкият геройлары белән таныштырып, геройларны балалар үз куллары белән пластилиннан ясадылар. Бу балаларны китап һәм аның геройларын исләрендә калдыру, укуда файдалану максатыннан оештырылган иде.

 

Агымдагы елның 1 гыйнвар көнне Янгул авылында яшәүче хезмәт ветераннары Исмагилова Зөлхәбирә Җамалетдин кызы һәм Закирова Гәйникамал Исмәгыйл кызы үзләренең 90 яшьлек юбилейларын билгеләп үттеләр.

17нче декабрьдә, Смәел авыл китапханәсендә “Сугыш һаман яши хәтеремдә”исемле тематик кичә Бөек Җиңүнең 70 еллыгын каршылап үткәрелде. Бөек Ватан сугышы ветераннарының тормыш иптәшләре, сугыш чоры балалары-бик яшь килеш коточкыч сугышның ачы хәсрәтен үз җилкәләрендә татыган сабыр йөрәкләр- кичәбезнең кадерле кунаклары иделәр.

17 нче декабрь көнне Балтач үзәк балалар китапханәсендә татар балалар язучысы Рәшит Бәшәрнең тууына 65 яшь тулу уңаеннан “Сандугачлы бишек” хикәятләре” исемле әдәби кичә үтте. Кичә озынайтылган көн төркеме тәрбиячесе Минхаерова Р.М. җитәкчелегендә Балтач урта мәктәбенең 3 Б сыйныфы балалары ярдәме белән әзерләнеп, кунакка шул мәктәпнең 4В сыйныфы укучылары чакырылды. Шулай ук “Беренче сыйныф укучысының мәдәни көндәлеге” проекты кысаларында 1В сыйныфы укучылары да катнашты. Балалар язучыга багышланган презентация аша Р.Бәшәрнең иҗаты, тормыш юлы белән таныштылар, шигырьләрен сөйләделәр. Әдипнең шигырьләре буенча төзелгән викторинада көч сынаштылар. Кичә тәмамлангач китап, журналлар карап, өйләренә укырга әдәбият алып киттеләр.