ЯҢАЛЫКЛАР

4 май көнне Борнак авыл китапханәсендә “Читаем детям о войне”исемле 8 нче Халыкара акция кысаларында  5-6 сыйныф укучылары белән язучы   Ибраһим  Газиның  “Ана” хикәясе кычкырып укылды.Укучыларны сугыш  турында  иҗат  ителгән  китаплар  белән таныштырылды.

Смәел авыл китапханәсе ,"Читаем детям о войне"акциясе кысаларында 6нчы сыйныф укучыларын  "Китап сөйли сугыш турында"исеме  астында Бөек Җиңүгә илткән юллар  белән таныштыру максатыннан, әдәби китапларны кычкырып укуны оештырды.

4 май көнне Көек китапханәсендә  Халыкара “Балаларга сугыш турында укыйбыз” акциясе  үтте. Биредә Ә.Еникинең “Бала”, М.Җәлилнең “Кызыл ромашка”, “Вәхшәт”, “Буре”,  Г.Кутуйның  “Рөстәм мажараларының” кыскача өлешен Ф.Карим “Гөлчәчәккә хат” поэмаларын укыдык. Балалар йотлыгып тыңлады. Сугыш буенча үз фикерләрен җиткерделәр. 10 укучым катнашты. Балалар бакчасында йөрүчеләрдән алып 8 сыйныфта укучы балаларга хәтле. 

5 май көнне Балтач үзәк зурлар китапханәсенең уку залында “Кыю йөрәк кенә мәңгелек” дип исемләнгән телдән журнал үткәрелде. Кичәдә Балтач гимназиясенең 8нче, 10нчы сыйныф укучылары катнашты. Укучылар Бөек Ватан сугышында катнашкан татар әдипләре турында мәгълүмат алдылар, сугыш чоры әдәбияты буенча төзелгән викторинада катнаштылар.

4 май көнне Субаш авыл китапханәсендә Самара өлкәсе оештырган    “Читаем детям о войне” дип исемләнгән акция кысаларында укучыларга хәрби патриотик тәрбия бирү максатыннан “ Ерагайган саен еллар тирәнәя яралар” дигән китап күргәзмәсе ясап куелды һәм  1- 5 сыйныф укучылары катнашында кычкырып уку үткәрелде. Бу чарада Ибраһим Гази китабындагы “Ана” хикәясе кычкырып укылды һәм укучыларга  “Дөньялар тыныч булсын” дигән презентация күрсәтелде. Акциягә барлыгы 20 укучы катнашты

4 нче май көнне Алан авыл китапханәсе "Читаем детям о войне" халыкара акциядә катнашты. Укучыларга сугыш турында иҗат иткән язучыларның әсәрләре укылды.

Илебез  ел саен зурлап Бөек Җиңү  көнен бәйрәм итә. Бу бәйрәм һәркемнең гаиләсенә кагылган, бу турыда истәлекләр туплана, хатирәләр барлана, фильмнар күрсәтелә, һәйкәлләр торгызыла, әсәрләр языла, очрашулар үткәрелә. Шул максаттан үткәрелгән  "Читаем детям о войне"  акциясендә Чепья балалар китапханәсе дә катнашты. "Әкият" балалар бакчасында тәрбияләнүчеләргә  Е.Воробьевның кыска хикәяләре кычкырып укылды.

   4 май көнне Түнтәр авыл китапханәсе китап укучылары да Бөек Җиңүнең 72 еллыгы уңаеннан үткәрелгән “Балаларга сугыш турында укыйбыз...” дип исемләнгән бөтенроссия Акциясенә кушылды һәм “Дети и война” исеме белән М. Казей, В. Котик, Л. Голиков, С. Чекалиннарның батырлыклары, ачлыктан Ленинград блокадасында үлгән Таня Савичеваның көндәлекләре белән таныштык. К. Симонов һәм М. Җәлил шигырьләрен кычкырып укыдык. Акцияне М. Җәлилнең “Не верь” шигырен бергә укып төгәлләдек. Чарабыз рус телендә барды.

  26 апрель көнне Түнтәр авыл китапханәсендә балалар бакчасында тәрбияләнүчеләр белән “Тукай эзләре буйлап... дип исемләнгән әдәби кичә үтте. Нәни китап укучыларыбызны  Түнтәр урта мәктәбенең 5, 6 сыйныфында укучы китап укучылар алмаштырды.. Кичәдә китапханәдә үткәрелгән бәйгеләрдә актив катнашкан  китап укучыларыбызга рәхмәт хатлары, дипломнар тапшырылды.

Бүген Татарстан мөфтие Камил хәзрәт Сәмигуллин эшлекле сәфәр белән Балтач районына килде.

Иң элек мөхтәрәм кунаклар Балтач гимназиясендә 5а сыйныфында “Көнчелек – күңел чире” дигән ачык дәрес карады. Соңрак “Тәрбия иң кирәкле бер эш булачактыр” дигән дәрестән тыш чараны күзәтте. Дәресләрдә булганнан соң кунаклар һәм чарада катнашкан районыбызның әхлак укытучылар түгәрәк өстәл артына җыелды.

Төшке аштан соң Камил хәзрәт Сәмигуллин үзәк мәчеттә диплом тапшыру тантанасында катнашачак. Бу хакта алдагы сәгатьләрдә.

Гөлзидә Газизуллина