ЯҢАЛЫКЛАР

3 май көнендә Халыкка социаль хезмәт күрсәтү үзәге белгече белән берлектә ДЦ “Волонтер” активистлары “Георгий тасмасы” дип исемләнгән акция үткәрделәр. 

Акция кысаларында кешеләр үз ихтиярлары белән Георгий тасмаларын тактылар. Алар үзләренең бу гамәлләре белән сугыш ветераннарына карата ихтирамнарын күрсәттеләр

Ел саен билгеләп үтелә торган бәйрәмнәр күп, һәр бәйрәмнән аермалы һәм тарихы булганы - әлбәттә Бөек Җиңү бәйрәме! Районыбызда бүгенге көндә 19 (2016 - 23, 2015 - 31 иде) Бөек Ватан сугышы, 618 (2016 - 689; 2015тә - 815) тыл ветераны яши. 
Шушы чорда елдагы традиция буенча урыннарда үз хезмәт коллективларыннан, бюджет сферасында эшләп чыккан, яки авыл җирлекләренә күченеп кайткан 1932нче елдан һәм иртәрәк туган Сугыш һәм Тыл ветераннарын чәй табыннары артына җыйнап, аларны хөрмәтләү кичәләре уздыру һәм хезмәт коллективларының тәбрикләү юлламасы белән бәйрәм пакетлары әзерләү районыбызда матур традиция буларак дәвам итә. Бу чара гадәттә, митинг үткәргән көнне оештырыла. 
Искәрмә: күчтәнәч пакет төрле формада, күләме хезмәт ветераннарына 300 сумнан, сугыш ветераннарына 500 сумнан да ким булмаска тиеш.

29 апрель көнне «Пирамида» күңел ачу комплексында «Ел иганәчесе — 2016» X республика конкурсының җиңүчеләрен бүләкләү тантанасы узды. Анда ил башлыгы Рөстәм Миңнеханов та чыгыш ясады. Безнең районнан әлеге конкурсның җиңүчесе булып «МДСУ-1» оешмасы директоры Рашит Ильясов танылды. Актив иганәчелек эше алып барганы өчен Рашит Мәгъсүмович диплом белән бүләкләнде. 
Гаиләдә тәрбия һәм сәламәт яшәү рәвешен алып баруда уңай тәҗрибә тарату максаты белән әлеге чарага үрнәк гаиләләрне чакыру да матур традициягә әйләнеп бара. Быел бу тантаналы чараның кунаклары булып Югары Кенә авылыннан күпбалалы Зөһрә һәм Раушан Закирҗановлар танылдылар. Әлеге гаилә дүрт кыз тәрбияләп үстерә, гаилә башлыгы Кенә мәктәбендә хезмәт укытучысы, ә Зөһрә ханым район үзәк хастаханәсендә фельдшер-лаборант булып эшли. 

4 май көнне Бөрбаш китапханә филиалында 5 сыйныф укучылары белән Э. Еникинең "Бала" әсәре буенча кычкырып укулар үтте.

Апрель ахырында Пыжмара авыл җирлегендә, Татарстан Республикасы президенты Р.Н.Миңнеханов тарафыннан җибәрелгән, 9 май бүләкләре Бөек Ватан сугышы ветераннарының тол калган тормыш иптәшләренә  өләшенде. Бүләкләүдә  Пыжмара авыл җирлеге башкарма комитеты башлыгы Заляев Рафил Хәлип улы, ветераннар советы башлыгы Абдуллин Фарук  Абдулла улы, Пыжмара төп гомуми белем  мәктәбе коллективы һәм укучылары катнашты.

Районда иң беренчеләрдән булып, "Дуслык", "Активист" хуҗалыклары чәчүгә кереште. Әлеге ике хуҗалык 30 апрельдә үк бөртекләрне җир куенына иңдерә башлады.

Ә 2 май көнне районыбыз басуларының күпчелегендә язгы чәчү эшләре тулы куәтенә башланып китте. 

Ә менә бүген - 4 май көнне "Смәел" белән "Сосна" җәмгыятьләре дә кушылды. Әлегә бары тик техникалар тырмалау эшләрендә булу һәм туфракның тулысынча өлгереп җитмәвен сәбәп итеп, "Арбор" һәм Тукай исемендәге хуҗалыкларда гына тоткарлык күзәтелә. 

Район буенча алып карасак, бүгенге көндә 3170 гектар мәйданда чүчү эшләре башкарылган. Төрле культуралар игәләр, мәсәлән, "Таатрстан" хуҗалыгы беренчеләрдән булып, 3 май көнне кукуруз чәчүгә алынды. 

Әлеге эшләр белән беррәттән туңга сөрелгән басуларны, уҗым һәм күпьеллык үлән мәйданнарын тырмалау эшләре дә башкарыла. Игенче-механизаторларыбызга хәерле эш көннәре телибез.

3 май көнне Өченче чакырылыш Балтач район Советының 
ундүртенче утырышы булып узды. 

Утырышны Балтач район башлыгы, район Советы рәисе Нотфуллин Рамил Рәшит улы алып барды. 

Утырышның көн тәртибенә түбәндәге мәсьәләләр каралды: 
1.Балтач муниципаль районы башкарма комитеты җитәкчесенең һәм район башкарма комитетының 2016-нчы елдагы эшчәнлеге турында отчеты. 
Беренче көн тәртибе буенча сүз район башкарма комитеты җитәкчесе Рамил Илдус улы Шакировка бирелде. 

Балтач үзәк балалар китапханәсендә 3 май көнне балаларның яраткан язучысы Г. Тукайның искә алу кичәсе булып узды. Кичәдә балалар язучының яңа басылган китапларыннан торган күргәзмә белән таныштылар, әңгәмә алып бардылар.Кичә  Балтач урта мәктәбенең 2Б сыйныфы укучылары әзерләгән “Тукай абый әкиятләрен без яратып укыйбыз” дигән тамаша белән тәмамланды. Әдипнең әкиятләреннән торган бай эчтәлекле спектакльне барлык укучылар яратып карадылар.

     2017 елнын 3 май көнендә Халыкка социаль хезмәт күрсәтү үзәге белгече белән берлектә ДЦ “Волонтер” активистлары “Георгий тасмасы” дип исемләнгән акция үткәрделәр.

Балтач муниципаль районында табигатьне саклау акциясе "Урман утырту көне" узды. Бу акциядә"Наз"үзәге социаль-тернәкләндерү бүлеге хезмәткәрләре белән берлектә реабилитантлар дә актив катнашты.