ЯҢАЛЫКЛАР

20 гыйнвар көнне Чепья мәдәният йортында шушы авыл җирлеге үзешчәннәре "ХЕЗМӘТЕМ ҺӘМ ҖЫР-МОҢНАРЫМ, БАГЫШЛАНА СИҢА , БАЛТАЧЫМ!" дип исемләнгәнгән иҗат концерты тәкъдим иттеләр. 
 

Авыл җирлекләре арасында үткәрелә торган "ХЕЗМӘТЕМ ҺӘМ ҖЫР-МОҢНАРЫМ, БАЛТАЧЫМ, СИҢА БАГЫШЛАНА!" иҗат бәйгесе уңаеннан, бүген - 23 гыйнвар көнне иртәнге сәгатьләрдән үк район үзәгендә "Эльдорадо" кибете каршындагы мәйданда беренчеләрдән булып, Салавыч авыл җирлеге ярминкә оештырды. Көннең салкын, әче җилле булуына да кармастан, иртәнге 7.00 - 8.00 сәгатьтә халык аеруча күп иде. 
 

25 нче гыйнвар көнне "Салават күпере" тозлы камырдан эшләнмәләр клубының чираттагы түгәрәге булды. Яшь китап укучылар "Һинд филе" ясадылар.

25 январь көнне Балтач үзәк балалар китапханәсе үзенең нәни китап укучыларын каршы алды. 2 нче номерлы балалар бакчасының уртанчылар төркемендә тәрбияләнүчеләр (тәрбиячеләре Газимова Р.Р, Хусаинова.Л.А) “Әкиятләр илендә” исемле балалар иртәсендә катнаштылар. Китапханәбезгә кайткан яңа китаплар,балалар матбугате , китапханәгә йөрү тәртипләре белән танышканнан соң әкият геройлары буенча төзелгән уеннарда көчләрен сынадылар.

20 январь көнне Борнак авыл китапханәсендә “Укучының мәдәни көндәлеге проекты кысаларында  “Күп укыган,күп белә”исемле мәдәни дәрес үткәрелде.Китапханәдә кемнең күпме китап укыганына нәтиҗә ясалды һәм укучылар викторина сорауларына төгәл җавап бирделәр.Китап,белем турында укучылар бик күп мәгълүмат алдылар.

20 январь көнне Арбор авыл китапханәсенә 1-2 сыйныф укучылары  чакырылды.Алар китапханәче белән серле китап иленә сәяхәт кылдылар.Укучылар “Әкият иле”ндә сәяхәт итеп,яраткан әкият геройлары белән очраштылар.Әкиятләр аша яхшыны начардан аерырга,мәрхәмәтлелек,ярдәмчелек кебек сыйфатлар булдырырга,авыр вакытта ярдәм итәргә кирәк икәнлеген аңладылар.

Чепья авыл җирлегенә караган авылларның  үзешчәннәре "Хезмәтем һәм җыр-моңнарым сиңа, Балтачым, багышлана!"  иҗат бәйгесенә бу юлы да зурдан кубып әзерләнделәр. Конкурс шартлары буенча иртән авыл уртасында ярминкә гөрләде, концерт алдыннан халык мәдәният йорты фойесында кул эшләре күргәзмәсе, җирлекнең яшәеше хакында  стендлар белән танышты, үлән чәйләреннән авыз итте, халык ашлары күргәзмәсеннән тәм-том сатып алды. Концертта авыл җирлегенең үзенчәлеге булган халыклар дуслыгы   зур чагылыш тапты, жанрларның күплеге баетты, киемнәрнең җетелеге нур өстенә нур  булды,  тематик презентация тагын да тулыландырды. Тамаша залындагы халыкның күплеге, һәр чыгышны алкышлавын зур бәя дип кабул итәргә була. Икенче көнне  концерт Арбор авылы тамашачыларына да тәкъдим ителде.

20 январь көнне Субаш авыл китапханәсендә югары сыйныф укучыларына һөнәр сайлауга юнәлеш бирү максатыннан “Һөнәр – иң зур хәзинә” дигән студентлар белән очрашу кичәсе үткәрелде. Бу чарада 7, 8, 9, 10 , 11 сыйныф укучылары, укытучылар да катнашты. Очрашу бик күңелле узды.

Мәскәүдә узган “Бердәм Россия” партиясенең XVI съездында партиянең Югары советы һәм Генераль советына әгъзалар сайлау төгәлләнде. “Бердәм Россия”нең Татарстан төбәк бүлеге матбугат хезмәте хәбәр иткәнчә, Рөстәм Миңнеханов янә партиянең Югары советы әгъзасы итеп сайланды, дип хәбәр итә "Татар-информ". 
 

"Эра" бию төркеменең алдагы уңышы. IX Идел буе "Tatarstan.ru" конкурсында I дәрәҗә диплом белән бүләкләнделәр. Гала концерт һәм бүләкләү тамашасы FUN 24 күңел ачу үзәгендә үтте. Шулай ук укучылар рәхәтләнеп ял итә алу бәхетенә дә иреште.

Афәрин, егет-кызларыбыз!!! Балтач данын яклап чыгыш ясаганыгыз өчен Сезгә һәм җитәкчегез Эрик Васинкинга ихлас рәхмәтебезне ирештерәбез!!!