ЯҢАЛЫКЛАР
2015 елның 9 июнендә Чепьядагы «Наз» тернәкләндерү бүлекчәсендә татар халкының милли бәйрәме - Сабантуй уздырылды. Әлеге чарада төрле уеннар уйнатылды, шулай ук бәйрәм җыр-бию, мәзәк сөйләү белән аралашып барды. Башка уеннардан аермалы буларак, биредә барлык тернәкләнүчеләрне дә катнаштыру максатыннан, коляска ярышы да, утырып балык тоту уены да уйнатылды. Бигрәк тә өлкәннәребезгә әтәчләр “сугышы” бик ошады. Чаңгы ярышында беренче урынны алган Түнтәрдән килгән икенче группа инвалид Гүзәл Гарифуллина яулады. Ул үзең шатлыгын бүлмәдәшләре белән дә уртаклашты. Гомүмән, Сабантуй барысына да бик ошады.
Әлеге чара тулысынча сәламәтлекне ныгыту өчен зур мөмкинлек бирә.
Бугенге көндә яшь буынны гаилә тормышына әзерләү һәм гаиләнен әһәмиятен анлату актуаль проблема булып кала. Шул максаттан 10 июнь көнне Балтач урта мәктәбенең 10 сыйныф укучылары белән очрашу булып узды. Үзләренең мәгънәле һәм үтемле кинәшләрең Балтач мәхтәсибәте Рамил хәзрәт Бикбаев, Салавыч җирлегенең хатын-кызлар советы җитәкчесе Халисә Зиятдинова һәм ЗАГС мөдире Зөһрә Ахметханова биреп киттеләр. Очрашу ахырында психолог Энҗе Корбанова балаларга төрле күнегүләр һәм анкетирование уздырды.
10 июнь көнне Балтач үзәк китапханәсендә”Салават күпере” клубына йөрүче китап укучылар җыелды. 12 июнь “Россия көне”нә багышлап оста куллар тозлы камырдан картина ясадылар.
2015 елның май аена Татарстан Республикасы Хезмәт, халыкны эш белән тәэмин итү һәм социаль яклау министрлыгының Балтач муниципаль районындагы Социаль яклау бүлегенең эшчәнлеге турында мәгълүмат
Соңгы елларда Татарстанда халыкка социаль хезмәт күрсәтү һәм социаль яклау өлкәсендә күләмле эш башкарылды, һәм киләчәктә дә күп эш эшләнәчәк. Бүген бу хакта В. И. Качалов исемендәге Казан дәүләт Зур рус драма академик театрында, һөнәри бәйрәмнәре уңаеннан, Социаль хезмәткәрләр форумында Татарстан Президенты вазифаларын вакытлыча башкаручы Рөстәм Миңнеханов билгеләп узды. Бәйрәм чарасында, шулай ук, ТР Дәүләт Советы Рәисе Фәрит Мөхәммәтшин, ТР Президентының социаль мәсьәләләр буенча ярдәмчесе Ләйлә Фазлыева, министрлык һәм ведомство җитәкчеләре, тармак хезмәткәрләре катнашты.
Тантана кысаларында, фойеда сәламәтлек мөмкинлекләре чикле булган балалар, социаль приютларда тәрбияләнүчеләр, өлкән яшьтәге затларның (тыл хезмәтчәннәре, ветераннар) рәсемнәреннән торган күргәзмә җәелдерелгән иде.
Балтач үзәк балалар китапханәсендә Россия көне уңаеннан “С чего начинается родина” исемле күргәзмә төзелде. Китап укучылар күргәзмәдәге китаплар белән кызыксындылар, фикерләр алыштылар. Күргәзмәбез белән танышырга теләгегез булган укучылар китапханәбез залларына рәхим итегез.
5 июнь көнне 12 июнь-Русия көне уңаеннан Балтач үзәк китапханәсенең уку залында “Будем всегда Россией гордиться” исемендә китап күргәзмәсе төзелде. Күргәзмә эшләү дәверендә яшүсмерләр дә, урта буын китап укучылары да китап күргәзмәсенә куелган күпсанлы китаплар белән танышып үзләренә күп мәгьлүмәт алдылар.