ЯҢАЛЫКЛАР
Агымдагы елның 11 декабрендә, “Наз” үзәге социаль-тернәкләнү бүлекчәсендә тернәкләнүчеләр, Балтач муниципаль районының Карадуган авылында урнашкан “Себер тракты тарихы” музеенда экскурсиядә булдылар. Өлкәннәребез музейда каhарман язучы Муса Җәлил турында экспонатлар, сугыш чорындагы язмалары, себер тракты тарихы буенча тупланган материаллар белән таныштылар.
2017 нче елның 11 декабрендә “Наз” тернәкләндерү булекчәсенә Норма мәдәният йорты хезмәткәрләре хәйрия концерты белән килделәр. Вәлиева Гүзәлия Рафис кызы җитәкчелегендә оештырылган концерт бик күңелле узды.
Смәел авыл китапханәсе Ватан Геройлары көне уңаеннан 5-6 сыйныф укучылары белән әңгәмә уздырды. Әңгәмә барышында балалар әлеге истәлекле көннең тарихы ,Советлар Союзы Геройлары,Россия Федерациясе Геройлары белән таныштылар .Авылдашыбыз Советлар Союзы Герое Гайфетдин Гыйльметдиновның тормыш юлы турында мәгълүмат алдылар.
Балтач җирлегендә яшәүче Нәбиева Гөлҗиһан Хәсән кызына 11 декабрь көнне 95 яшь тулды.
Агымдагы елның 9 нчы декабрендә Татарстан Республикасы буйлап барган Халыкара мөмкинлекләре чикле кешеләр көне уңаеннан “Наз” тернәкләндерү бүлекчәсендә “Чиксез талант” исеме астында кургәзмә оештырылды.
Геройлар көне уңаеннан Иске Көшкәт авылында яшәүче Россия Герое Исаев Олегның әти-әнисе Николай һәм Вера Исаевлар Мордовия Республикасы Саранск шәһәрендә тантаналы чарада катнашалар.
Сәрдегән авылында яшәүче Мөхәммәтҗанова Гөлирә Нигәматулла кызына 8 декабрь көнне 90 яшь тулды.
Район башкарма комитеты җитәкчесе Рамил Шакиров җитәкчелегендә районыбызның оешма-учреждение җитәкчеләре һәм эшмәкәрләре катнашында "Яңа елга әзерлек" темасы буенча киңәшмә булып узды. Киңәшмәдә шушы көннәрдән үк Яңа елга әзерлекне башлау, биналарның төзеклеген һәм матурлыгын тәэмин итү, сыйфатлы итеп бизәү мәсьәләләре күтәрелде.
6 декабрь көнне районның коррупциягә каршы көрәш комиссиясе секретаре, район башлыгы ярдәмчесе Энҗе Фәрит кызы Гарипова 9 декабрь – "Халыкара коррупциягә каршы көрәш көне" уңаеннан, мәгариф идарәсе җитәкчесе урынбасары Ләйсән Гатауллина белән берлектә Смәел мәктәбендә булып, класс сәгатьләрендә катнашты. Коррупциягә каршы көрәш мәсьәләсе буенча район күләмендә алып барыла торган эшчәнлек белән таныштырды.
Шушы көннәрдә Казанда Татарстан Республикасы Экология һәм табигый байлыклар министрлыгы "Экология һәм җәмәгать киңлекләре елы" на йомгак ясау уңаеннан, "Будет чисто - Чиста булыр" экологик хәрәкәтенә йомгак ясады. Әлеге чарада Балтачның республика һәм район күләмендә узган чараларда актив катнашкан балалар һәм яшүсмерләр белән эшләүче учреждение коллективлары, призлы урыннар яулаган сәләтле укучылары да катнашып кайтты.