ЯҢАЛЫКЛАР
2019 нчы елның 11 нче декабрендә «Хыял» яшьләр үзәге Кече Лызи авыл клубында республика студентлар отряды катнашында «Логика кайда?» дигән интеллектуаль - күңел ачу уены үткәрде. Уенда 15 кеше актив катнашты, аларга истәлекле бүләкләр тапшырылды.
2019 елның 12 декабрендә «Факел» яшүсмерләр клубы хезмәткәрләре балалар һәм яшүсмерләр өчен Дартс буенча ярыш уздырды. Дартс яшь буында һәм гомумән җәмгыятьтә сәламәт яшәү рәвешен формалаштыруга ярдәм итүче иң нәтиҗәле сәламәтләндерү технологияләренең берсе булып тора.
6 декабрь көнне Алан авылы клубында 1-4 сыйныф укучылары өчен "Шифалы 100 киңәш" исемле әңгәмә уздырылды. Балаларга сәламәт яшәү рәвеше, сәламәтлекне ничек ныгытырга, чыныгу ысуллары турында сөйләнелде. Шулай ук шушы теманы яктырткан күргәзмә дә оештырылды.
9 декабрь көнне Карадуган мәдәният йортында инвалидлар ункөнлеге кысаларында мөмкинлекләре чикләнгән кешеләр “Йөрәктән - йөрәккә” дип исемләнгән чарага җыелдылар. Түгәрәк өстәл артында кайнар чәй эчү, җылы сөйләшүләр инвалидларның күңелләренә җылылык, яшәү дәрте өстәде.
10 декабрь көнне Карадуган мәдәният йортында «Кар десанты РСО» бөтенроссия патриотик акциясе кысаларында активист студентлар отряды мәктәп укучылары һәм халык өчен мастер-класслар күрсәттеләр, концерт оештырдылар. Шулай ук авыл җирлекләрендә ялгыз яшәүче өлкәннәргә ярдәм иттеләр.
11 декабрь көнне Урта Көшкәт авыл клубы китапханә белән берлектә Ватан геройлары көне уңаеннан «Бөек Ватан сугышының яшь геройлары» дип исемләнгән әңгәмә үткәрде. Башлангыч сыйныф укучылары өчен Урта Көшкәт мәктәбенең актлар залында «Балалар – Бөек Ватан сугышы геройлары» дигән презентация күрсәтелде. Чара презентация күрсәтү белән башланып китте, китапханәче Татьяна Морозова һәм Леня Голиковның батырлыклары турында сөйләде. Укучылар игътибар белән тыңладылар, ә соңыннан бергәләп бу яшь малайлар һәм кызларның геройлыклары һәм батырлыклары турында фикер алыштылар.
2019 елның 11 декабрендә Татарстан Республикасы Транспорт һәм юл хуҗалыгы министры Сафин Ленар Ринат улы катнашында киңәшмә узды.
Киңәшмәдә шулай ук «Главтатдортранс» ДКУ директоры Данилов Эдуард Юрий улы, «ТР ГИСУ» ГКУ беренче урынбасары Шакиров Рафар Мирзанур улы катнашты. Чарага Балтач, Саба, Теләче, Кукмара, Питрәч, Балык Бистәсе, Лаеш һәм Арча районнары башкарма комитетлары җитәкчеләре чакырылган иде.
Геройлар Көнен бәйрәм итү кысаларында 2019 елның 11 декабрендә Советлар Союзы Герое балалары Казанның «Россия Герое А.В. Козин исемендәге 7 нче гимназиядә» узган тантаналы чарада булдылар.
Идел алды һәм Көнбатыш Кама алды (шул исәптән Балтач) буенча 2019 елның 12 декабрь 18 сәгатьтән 2019 елның 13 декабрь 18 сәгатькә кадәр:
Алмашынучан болытлы һава. Явым-төшемсез. Җил төньяк-көнбатыштан көньяк-көнбатышка таба күчә, тизлеге 3-8 м/с. Төнлә һәм иртән минималь һава температурасы -7..-12˚. Көндез максималь һава температурасы -4..-7˚. Юлларда бозлавык.
2019 елның 10 декабрендә беренче Чечня сугышы башлануга 25 ел тулуга багышланган чара узды. Сугыш ветераннары «Ватан сугышчылары» һәм «Геройлар Аллеясы» паркларында веноклар салдылар.
Әлеге чарада Балтач районы башкарма комитеты җитәкчесе урынбасары Гайнетдинов Илһам, Балтач районы сугыш һәм хезмәт ветераннары советы рәисе Абдуллин Рифат һәм хәрби комиссариат вәкиле Шакиров Рафаэль катнашты.
Гайнетдинов Илһам Фидәил улы Чечня сугышчан хәрәкәтләр ветераннары - Гарифуллин Фәрит Фәим улына (Чечня Республикасында 1994-1996 елларда хезмәт иткән), Габдуллин Фаил Равил улына (2002-2004 елларда хезмәт иткән), Сабитов Марат Нурхамәт улына (ВСДА 1990-1996 елларда хезмәт иткән) Рәхмәт хатлары тапшырды.