ЯҢАЛЫКЛАР
8нче февраль көнне Балтач гимназиясендә 9-11нче сыйныф укучылары белән очрашуга Балтач районы Россия эчке эшләр министрлыгының өлкән инспекторы полиция майоры Шакирова Ләйсән Маратовна килде. Үзенең тормыш юлына багышланган сөйләмен полиция хезмәте турында дәвам итте. Бу һөнәрнең бөтен тискәре һәм уңай якларын санап чыкты. Эш графигы, хезмәт хакы, утлы коралны кайсы очракта кулланырга мөмкин темалары укучыларда чиксез кызыксыну уятты. Укучыларга төпле киңәшләрен биреп, полиция хезмәткәрләре сафында көтеп калуын белдерде Ләйсән Маратовна.
Мөмкинлекләре чикләнгән балаларны караучы ата-аналары игътибарына:
- укучылар һәм мәктәпкәчә яшьтәге балаларга нинди укыту программасы кирәклеген ачыклау һәм медико- социаль экспертиза (ВТЭК) үткәрү өчен ПМПК (психолого- медико- педагогическая комиссия) оештырыла.
- балтач муниципаль районында ПМПК елга 3 тапкыр – декабрь, март һәм август айларында уза.
Белешмә өчен: 2 этаж, 1нче кабинет, телефон 884368 2-52-32, Набиева Резеда Риф кызы.
6 нчы февраль көнне мәгариф идарәсе җитәкчесе Зәкиева А.Ю. Карадуган гимназиясендә комплекслы өйрәнү нәтиҗәләре буенча педагогик совет уздырды. Гимназиядә укыту-тәрбия эшчәнлеген оештыру, фәннәрне укыту, документация торышы анализланды, киңәшләр бирелде.
2017 нче елның февраль башында Казан шәһәрендә Junior Skills стандартлары буенча “Яшь профессионалларның” (WorldSkills Russia) региональ чемпионаты булып узды.
Нөнәгәр гомуми урта белем мәктәбенең 10 нчы сыйныф укучылары Гайфетдинов Айнур һәм Нургалиев Рәмзил “ЧПУ станокларында токарьлык эшләре” компетенциясендә 2 нче урын яулады. Без әлеге укучыларны һәм аларның остазлары - технология укытучысы Кәлимуллин Ранил Нурислам улын җиңүләре белән котлыйбыз!
Хәбибуллина Рәйсә Харис кызы,
укыту эшләре буенча директор урынбасары
Шеңшеңәр авыл китапханәсендә 31 нче гыйнвардан 7 нче февральгә кадәр башлангыч сыйныфлар өчен “Балаларга - куркынычсыз интернет” атналыгы үткәрелде. Бу атналык барышында укучылар “интернет”ның үзләренә таныш булмаган якларын ачтылар. Китапханәче укучыларга интернетның файдалы һәм тискәре якларын аңлатты һәм интернет аркылы файдалы, кызыклы мәгълүмат табу юлларын өйрәтте. Укучылар “Вебландия” , “Баларф”сайты белән таныштылар. Укучылар бу сайтлардагы уеннарның акыл эшчәнлеге өчен файдалы булуына инандылар, бер-берсе белән интернет аша һәм кара-каршы ярыш та оештырдылар.
Куныр №12 филиал китапханәсе 7 февраль көнне 3 сыйныф укучылары белән “Безопасный интернет детям” дип исемләнгән атналык уңаеннан әңгәмә булып узды. Әңгәмәдә барлыгы 6 бала катнашты. Әңгәмә барышында балаларга интернет турында мәгълумат бирелде. Интернетта эшләгән вакытта тиешле кагыйдәләр аңлатылды. Балалар белән берлектә тест эшләнде, һәм һәр кайсына “ Безопасный интернет детям” дигән буклетлар һәм “Правила безопасности в интернете” дигән памяткалар тапшырылды.
8 февраль көнне Куныр № 12 филиал китапханәсе Куныр урта мәктәбенең 6-7 сыйныфлар арасында анкета сораштыруы оештырылды. Анкета, “Этот удивительный мир», экология елы уңаеннан балаларның табигатькә карашын белү өчен үткәрелә. Анкета сораштыруына карап укучылар табигатьне яратуларын, аны сакларга кирәк булуы ачык күренде.
Смәел авыл китапханәсе Смәел гомуми белем мәктәбендә 5,6,7 сыйныф укучылары белән "Интернет һәм балалар"дип аталган әңгәмә үткәрде. Аның максаты балаларны интернеттан дөрес һәм файдалы итеп куллана белү серләренә төшендерү,интернет челтәрендә булган тискәре якларны күрсәтү иде.Балалар ике төркемгә бүленеп интернетның уңай һәм тискәре яклары турында үз фикерләрен белдерделәр.
Бүген, 12 февральдә Балтачыбызда шаулап-гөрләп "Россия чаңгы юллары-2017" ( "Татарстан чаңгы юллары-2017") массакүләм чаңгы ярышлары үтте.
Балтачтада һәвәскәр спорт сөючеләр белән беррәттән җитәкчеләр һәм спорт ветераннары, балалар да чаңгыга басты. Бу исә һәркемнең дә спортның әлеге төренә игътибар бирүе турында сөйли. Ярышларның максаты да бит өлкәннәрне һәм яшьләрне спорт белән даими шөгыльләнүгә җәлеп итү, халык арасында сәламәт яшәү рәвешен пропагандалау.
Балтач бистәсенең Ленин урамының үзәк өлеше тиздән яңа проект нигезендә зур үзгәреш кичерәчәк. Балтач гимназиясендә әлеге проектның эскизларын бистә халкына тәкъдим итү чарасы булды.
12 өстәл артына 8әр кеше утырып, үз тәкъдимнәрен кертте, фикерләрен белдерә алды. Аларның һәркайсы бу проектны төзүчеләр тарафыннан исәпкә алынып, язылып барылды. Киләчәктә эскизларга үзгәрешләр кертелеп, яңа проект барлыкка киләчәк. Ял итү урыннары, утыргычлар, фантаннар, велосипед белән йөрү өчен махсус юллар һәм башка бик күп мөмкинлекләр булдырылачак... Кыскасы, киләчәктә бистәбез үзәге шәһәрнекеннән ким булмаячак, дип белдерә җитәкчеләр.