Окоптан хатлар

Чепья авыл китапханәчәсе "Наз" тернәкләндерү үзәгендә ял итүчеләр өчен "Окоптан хатлар" дип исемләнгән хәтер кичәсе үткәрде. Искәндәр һәм Зәйнәп китабы белән таныштырды. Бу китапта яшь совет укытучысының сугышка алынганнан соң хатыны Зәйнәпкә язылган хатлары бирелгән. Һәрбер хат тирән эчтәлекле, аларда авторның җаны, кичерешләре ярылып ята. Аларда сугышның авырлыгы да, җиңү өчен куелган көч тә, якты киләчәк өчен бөтен авырлыкларны җиңеп чыгуга ышану да, солдат үткән авыр озын юл да сүрәтләнгән.