ЯҢАЛЫКЛАР
22 ноябрь көнне Шеңшеңәр мәдәният йорты хезмәткәрләре мәктәп белән берлектә Әниләр көне уңаеннан "Рәхмәт сиңа, әнием" дип исемләнгән бәйрәм кичәсе уздырды. Бәйрәм балалар тарафыннан әзерләнгән җыр-биюләр, шигырьләр белән бәйле рәвештә барды. Әниләргә бәйрәм бүләкләре тапшырылды.
20 ноябрь көнне Кенәбаш авыл клубы 2019 ел - театр елы уңаеннан "Хикмәтле дә, серле дә театр" дип исемләнгән район конкурсында катнашып, Илгиз Зәйниевның "Кәҗә, сарык һәм башкалар" дигән музыкаль спектаклен тәкъдим итте. Спектакльдә катнашучылар һәрберсе үз рольләрен зур осталык белән башкарып чыктылар. Тамашачылар бик канәгать калдылар.
2019 елның 27 ноябрендә «Россия юристлары ассоциациясе» Гомумроссия иҗтимагый оешмасының Татарстан төбәк бүлеге тарафыннан Россия Федерациясе Конституциясе көненә багышланган Бердәм түләүсез юридик ярдәм көне үткәрү планлаштырыла.
2019 елның 24 ноябрь көнендә Әниләр көне уңаеннан Кили мәдәният йортында китапханә хезмәткәрләре белән берлектә "Әниләр йөрәге - бәллүр касә" дип исемләнгән бәйрәм чарасы уздырылды. Биредә әниләр зирәклектә, җитезлектә ярыштылар. Бәйрәм концерт номерлары белән үрелеп барды.
2019 елның 24 ноябрендә Сырья авыл клубында Әниләр көне уңаеннан бәйрәм кичәсе үткәрелде. Кичәдә катнашучылар өчен Римма Николаева пьесасы буенча Сырья авылы халкы катнашында 2018 елда төшерелгән "Пӧртмась вень" (Тылсымлы энә) фильмы тәкъдим ителде. Балалар әниләргә кул эшләнмәләре, рәсемнәр һәм концерт номерлары бүләк иттеләр.
2020 елның 1 гыйнварыннан намуссыз судан файдаланучылар һәм судан файдалану килешүе төзү хокукына аукционда катнашучылар реестрын алып бару тәртибен бозган өчен гаепле вазыйфаи затларга штраф салыначак.
Казан районара табигатьне саклау прокуратурасы Татарстан Республикасы территориясендә терлекчелек (биологик калдыклар) калдыклары белән эш итү өлкәсендә тикшерү уздырды.
Республикада авыл хуҗалыгы кооперациясен үстерүгә Татарстан Республикасы Авыл хуҗалыгы һәм азык-төлек министрлыгы тарафыннан зур игътибар бирелә. Кооперативка керү фермерлар өчен аерым өстенлеккә ия. Беренче чиратта – продукцияне җитештерү, саклау һәм эшкәртү буенча көчләрне берләштерү исәбенә җитештерүнең табышлылыгын арттыру ул. Икенчедән, кредит ресурсларыннан файдалану, өченчедән, эре төбәк һәм федераль сәүдә челтәрләренә чыгу мөмкинлеге. Әмма кооперативның уңышлы эшләве өчен нәтиҗәле идарә итә белергә кирәк. Моңа өйрәнергә теләүчеләрнең барысын да «Кооператив идарәче» модуль экспресс-курс кысаларында нәкъ менә шуңа өйрәтәләр дә инде.
Бүген Татарстан Республикасы авыл хуҗалыгы һәм азык-төлек министрының беренче урынбасары Наил Залаков Татарстанда авыл хуҗалыгы продукциясен потенциаль җитештерүчеләр-экспортлаучылар белән очрашты. Фикер алышуны ачып, Наил Залаков болай диде: «Татарстан Республикасы Авыл хуҗалыгы һәм азык-төлек министрлыгы АПК продукциясен экспортлауны үстерергә ниятли. АПК продукциясен экспортлау күләмен 2024 елга 360 млн. долларга җиткерүне күздә тота торган максатчан күрсәткечләр расланды. Бүген без үз продукциясен экспортлау белән кызыксынучы җитештерүчеләрне җыйдык һәм аларга ярдәм итәргә әзер».
22-23 ноябрьдә Казанда АПКсының яшь хезмәткәрләре арасында “Һөнәре буенча иң яхшы” һөнәри осталык конкурсы узды. Конкурс “Авыл яшьләре” программасын гамәлгә ашыру кысаларында Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы һәм Татарстан Республикасының аграр яшьләр берләшмәсе белән берлектә уздырылды.