ЯҢАЛЫКЛАР
Соңгы елларда Татарстанда халыкка социаль хезмәт күрсәтү һәм социаль яклау өлкәсендә күләмле эш башкарылды, һәм киләчәктә дә күп эш эшләнәчәк. Бүген бу хакта В. И. Качалов исемендәге Казан дәүләт Зур рус драма академик театрында, һөнәри бәйрәмнәре уңаеннан, Социаль хезмәткәрләр форумында Татарстан Президенты вазифаларын вакытлыча башкаручы Рөстәм Миңнеханов билгеләп узды. Бәйрәм чарасында, шулай ук, ТР Дәүләт Советы Рәисе Фәрит Мөхәммәтшин, ТР Президентының социаль мәсьәләләр буенча ярдәмчесе Ләйлә Фазлыева, министрлык һәм ведомство җитәкчеләре, тармак хезмәткәрләре катнашты.
Тантана кысаларында, фойеда сәламәтлек мөмкинлекләре чикле булган балалар, социаль приютларда тәрбияләнүчеләр, өлкән яшьтәге затларның (тыл хезмәтчәннәре, ветераннар) рәсемнәреннән торган күргәзмә җәелдерелгән иде.
Балтач үзәк балалар китапханәсендә Россия көне уңаеннан “С чего начинается родина” исемле күргәзмә төзелде. Китап укучылар күргәзмәдәге китаплар белән кызыксындылар, фикерләр алыштылар. Күргәзмәбез белән танышырга теләгегез булган укучылар китапханәбез залларына рәхим итегез.
5 июнь көнне 12 июнь-Русия көне уңаеннан Балтач үзәк китапханәсенең уку залында “Будем всегда Россией гордиться” исемендә китап күргәзмәсе төзелде. Күргәзмә эшләү дәверендә яшүсмерләр дә, урта буын китап укучылары да китап күргәзмәсенә куелган күпсанлы китаплар белән танышып үзләренә күп мәгьлүмәт алдылар.
2015 нче елның 3 нче июнендә “Социаль туризм» программасы кысаларында Чепьядагы социаль тернәкләндерү бүлекчәсендә тернәкләнү узучы инвалидлар hәм пенсионерлар “Халыклар дуслыгы” музеена экскурсиягә бардылар. Экскурсовод аларны туган якның тарихын, төрле милләт халыкларының тормыш - көнкүрешен тасвирлаган экспонатларны сөйләп, күрсәтеп чыкты. Шулай ук Җиңүнең 70 еллыгы уңаеннан эшләнгән яңа стенд белән таныштырды. Бу күргәзмәләр якташларыбыз батырлыгының якты истәлеген хәтерләтә.
Музейда күзәтеп йөргәндә Файзрахманов Рашит фотосүрәтләр арасыннан туганнарын танып алган. Биредәге экспонатларның күплеге, эчтәлекле булуы тернәкләнүчеләрне шаккаттыра. Аннан алар бик сөенеп, канәгатьләнеп кайталар.Әлеге чаралар тернәкләнүчеләргә яшәү көче өстәргә зур мөмкинлекләр бирә.
6 июнь көнне халыкка «Наз» комплекслы хезмәт курсәтү үзәгендә социаль һәм медицина хезмәткәрләре өчен уку оештырылды. Өйгә барып социаль хезмәт булекчәсе мөдире Әнисә Хәйруллина «Чиста Йорт» акциясенә йомгак ясады.
Балалар яклау көне кысаларында Балтач «Наз» Үзәге белгечләре 14 купбалалы гаилә балаларын Казанга алып барып кайтты. Яшь сәяхәтчеләр теплоходка утырып Идел буйлап йозделәр, торле уеннар уйнадылар, буләкләр алдылар.