ЯҢАЛЫКЛАР
Начар метеорологик күренешләр: 27 февральдә Татарстан Республикасы территориясендә һәм Казан шәһәрендә көтелә: юлларда көчле бозлавык, урыны белән томан, иртән һәм көндез бозлавык.
Татарстан Республикасының Архив эше буенча дәүләт комитеты «Татарстан Республикасы дәүләт (муниципаль) архивын туплау чыганагы - коммерциячел булмаган оешма һәм гавами хакимият органының иң яхшы архивы» һәм «Татарстан Республикасы дәүләт (муниципаль) архивының комплектлау чыганагы – коммерция оешмасының иң яхшы архивы»конкурсларын үткәрә.
2020 елның 22 февралендә Балтач бистәсенең «Сабантуй» ял паркында авыл җирлекләре, авыл хуҗалыгы һәм җитештерү предприятиеләре, оешмалар һәм учреждениеләр җитәкчеләре арасында Ватанны саклаучылар көненә, ТАССР төзелүнең 100 еллыгына һәм Бөек Ватан сугышында Җиңүнең 75 еллыгына багышланган өч төрле спорт ярышы узды.
Татарстан Республикасы Авыл хуҗалыгы һәм азык-төлек министрлыгы авыл мәктәпләре укучыларын 5-10 сыйныф укучылары арасында өч яшь категориясе һәм дүрт юнәлеш буенча «АгроНТИ – 2020» Бөтенроссия конкурсында катнашырга чакыра
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 2020 елның 3 – 4 мартында «Экогород новый мир» перспектив үсеш үзәге” АФО (АНО) «Азык-төлек иминлеге, Россиянең ябык үсемлекчелеген һәм фермерлык челтәрен үстерү» темасы буенча конференция уздыра. Чарада фермер хуҗалыклары һәм фәнни авыл хуҗалыгы оешмалары катнашырга мөмкин.
23 февраль көнне Тагашур авыл клубында Ватанны саклаучылар көненә һәм клуб ачылуга багышланган концерт булып узды.
23 февраль көнне Сырья авыл клубында Ватанны саклаучылар көне уңаеннан «Ягез әле, егетләр!" Ярышларда 18-30 яшьлек егетләр катнашты. Кичә барышында аларга чын сугышчан сыйфатлар: зирәклек, чыдамлык, тәвәккәллек һәм көчле рухларын күрсәтергә туры килде. Кичә дискотека белән тәмамланды.
23 февраль көнне Түбән Кенә авыл клубында Ватанны саклаучылар көне уңаеннан сугыш чоры балалары өчен "Рәхмәт сезгә - ветераннар" дип исемләнгән тематик кичә үтте. Кичәнең кунаклары Карадуган авыл җирлеге башлыгы Шамиль Вакил улы Низамиев, "Игенче" күмәк хуҗалыгы белгече Ильдар Гали улы Самигуллин, өлкән инспектор Галия Филсур кызы өлкәннәрне бәйрәм белән котлап, җылы теләкләрен тапшырдылар. Авыл үзешчәннәре бик матур эчтәлекле ял концерты тәкъдим итте.
21 февраль көнне Урта Көшкәт авыл клубы китапханә белән берлектә Халыкара туган тел көненә багышланган «Удмурт кылэн вераськисько, удмурт кылэз яратисько» дип исемләнгән викторина элементлары белән әңгәмә үткәрделәр.
26 февральдә 10 сәгатьтән 12 сәгатькә кадәр Татарстан Республикасы буенча Росреестр Идарәсе Казанда юридик һәм физик затларның банкротлык процедурасы мәсьәләләре буенча "Кайнар телефон линиясе" уздырачак.