Игеннәрдән, башка культуралардан бушаган басуларны вакытында эшкәртеп, көздән иртә чәчсәӊ генә уӊыш мул булачак. 

Моны «Сосна» хуҗалыгында яхшы аӊлыйлар. Басу-кырларда яз көннәрендә үзләрен бары яхшы яктан күрсәткән К-700 тракторларын җир әзерләгәндә  монда оста файдаланалар.

«Соӊардык»,–  дим. «Әйе, дип күтәреп алды юлдашым, район авыл хуҗалыгы һәм азык-төлек идарәсе баш агрономы Мәсхүт Гарипов. «Арыш коела башлады, борчак өлгерде. Әмма борчакка кадәр арышны бетерергә кирәк. Әллә нәрсә шунда, кырыкка ярылырсыӊ»,– ди.  

Әйе, бүген районда урып-җыю мәсьәләләре иӊ мөһиме булып тора. Моныӊ шулай икәнен хуҗалык җитәкчеләре, белгечләр, комбайнчылар һәм шоферлар яхшы беләләр. Ә шулай да, эшне оештыру  төрле хуҗалыкта төрлечә.

Урып-җыю эшләрен үз вакытында сыйфатлы итеп башкарып чыгуның, көзге чәчү һәм туңга сөрүнең авыл хуҗалыгы культураларының уңышын күтәрүдәге мөһимлеген искә алып, муниципаль район башлыгы Рамил Нотфуллин эшнең сыйфатын контрольгә алу буенча комиссияләр төзү турында карар кабул итте.

Составында 7 кеше булган беренче комиссиянең рәисе «Хезмәт газетасының баш редакторы Вәкыйф Зәкиев, 8 кешелек икенче комиссиянеке район авыл хуҗалыгы һәм азык-төлек идарәсе җитәкчесе Фирдәвес Нәбиуллин.

Бу көннәрдә авыл халкы борчуда. Озак вакыт яуган яңгырлардан соң бәрәңгеләрдә фитофтора авыруы барлыкка килгән. Кемдер, инде бәрәңге бүлбеләре дә чери башлаган, ди.

«Россельхознадзор» идарәсе белгече Фәрит Хәкимов сүзләренчә, күп очракта альтернариозны фитофтора дип беләләр. Ул да күпдымлылык аркасында барлыкка килә. 
 
– Дөрес, алар икесе дә – гөмбәчек авыруы. Әгәр дә бәрәңгенең яфраклары сары төскә кергән булса, бу – альтернариоз. Коңгырт төстә икән, фитофтора белән авырый дигән сүз. Авырулар бәрәңге бүлбесенә кадәр китмәгән булса, бер үк препаратлар кулланып, аларны коткарып калып була. Ризоплан, бордо катнашмасы, курзат, абига-пик  кулланырга киңәш итәбез.

Яңа уңыштан беренче 1000 тонна ашлыкны «Кызыл юл» хуҗалыгы механизаторлары суктырып алды.

Биредә 3нче авгуска амбарга кайткан ашлык 1065 тонна тәшкил итте. Икенче-өченче урыннарда Тимирязев исемендәге һәм «Игенче» хуҗалыклары – беренчесендә 975, икенчесендә 957 тонна кайтты.

4 нче август көнне Балтач бистәсенең Раиф мәчете каршында оешкан лагерьның кызлар төркемендә тәрбияләнүчеләр Балтач үзәк балалар китапханәсенә  кунакта булдылар. “Балачак-әкияткә тиң чак” дип исемләнгән  әдәби кичә балаларны дөнья халыклары әкиятләре, әдәби геройлар, әкият жанры язучы авторлар белән таныштыру максатыннан узды. Китап укучыларыбыз китапханә яңалыклары белән танышканнан соң, Убырлы карчык капчыгында яшерелгән әкият геройларын коткарып, әкиятләренә кайтырга булыштылар. Кичәнең икенче өлешендә хокуклары бозылган әкият геройлары мисалында үз хокуклары турындагы белемнәрен тирәнәйттеләр.

Әле уракка яңа төштеләр, инде көзге чәчү өчен җир хәзерләү башланды. Бу эштә 460 гектар җир әзерләгән «Кызыл юл» алда.

«Игенче», «Сорнай», «Маяк», «Алга», «Смәел», «Бөрбаш», «Борнак», Тимирязев исемендәге, «Татарстан» хуҗалыкларында 100ешәр гектарда басуны көзге чәчү өчен эшкәрткәннәр. 

Казаныбызда су спорты төрләре буенча дөнья чемпионаты ярышлары гөрли. 30 июль көнне Балтач районында яшәүче инвалид-колясочниклар Казанга бардылар. Әлеге ярышларның берсенә –  мөмкинлекләре чикләнгән кешеләргә чакыру билетлары насыйп булып,  йөзү ярышын карап кайттылар.

    Әлеге искиткеч матур ярышларга алып барган өчен республика  хакимиятенә зур рәхмәтләрен җиткерделәр.