ЯҢАЛЫКЛАР
2017 нче елның 16 нчы февралендә “Арттерапия” социаль программасы кысаларында «Наз» социаль-тернәкләндерү бүлекчәсенә Римма Гарапшина җитәкләгән районыбызның Балтач мәдәният үзәге каршында эшләп килүче “Сүнмәс дәрт” исемле ветераннар клубы һәм язучы - Мәгмүрә Хөрмәтуллина катнашында хәйрия концерты булып узды.
2017 нче елның 16 нчы февралендә “Арттерапия” социаль программасы кысаларында «Наз» социаль-тернәкләндерү бүлекчәсенә Римма Гарапшина җитәкләгән районыбызның Балтач мәдәният үзәге каршында эшләп килүче “Сүнмәс дәрт” исемле ветераннар клубы һәм язучы - Мәгмүрә Хөрмәтуллина катнашында хәйрия концерты булып узды. Тернәкләнүчеләнер әлеге чара чын-чынлап җыр-моң дөньясына алып керде. Яңгыраган һәр җыр, шигырь өчен тамашачылар катнашучыларны көчле алкышларга күмделәр.
16 февраль көнне Балтач үзәк паркында өйгә барып социаль хезмәт күрсәтү бүлекчәсе белгечләре өлкәннәребез өчен «Аэротерапия» дигән яңа дәвалану төрен үткәрделәр. Өлкәннәребез бу чараны бик яратып кабул иттеләр һәм саф һавада физик чараларны үткәрүне дәвам итүне сорадылар.
15 февраль көнне Борнак авыл китапханәсендә патриотик шагыйрь Муса Җәлилнең тормыш һәм иҗат юлына карата “Үлемне җиңгән шагыйрь” исемле могҗизалар кыры уены 2-4 сыйныф укучыларына үткәрелде.Балаларда батырлык,кыюлык,каһарманлык,тугрылык кебек патриотик сыйфатлар тәрбияләү максатыннан уздырылган бу чарабызны укучылар бик яратып кабул иттеләр.Укучыларның Муса Җәлилнең җырларын ,шигырьләрен, яратып сөйләүләре сокландырды.
15 февраль – Совет сугышчыларының Әфганстан җиреннән чыгарылган көне. Ул вакытлардан инде 28 ел вакыт узды. Тик яралар төзәлми...
Әфганчылар көне дә бу сугыш мәхшәрен кичкән солдатларның кабат хәтерен яңарта: күпмесенең чит-ят җирләрә вакытсыз гомере өзелде, күпмесе хәбәрсез югалды, гомерлеккә инвалид калды, жан ярасы алды. Татарстаннан гына да 257 егет тау-таш арасында җан бирде, каһәрләнгән сугыш аркасында никадәрле гаилә корылмады, күпме бала якты дөньяларга тумый калды.
14 февраль көнне Салавыч авыл клубында, китапханә белән берлектә, яшүсмерләр өчен "Гашыйклар көне" исемле викторина үткәрелде.Яшьләребез сынатмады,үзләренең никадәр белемле, тапкыр икәнлеләрен,мәхәббәт темасына багышланган үлмәс классик әсәрләребезне ни дәрәҗәдә белүләрен күрсәттеләр.
"Мәхәббәт бармы ул?" - дигән сорауга, ачык - плакатта үз фикерләре белән уртаклаштылар.
10 февраль көнне район үзәк китапханәсендә бөек татар шагыйре Г.Тукайның тууына 131 ел тулу уңаеннан нәфис сүз осталары бәйгесенең 2 туры булып узды. Бу бәйгедә Пыжмара авыл китапханәсеннән Пыжмара төп гомуми белем мәктәбенең 4 сыйныф укучысы Шаябтдинова Инзилә катнашып, 6-14 яшьлекләр арасында 3 урынны яулады.
Чепья зурлар китапхаәсендә 2017 ел - экология елына карата "Наш общий друг- природа!" дип исемләнгән китап күргәзмәсе эшли. Күргәзмә мәктәп укучыларына һәм студентлар өчен күп мәгълүмат бирә.Укучылар өчен күзәтү үткәрелә.
Изге Вәли көнен барлык дөнья халыклары 14 нче февральдә билгеләп үтәләр. Бу көнне “Наз” тернәкләндерү булекчәсендә Чепья авыл китапханәсенең 1 нче филиал бүлек җитәкчесе Зиятдинова Залия катнашында “Яз турында, мәхәббәт кичәсе” исеме астында әдәби-музыкаль бәйрәм уздырылды.
Түбән Сәрдек авылыннан Мәгрифә Әхмәтҗан кызы Тәбрисова 14 нче февраль көнне үзенең 90 яшьлек юбилеен билгеләп үтте.