ЯҢАЛЫКЛАР

12 февраль көнне Балтач «Форпост» үзәге Балтач гимназиясе белән берлектә Бөек Ватан сугышында җиңүнең 75 еллыгына һәм ТАССРның 100 еллыгына багышланган Балтач гимназиясе укучыларының Бөек Ватан сугышы ветераны Хасбиуллин Мансур Хисмәт улы белән очрашуын уздырды.

13 февраль көнне Субаш мәдәният йорты китапханәсендә Әфганстан ветераннары һәм Әфганстандагы сугыш хәрәкәтләрендә катнашучының тол хатыны белән Субаш төп гомуми белем бирү мәктәбе укучылары очрашты.

Татарстан АССР төзелүнең 100 еллыгын бәйрәм итүгә әзерлек һәм аны уздыру чаралары кысаларында 12 февраль көнне Балтачның «Наз» халыкка социаль хезмәт күрсәтү үзәге базасында тематик чара үткәрелде.

Бүген, 13 февральдә, Татарстан Республикасы Дәүләт Советы депутаты Нугаев Камил Әсгат улы Балтач муниципаль районына эш сәфәре кысаларында Балтач урта мәктәбе һәм Балтач гимназиясе югары сыйныф укучылары өчен парламент дәресләре үткәрде.

«Хезмәткә түләүнең минималь күләме турында «Федераль законның 1 статьясына үзгәреш кертү хакында» 2009 елның 27 декабрендәге 463-ФЗ номерлы Федераль закон нигезендә, 2020 елның 1 гыйнварыннан Россия Федерациясе территориясендә минималь хезмәт хакы күләме 12 130 сум тәшкил итә. Муниципаль учреждениеләр хезмәткәрләренә хезмәт хакын исәпләү һәм түләүне, җирле бюджетларда бюджет өлкәсе учреждениеләре хезмәткәрләренә хезмәт өчен түләү өчен каралган акчалар хисабына, минималь хезмәт хакы буенча яңа шартларны исәпкә алып башкарырга кирәк.

Начар метеорологик күренешләр: 2020 елның 14 февралендә төнлә һәм иртән Татарстан Республикасы территориясендә урыны белән томан көтелә.

«Крутушка» балалар сәламәтләндерү лагерына 10 юллама бирелде, 2020 елның 28 февраленнән 22 мартына кадәр (24 көн).

Юлламалар бушлай дәвалану белән.  Шулай ук балалар өчен төрле кызыклы чаралар, саф һавада йөрү оештырылды. Санаторийда торган вакытта мәктәп программасы буенча уку дәвам итә.

Юллама түбәндәге балаларга бирелә:

- 7 яшьтән 15 яшькә кадәр;

- җан башына уртача керем яшәү минимумыннан түбән булган аз тәэмин ителгән гаиләдә яшәүче балалар;

- опекага алынган ата-ана тәрбиясеннән мәхрүм калган балалар;

- гомуми белем бирү учреждениесендә белем алучы сәламәтлек мөмкинлекләре чикләнгән бала (инвалид бала);

Юллама алу өчен 2-57-75, 89871751825 телефоннары буенча мөрәҗәгать итәргә кирәк.

12 февраль көнне Салавыч күппрофильле лицее укучылары һәм әти-әниләре өчен Бөек Җиңунең 75 еллыгы уңаеннан Чепья авылындагы "Халыклар дуслыгы" музеена экскурсия оештырылды.  Музей бик матур, экспонатлар күп төрле. Музей директоры Гарифжан Галиевич үзе кичергән ачы сугыш елларын тәфсилләп сөйләде, экспонатлар белән таныштырды. Әти-әниләр дә, балалар да кәнагәть булып музейны ошатып кайттылар.

2020 елның 10 февралендә «УК Ак РЕНТА» оешмалары һәм «ПИК СИНЛАНДЕ» ҖЧҖ вәкилләре белән очрашу булды. Алар Балтач районы предприятиеләре, оешмалары эшчәнлеге белән таныштылар, район башлыгы Рамил Рәшит улы Нотфуллин һәм район башкарма комитеты җитәкчесе Айдар Фоат улы Хәйретдинов белән очраштылар. Яклар шулай ук алга таба хезмәттәшлек итү планнары турында сөйләштеләр һәм фикер алыштылар.

Акыл, Интуиция, Тизлек, Команда... Илебез  тарихы белән бәйле интеллектуаль уенның исеме  - РИСК нәкъ менә шулай тәрҗемә ителеп киңәйтелә.