ЯҢАЛЫКЛАР

Арбор авылында  яшәүче Хәсәнова Мәгъсүмә Хәсән кызына  18 июнь көнне 90 яшь тулды.  Балтач муниципаль район башлыгы Рамил Нотфуллин, район социаль яклау бүлеге җитәкчесе  Алсу Гатиятуллина, социаль хезмәт күрсәтү бүлекчәсе мөдире Әнисә Хәйруллина, Чепья  авыл җирлеге башлыгы   Азат Нотфуллин, җаваплылыгы чикләнгән «Арбор» җәмгыяте рәисе  Хәмит Баязитовлар юбилярны котлап, изге теләкләрен җиткерделәр.  Президент Путиннын котлау открыткасын, Балтач муниципаль  район башлыгы,  соңгы эш урыны һәм авыл җирлеге исеменнән бүләк-күчтәнәчләр тапшырдылар. 

18 июнь көнне – наркотикларга каршы айлыгы кысаларында  «Наз» үзәге белгечләре һәм “Волонтер” оешмасы активистлары белән берлектә Балтач районындагы җәйге ял итү “Романтик”  лагерендагы балалар өчен  “Сәламәт буласың килсә!” исемле профилактик чара уздырылды. 4 станцияда йөреп,  балалар үзләренең тәмәке тарту, спиртлы эчемлекләр һәм наркотикларга карата үзләренең тискәре карашларын күрсәттеләр, начар гадәтләр белән көрәшү, аларны булдырмау буенча белемнәре белән бүлештеләр.

Волонтерлар тарфыннан сәламәт яшәү рәвеше буенча, “Сак булыгыз – ачык тәрәзәләр һәм балалар!” кебек  буклетлар таратылды. Шулай ук барлык ял итүче балаларга бүләкләр тапшырылды.

18нче июньдә Смәел авыл китапханәсе “Кояшкай” лагере балалары белән “Бәхетле балачак” исеме астында күңелле уеннар үткәрде.Уеннар  кызыклы темаларга сораулар бирү, табышмаклар белән үрелеп барды.

18нче июньдә Смәел авыл китапханәсе “Кояшкай” лагере балалары белән “Бәхетле балачак” исеме астында күңелле уеннар үткәрде.Уеннар  кызыклы темаларга сораулар бирү, табышмаклар белән үрелеп барды.

Бүген Балтач шәһәр тибындагы бистәсендә Хөкем йорты тантаналы рәвештә ачылды. Чарада ТР Президенты вазифаларын вакытлыча башкаручы Рөстәм Миңнеханов катнашты.

Үзенең сәламләү чыгышында Татарстан лидеры билгеләп узганча, район үзәгендә мөһим объект пәйда булды, анда федераль һәм җәмәгать судьялары, шулай ук суд приставлары эшләячәк

Муниципаль берәмлекләренең вәкиллекле органнарына 3 нче чакырылыш депутатлар сайлаулары көне 2015 елның  13 сентябренә билгеләнде.

15 июнь көнне Түнтәр авыл китапханәсендә Түнтәр урта мәктәбе каршында эшләүче җәйге лагерга йөрүче балалар белән “Китап – белем чишмәсе” дип исемләнгән блиц-турнир үткәрдек. Бу сорау-җавап бәйгесендә китап сөюче дусларыбыз бик актив катнаштылар. Максатыбыз – китап укучыларның интеллектуаль сәләтен үстерү, китап турындагы белемнәрен барлау һәм китап укуга кызыксыну уяту иде.

     15 июнь  көнне Балтач “Наз” үзәге белгечләре, волонтерлар белән Яңгул җирлегендә үткән балалар Сабантуенда юлда йөрү иминлеге буенча “Юл кагыйдәләрен бел һәм бозма!” исемле акция үткәрделәр. Акция “мозговой штурм” белән башланып китте һәм балалар ике командага бүленеп, юл йөрү кагыйдәләре буенча 5 төрле станцияда төрле уеннар уйнадылар, мәсъәләләр чиштеләр. Чара дәвамында Балтач автомобиль инспекциясе исеменнән балаларга китаплар, буклетлар һәм истәлекле бүләкләр тапшырылды.

     “Наз” үзәге белгечләре барлык килгән кунакларга җәй көннәрен файдалы үткәрү, янгын куркынычсызлыгы һәм №442 Федераль закон буенча буклетлар таратты.