ЯҢАЛЫКЛАР

8 нче апрельдә Смәел авыл китапханәсе “Сандугач”балалар бакчасында кунакта булды.Анда мәктәпкәчә яшьтәге балаларга “Мин-әхлаклы бала”темасына әңгәмә үткәрелде.Балалар китапханәгә кайткан яңа китаплар белән таныштылар.

31 нче марттан 7 нче апрельгә кадәр Шөңшеңәр авыл китапханәсендә балалар китабы атналыгы булып узды. Атналык "Балалар китабы - сихри бер дөнья" дип исемләнгә китап күргәзмәсенә күзәтү белән ачылып китте. Бу көнне А. Алишның "Кем көчле" дигән әкиятен кычкырып уку булып узды. 1 нче апрель - кошлар көне уңаеннан балалар "Кошлар - безнең дусларыбыз" дигән китап күргәзмәсе белән таныштылар һәм кошлар турында мавыктыргыч презентация карадылар. Ә 2 нче апрель - балалар китабы көнне Г.Х.Андерсен әкиятләренә нигезләнгән викторинада катнаштылар. 3 нче апрель көнне "китаплар шифаханәсе"ндә "авыру" китапларны дәвалау белән шөгыльләндек. Атналыкны шушы дәвердә китапханәдә җыйган белемнәрне кулланып "Газиз туган телем" дигән викторина белән тәмамладык.

3 апрель көнне Борнак авыл китапханәсендә “Кошлар-безнең

дусларыбыз” исемле  могҗизалар  кыры уены   1-4 сыйныф

укучылары белән үткәрелде.Укучылар  кошлар  турында

бик күп мәгълүмат белделәр. “Могҗизалар кыры” уенын яратып уйнадылар.

 

 

 

 

 

30 март көнне Борнак авыл китапханәсендә 10 класс укучылары белән “Туган як,туган авыл” исемле әңгәмә үткәрелде.

 

 

 

Социаль һәм медицина хезмәткәрләре белән “Наз”да ай саен җыелыш булып уза. Әлеге чараны Бөек Ватан сугышы ветераннарына аерым игътибар, хезмәт аспектларының нигезенә тукталып “Наз” директоры Гөлнара Әхмәдиева башлап җибәрде. Җыелышны директор ярдәмчесе Фәния Йосыпова “Куркынычсызлык сигналлары, аның эш тәртибе һәм тиешенчә халыкка җиткерү” буенча лекция сөйләп дәвам итте.

Балтач үзәк китапханәсенең мех фабрикасында һәм Универмаг базарында  даими рәвештә күчмә  китапханәләре эшли. Китапханәчеләр китап укучыларга яңа китаплар тәкъдим итә. 

2 апрель көнне Салавыч авыл китапханәсендә

Татарстанның атказанган мәдәният хезмәткәре, Татарстан журналистларының “Бәллүр каләм” бүләге иясе, Татарстан берлеге әгзасы, “Күгәрчен оя коганда”, “Томанлы төн”, “Ефәк кулъяулык” һ        .б. китаплар авторы Гөлсинә Наил кызы Галимуллина белән очрашу узды. Кичәдә Гөлсинә ханымның укытучысы, Мәдинә Касимовнаның катнашуы олы мәртәбә булды.

 Язучы:  “Китапларымны киң катлау укучыларга таныткан, иҗатымны үстерүдә күрсәткән олы ярдәмегез өчен рәхмәт әйтәм” – дип, авыл китапханәчеләренә үзенең Рәхмәт хатларын, актив китап укучыларына истәлекле бүләкләрен  тапшырды.

Очрашу – кичәдә катнашучылар,  Гөлсинә ханымга үзләрен кызыксындырган сорауларын бирделәр, матур теләкләрен җиткерделәр. Җәмилә апа Сибгатуллинаның язучыбызга багышлап иҗат иткән шигыре һәм бүләк иткән җыры кичәгә тагын бер ямь өстәде.

Соңгы вакытларда халыкка китапханә хезмәте күрсәтүдә күчмә китапханәләр эшчәнлегенә игътибар арта башлады. Бу эш формасы китапханәдән ерак  яшәгән яки китапханәгә үзе килә алмаган китап укучыларны  китап белән тәэмин итүне   күздә тота. Шушы максаттан безнең район авылара үзәк китапханәсендә  9 китап бирү пункты, 10 күчмә китапханә эшли.

3 апрель көнне үзәк китапханәнең методик бүлегендә  район китапханәчеләре  түгәрәк өстәл артында сөйләшүгә җыелды.  Эшлекле сөйләшүдә сүз күчмә китапханәләр, китап бирү пунктларының эшчәнлеге, алда торган бурычлар, килеп туган проблемалар, документларны дөрес итеп алып бару хакында  булды.  Китапханәчеләр бер-берсенең эш тәҗрибәсе белән таныштылар, эш барышына фикерләрен әйттеләр, киләчәккә планнары белән уртаклаштылар.