ЯҢАЛЫКЛАР
22 апрель көнне Балтач үзәк балалар китапханәсендә “Укыйбыз Тукай абыйны” исемле әдәби кичә булып узды Кичәбезгә 2 нче номерлы балалар бакчасына йөрүче уртанчылар төркеме №1 балалары килде. Китапханәче нәни китап укучыларны шагыйрьнең иҗаты, тормыш юлы, аның әсәрләре белән таныштырды. Кичәбез Г. Тукайның әсәрләреннән төзелгән викторина белән үрелеп барды.
21 нче апрель көнне Шөңшеңәр авыл китапханәсендә 6 нчы сыйныф укучылары өчен, Бөек Җиңүнең 70 еллыгы кысаларында, “Беркем дә, берни дә онытылмый!” дип аталган интеллектуаль бәйге булып узды. Укучыларга сугыш чоры әдәбиятының үзенчәлекләрен төшенергә ярдәм итү, бу чор язучыларының иҗаты, тормышы белән кызыксыну уяту, туган илгә мәхәббәт, язучылар, шагыйрьләр тормышына соклану хисләре тәрбияләү максатыннан чыгып оештырылган бәйге бик җанлы үтте. Укучылар Бөек Җиңүнең 70 еллыгына карата үткән тәрбия сәгатьләрендә алган белемнәрен кулланып,сугыш тарихы буенча китапханәче әзерләгән сорауларга җавап бирделәр, тестлар эшләделәр. Бу чарадан һәр укучы үзенә файдалы мәгълүмат һәм кызыклы китап алып китте.
21 апрель көнне “Наз” үзәге базасында 18 яшьүсмер балалар һәм Бөек Ватан сугыш ветераннары Мансур Хасбиуллин, Бибиниса Абдуллина һәм Зәмзәмия Гайфетдинова белән очрашу булып үтте.
21 нче апрель көнне Балтач үзәк балалар китапханәсендә Җиңүнең 70 еллыгына багышланган «Илдә тынычлык булсын» дип исемләнгән тематик кичә булып узды. Кичәбезгә 2 нче номерлы балалар бакчасына йөрүче нәни китап укучыларыбыз килде. Китап укучыларыбыз татар шагыйрьләре М. Җәлил, А Алиш. Ф. Кәримнең иҗаты һәм сугыш вакытында күрсәткән батырлыклары белән таныштылар. Кичәбез презентация һәм матур шигырьләр белән баетылды.