Муниципаль районнар Балтач муниципаль районы

ЯҢАЛЫКЛАР

октябрь, 2015 ел

чәршәмбе

Балтачта хезмәт кодексына бәйле закон бозулар буенча “Кайнар линия” эшли.

Һәр кеше эшле булып, эшләгәненә тиешлесен алып, янәшәдәгеләр кебек закон буенча салымын түләп тынычлап яшәргә хокуклы. Әмма арабызда законнарга буйсынмый яшәүчеләр, ягъни рәсми рәвештә теркәлмичә такси хезмәте күрсәткән, авыр йөк ташып акча эшләгәннәр шактый. Хезмәт кодексына бәйле закон бозулар буенча “Кайнар линия” эшләп килә. Андый очракларга тап булсагыз, кичекмәстән, 2-61-51, 2-59-35 номерларына шалтырата аласыз.

Очрашу

27 октябрь көнне Балтач үзәк балалар китапханәсенә “Укучының мәдәни көндәлеге” проеты кысаларында нәни китап укучылар “Балачакка кайтып киләм” исемле очрашу кичәсенә җыелды. Ә кичәбезгә якташыбыз, сабыйларга “Бирегез миңа түбәтәй” китабын бүләк иткән Фәридә апа Шакирова килде. Тәкъдир итү кичәсе язучының тормыш юлын, иҗатын яктырткан презентация белән бизәлде. Укытучылар Алсу Камилевна һәм Гүзәл Карамовна җитәкчелегендәге гимназиянең 4А, 4Б сыйныфы укучылары шагыйрәнең шигырьләрен сөйләделәр, әсәрен сәхнәләштерделәр. Ә Фәридә апа укучыларга үзенең шигырьләрен бүләк итте.

октябрь, 2015 ел

сишәмбе

26 октябрь көнне район ЗАГС бүлегендә яшь гражданнарыбызга паспорт тапшырылды

Кеше гомере истәлекле вакыйгаларга бай. Шуларның иң мөһиме – паспорт алу, үз илеңнең тулы хокуклы гражданины булудыр. Районыбызда 14 яше тулганнарга паспортларны тантаналы шартларда тапшыру матур традициягә әверелде. 26 октябрь көнне район ЗАГС бүлегендә яшь гражданнарыбызга паспорт тапшырылды. Район ветераннар Советы рәисе Рифат Абдуллин һәр укучыга матур теләкләрен җиткезеп, укуда да, хезмәттә дә сынатмауларын, районыбызның чын патриотлары булып үсүләрен теләде.Яшь балтачлыларга киләчәктә зурдан-зур уңышларга ирешүләрен телибез!

Бөек шагыйрь музее.

2015 елның 27 октябрендә “Социаль туризм» кысаларында “Наз” тернәкләндерү бүлекчәсендәге тернәкләндерү узучы пенсионерлар hәм инвалидлар Арчадагы Кырлай авылындагы “Тукай-Кырлай” музеенда экскурсиядә булдылар.

Балтач “Наз”ында Салавыч мәдәният йорты.

26 октябрь көнне Балтач районы “Наз” тернәкләндерү бүлекчәсенә Салавыч мәдәният йортыннан үзешчәннәр хәйрия концерты белән килделәр.

октябрь, 2015 ел

дүшәмбе

Тубән Ошма авыл клубында "Көзге бал" кичәсе

24 нче октябрь көнендә Түбән Ошма авыл мәдәният йортында "Көзге бал" кичәсе булды. Яшьләр өчен мавыктыргыч конкурслар, уеннар оештырылды.

октябрь, 2015 ел

җомга

Кенәбаш мәдәни көндәлек

•21 октябрь көнне Кенәбаш авыл китапханәсе мәктәптә 1-4 сыйныфларга мәдәни дәрес үткәрде.Монда һәр сыйныфка мәдәни көндәлек тапшырылды.Көндәлекне ничек кулланырга икәне өйрәтелде.Шулай ук балалар “Кем зирәк,әйт тизрәк!” дип исемләнгән КВН да катнаштылар.

Мәдәни көндәлек тапшыру

21 октябрь конне Борбаш Сэрдегэне хэм Борбаш авыл мэктэплэренен 1-4 сыйныф укучыларына "Мэдэни кондэлек" олэшу кичэсе узды.

Минем мәдәни көндәлегем.

21 нче октябрь көнне "Укучының мәдәни көндәлеге" проекты кысаларында Сәрдек авыл китапханәсендә, мәдәният хезмәткәрләре, мәктәп укытучылары белән берлектә укучылар өчен мәдәни дәрес үткәрелде.Дәрестә укучыларны районыбыздагы мәдәният учаклары, көндәлек белән эшләү тәртипләре турында әйтеп кителде.

октябрь, 2015 ел

пәнҗешәмбе

Мэдэни кондэлек тапшыру чарасы

Смәел авыл китапханәсе һәм Смәел гомум белем бирү мәктәбе китапханәсе китапханәчеләре 21 нче октябрь көнне 1-4 сыйныфларда белем алучы укучыларга “Укучынын мэдэни кондэлеге”н тапшырдылар. 2014 нче елда башлангыч алган әлеге проект бары 1нче сыйныф укучыларына адресланган булса,быелгы елда ул барлык башлангыч сыйныфлар өчен булуы белән аерылып тора.

Татарстаныбыз мәдәнияте, аның халкының тарихи үткәне һәм бүгенгесе белән балаларны таныштыруны максат итеп куйган әлеге проект ,балаларда гына түгел, без китапханәчеләрдә һәм укытучыларда зур кызыксыну уятты.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ