ЯҢАЛЫКЛАР
Илебезне фашист илбасарларыннан азат итүгә, бабайларыбыз яуда батырларча сугышып, әбиләребез тылда фидакарь хезмәт куеп каршылаган җиңү таңына да 75 ел булды. Бөек Җиңү көнен нинди чор булуга карамастан, матур итеп билгеләп узарга бурычлы без. Якты киләчәк, тыныч тормыш өчен башларын салган авылдашларны 1 минутлык тынлык белән искә алдык, веноклар салдык. Сугыш хәвефләре кабатланмасын, тыныч, имин тормышларда яшәргә язсын дип теләдек.
2020 елның 19 маенда 14.00 сәгатьтә Татарстан Республикасында Кеше хокуклары буенча вәкаләтле вәкил һәм кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан Республикасы буенча идарәсе җитәкчесе тарафыннан видеоэлемтә режимында гражданнарны кабул итү оештырыла. Кабул итүгә язылу өчен телефон: (843) 236-41-80 (Кеше хокуклары буенча вәкилнең кабул итү бүлмәсе).
Начар метеорологик күренешләр: 2020 елның 12 маенда төнлә һәм иртән Татарстан Республикасы территориясендә һәм Казан шәһәрендә урыны белән томан көтелә.
12 майдан Татарстанда коронавируска каршы көрәш чаралары турындагы карарда үзгәрешләр үз көченә керә.
Бүген, 9 Май көнне, Бөек Җиңүнең 75 еллыгына багышланган парад күп еллар буе килгән традиция буенча узмады.
Шулай да илебез, халкыбыз өчен иң зур бәйрәмнәрнең берсе булган Җиңү көне тантаналы билгеләп үтелде. Ул яңа форматта, халык катнашыннан башка онлайн режимда узды.
Хөрмәтле Бөек Ватан сугышы ветераннары, тыл хезмәтчәннәре, мөхтәрәм райондашлар!
Сезне һәр кеше өчен изге, якты бәйрәм — Җиңү көне белән тәбрик итәм. Быел илебез халкы 1945 елның Җиңү язын 75нче тапкыр каршылый. Ватаныбызны явыз дошманнан саклап калган батырларның истәлеге йөрәкләрдән мәңге җуелмаячак. Бетмәс-төкәнмәс газап-сыкранулар, авыр югалтулар һәм җимереклекләр белән тулы 1418 көн һәм төн... Әлеге афәт һәр өйгә, гаиләгә кагылган, һәр йөрәктә үзенең эзен калдырган. Бөек Ватан сугышында Җиңү — халкыбызның горурлыгы, хәрби дан һәм илебезнең көче-куәте ул.
Бөек Ватан сугышында Җиңүнең 75 еллыгы уңаеннан #ХәтерБакчасыӨйдә акциясе кысаларында Балтачның «Наз» халыкка социаль хезмәт күрсәтү комплекслы үзәгенең 42 хезмәткәренең гаиләсе агач һәм куаклар утырттылар. Шулай итеп, безгә тыныч күк йөзе яулаган өлкән буынга рәхмәтен һәм хөрмәтен белдерелде.
Татарстан Республикасы территориясендә урыны белән яшен, көньяк-көнчыгыштан исүче җилнең тизлеге 15-20 м/c кадәр, урыны белән көнчыгыш районнарда 24 м/c кадәр.
Авыр икътисадый вәзгыятькә карамастан, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров мөрәҗәгате буенча республиканың авыл хуҗалыгы җитештерүчеләрен ташламалы кредитлау өчен федераль бюджеттан өстәмә акчалар бүлеп бирү турында карар кабул ителде.
Хөрмәтле Балтач халкы!
Илдәге вәзгыять аркасында кертелгән үзизоляция режимы сәбәпле, быел Бөек Җиңүгә багышланган Парад үткәрелмәячәк. Әмма әлеге изге бәйрәмне үткәрми калу мөмкин түгел. Быел 9 май бәйрәме онлайн-режимда узачак. Ютубтагы Балтаси.ру каналына тоташып, бу көнне районда уздырылачак барча онлайн чараларны карый аласыз. Сезнең өчен Балтач районы җитәкчесе котлавы, ветераннар белән әңгәмәләр, онлайн концертлар күрсәтеләчәк.
Ютуб, Балтаси.ру каналы. Башлана 8:30
Карау өчен сылтама: https://www.youtube.com/watch?v=81rnTadabvs&featu..