ЯҢАЛЫКЛАР
8 май көнне Казанда Бөек Ватан сугышы ветераннары өчен Татарстан Республикасы Президенты Р. Н. Миңнеханов катнашында тантаналы чара уздырылды.
10 нче май көнне Бөрбаш китапханә филиалында "Бәхетле балачак" исемле кичәдә мәдәни көндәлеккә йомгак ясалды.
Менә инде өченче ел Татарстаныбызда яшәүче 1-4 сыйныфларда укучы балалар республика күләмендә барган “Укучының мәдәни көндәлеге” проекты кысаларында узган бәйгедә актив катнашалар. Быел да уку елы буе Көндәлектәге, Көндәлекнең электрон порталындагы биремнәрне үтәп, төрле бәйгеләрдә катнаштылар, республикабыз мәдәният оешмаларына төрле мәдәни чараларга йөрделәр. Декабрь аенда “Көндәлекнең электрон порталы” номинациясендә җиңгән балалар Республика Чыршы бәйрәмендә катнаштылар. Ә бәйгенең “Иң яхшы мәдәни көндәлек” һәм “Иң мәдәниятле әти-әни” номинациясе җиңүчеләре 26 май көнне Татар дәүләт “Әкият” курчак театрына тантаналы чарага баралар.
10 май көнне Балтач үзәк балалар китапханәсендә 2016 елның 16 сентябреннән башлап 2017 елның 10 маена кадәр барган әлеге бәйгенең район турына 7 кешедән торган жюри 54 мәдәни көндәлекне карап, нәтиҗә чыгарды.
1 сыйныфта укучы балалар арасыннан Норма урта мәктәбенең 1а сыйныфында укучы Гарифуллин Саматның мәдәни көндәлеге 1 урынга лаек булды.
2 сыйныфта укучы балалар арасыннан шул ук Норма урта мәктәбенең 2Б сыйныфында белем алучы Каримова Алсуның мәдәни көндәлеген жюри 1 урынга лаек дип тапты.
3 сыйныфта укучы балалар арасында быел да Балтач урта мәктәбенең 3А сыйныфында белем алучы Федоров Артемүзенеңмәдәни көндәлеге белән беренчелекне бирмәде.
Шулай ук 4 сыйныфта укучы балалар арасында да балтач гимназиясенең 4А сыйныфында белем алучы Юнусова Камилланың мәдәни көндәлеге иң яхшысы дип табылды.
Ә “Иң мәдәниятле әти-әни” номинациясендә җиңүче итеп жюри шушы 4 бала арасында иң зур балл җыйган Норма урта мәктәбенең 1а сыйныфында укучы Гарифуллин Саматныңәнисе Гарифуллина Эльмира Мәсхүт кызын лаек дип тапты.
Балтач АҮК директорының
балалар эше буенча урынбасары Исхакова Х.М.
10 май көнне Түнтәр авыл китапханәсе башлангыч сыйныфта укучы китап укучылар белән “Минем мәдәни көндәлегем” дип исемләнгән мәдәни көндәлек белән эшкә нәтиҗә ясау өчен аралашу сәгате үткәрелде. Иң элек мәдәни көндәлек белән белән эшкә нәтиҗә ясадык. Яңа китаплар белән таныштык.
Чепья авыл китапханәчәсе "Наз" тернәкләндерү үзәгендә ял итүчеләр өчен "Окоптан хатлар" дип исемләнгән хәтер кичәсе үткәрде. Искәндәр һәм Зәйнәп китабы белән таныштырды. Бу китапта яшь совет укытучысының сугышка алынганнан соң хатыны Зәйнәпкә язылган хатлары бирелгән. Һәрбер хат тирән эчтәлекле, аларда авторның җаны, кичерешләре ярылып ята. Аларда сугышның авырлыгы да, җиңү өчен куелган көч тә, якты киләчәк өчен бөтен авырлыкларны җиңеп чыгуга ышану да, солдат үткән авыр озын юл да сүрәтләнгән.
Район авыл хуҗалыгы һәм азык-төлек идарәсенннән 10 майга алынган саннарга күз салсак, шунысы сөенечле – районда бер тәүлеклеккә җитештерелгән сөт күләме кабаттан 200 тоннаны тәшкил итте.
Бөек Җиңүнең 72 еллыгы уңаеннан, сөтлебикәләр дә үзләреннән өлеш керттеләр. Әлеге биеклекне саклаган мәлдә , алга таба да нәтиҗәле хезмәт уңышларына ирешергә насыйп булсын!
Иртәгә - 12 май көнне, "Балтач" спорткомплекс базасында медицина хезмәткәрләренең зонаара спартакиадасы була. Әлеге спорт чарасында район үзәк хастаханә коллективы Саба, Кукмара, Арча һәм Әтнә районнары командалары белән көч сынашачак.
Каршы алу һәм теркәлү сәгать 9.00да башлана.
Уңышлар юлдаш булсын!!!
Шунысы да очраклы күренеш: 12 май - шәфкать туташлары көне буларак та, билгеләп үтелә.
12 май көнне Балтач урта мәктәбе коллективы район мәдәният үзәге сәхнәсендә үзләренең еллык иҗади отчет концертын тәкдим итә. Карамый калмагыз, рәхим итегез!!!
Концерт 18.00 сәгатьтә башлана.
11 май көнне район мәдәният үзәгендә райондашыбыз, атказанган мәдәният хезмәткәре Нәҗип Әминовның “Кичер мине, Гөлсем” дип исемләнгән спектакле була.
Башлана 19.00 сәгатьтә.
Рәхим итегез!!!
Бөртекле культуралар исә, туфракта 5 градус җылы булганда, "борынланып" тишелеп чыгу сәләтен саклый, ди министр.
"Әлегә туфрак салкын. Бәрәңгегә җылы туфрак кирәк, шуңа күрә аны алданрак "борынлату" кирәк. Салкын туфракта бәрәңге үрә алмыйча озак ятмасын өчен, аны "борын төртерлек" итеп җылыда тотарга кирәк", – дип киңәш бирә Татарстан Премьер-министры урынбасары – авыл хуҗалыгы һәм азык-төлек министры Марат Әхмәтов.
Бөртекле культураларга килгәндә, министр әйтүенчә, туфракта 5 градус җылы булганда, алар "борынланып" тишелеп чыгу сәләтен саклый, тик алар авыруларга бирешми торган итеп, препаратлар белән бик яхшы эшкәртелергә тиеш.