ЯҢАЛЫКЛАР

Балтачта "Төнге чаңгы юллары" чарасы дәвам итә 

Балтачта чаңгы спортына караш кимеми. Киресенчә, соңгы елларда районыбыз халкы арасында популярлашып киткән "Төнге чаңгы юллары" чарасы чаңгы спортына карата булган мәхәббәтне бермә-бер арттырды гына. Төрле хезмәт коллективлары, район җитәкчеләре, яшьләр, гаиләләр, ветераннарыбыз өчен дә һәр атнаның чәршәмбе көнендә кичке сәгатьләрдә ярышлар оештырылып килә. 

"Төнге чаңгы юллары" быел да уңышлы гына үз эшен дәвам итә. Иртәгә, ягъни 31 гыйнвар көнне райондашларыбызны "Сабантуй" ял һәм спорт паркына яктыртылган чаңгы трассасына чакырып калабыз.

Шулай ук киләсе айда да һәр атнаның чәршәмбе көнендә 7, 14, 21, 28нче февраль көннәрендә чаңгы шуу ярышлары булачак, дип хәбәр итә район яшьләр эше һәм спорт бүлеге. 

Ярышка теркәлү вакыты –  сәгать 18.00дән - 18.25 минутка кадәр. 
Ярышка старт – 18 сәгать 30 минутта биреләчәк. 

Ярышларда 18 яшькә кадәрге яшьләр; 
- 40 яшькә кадәрге хатын-кызлар һәм ир-егетләр; 
- 40 яшьтән өлкәнрәкләр катнаша ала. 

Барлык катнашучылар да шәхси беренчелек өчен 1 чакрым ераклыктагы дистанциядә көч сынашачак. 

Җиңүчеләр Грамоталарга һәм истәлек бүләкләренә ия булачак.

Бүген - 29 гыйнвар көнне район пенсия фонды идарәсендә  исәп-хисап  җыелышы узды.

Район социаль яклау бүлеге 2017 елга гомуми нәтиҗәләр ясап, 2018 елга максат-бурычлар билгеләде.  Бүлек  җитәкчесе  Алсу Гатиятуллина узган елда башкарылган эшчәнлек һәм яңалыклар белән таныштырды. Республика районнары арасында ясалган рейтинг буенча Балтачның елдагыча  беренче өчлектә булуын ассызыклады. “Бу зур хезмәт күрсәткече – коллективның тырышлыгы  нәтиҗәсендә ирешкән уңышлар. Без районда халык белән тыгыз элемтәдә эшләүче хезмәт коллективларының берсе булып торабыз.  Ел башыннан Федераль законнарга кертелгән үзгәрешләр нигезендә, түләүләр, компенсация һәм субсидияләр билгеләү өлкәсендә яңалыклар булды. Без елны “Ачык ишекләр көне”  белән башлап җибәрдек. Һәм бу  уңышлы гына  килеп чыкты, дигән нәтиҗәгә килдек.  

Көн тәртибендә:

• авыл җирлеге башлыгының 2017 ел өчен отчеты;
• 2017 елга бюджет үтәлеше.

Балтач үзәк зурлар китапханәсенең уку залында   мәшһүр татар мәгърифәтчесе Шиһабетдин Мәрҗанинең  200 еллыгы уңаеннан  “Мәрҗаниле халыктан вә токымнан без...” исемендәге  китап күргәзмәсе эшли. Биредә  күпкырлы шәхесебезнең иҗаты һәм тормыш юлын чагылдырган хезмәтләр, газета-журнал мәкаләләре белән танышырга мөмкин.

26нчы гыйнварда Смәел авыл китапханәсе "Яшьтәш әдипләр иҗаты" исеме астында могҗизалар кыры уены  үткәрде.Чара  2018 нче елда 80яшьлек юбилеен билгеләп үтүче күренекле язучы, драматург, публицист, җәмәгать эшлеклесе Рабит Батулла һәм  шагыйрь, язучы ,драматург Фәнис Яруллин белән шагыйрь, рәссам  Гакыйль Сәгыйровларның тууларына 80 тулу уңаеннан  оештырылды.

24 январь көнне Субаш авыл китапханәсендә мәдәният йорты белән берлектә югары сыйныф укучылары  һәм студентлар катнашында "Көтәр безне матур киләчәк" дигән тематик очрашу кичәсе үткәрелде.Бу кичәдә укучылар төрле профессияләр, уку йортлары турында үзләренә кирәкле  бик күп яңалык алдылар.

Бүген - 26 гыйнвар көнне Балтачта "Дулкын" бассейны ачылды.  Бу  район тарихында зур вакыйга булуы белән мөһим.

Әлеге тантаналы  зур чарада Татарстан Республикасы Премьер-министры урынбасары,  Авыл хуҗалыгы һәм азык-төлек министры Марат Готыф улы Әхмәтов,  Татарстан Дәүләт Советы депутаты, Татарстан Дәүләт Советы рәисе урынбасары, «Бердәм Россия» сәяси партиясенең Татарстан өлкә бүлеге Секретаре урынбасары Римма Атлас кызы Ратникова, районыбыз кураторы, Төзелеш һәм архитектура буенча Татарстан Республикасының дәүләт экспертизасы һәм бәя кую идарәсе дәүләт автоном учреждениесе башлыгы Мәҗит Хаҗип улы Салихов, Татарстан Республикасы Яшьләр эшләре һәм спорт министрының урынбасары Алмаз  Минвазыйх улы Миңгулов, «КазаньСтройКонсорциум»   төзелеш оешмасы  директоры Дамир Фәрит улы Сафин да катнашты. Мөхтәрәм кунаклар үзләренең ихлас теләкләрен ирештерделәр. Бассейн төзөлешендә актив катнашкан оешма коллективына "Рәхмәт хатлары" һәм истәлекле бүләкләр тапшырылды.

Ниһаять түземсезлек белән көткән кадерле минутлар якынлашты - Татарстан Президенты Рөстәм Миңнеханов бассейнны рәсми рәвештә  ачу һәм  символик ачкычны  тапшыру өчен Биектау районының Дәрбишләр бистәсендә  шушы ук сәгатьләрдә  тагын бер бассейнны ачу тантанасында  катнашкан мәлдә онлайн режимда турыдан-туры  элемтәгә чыгып, ТР Премьер-министры урынбасары,  Авыл хуҗалыгы һәм азык-төлек министры Марат Әхмәтовка  старт бирде. 

16 гыйнвар көнне балаларның яраткан шагыйрьләре, А. Алиш исемендәге Дәүләт бүләге лауреаты Хакимҗан ага Халиковның тууына 85 ел тулды. Шул уңайдан Балтач үзәк балалар китапханәсендә Балтач гимназиясенең 1 А сыйныфында белем алучы балалар өчен (җитәкчеләре Шарапова Г.М., Газимова Р.) әдипнең юбилее уңаеннан “Балалар дөньясын яңгыратып” дип аталган әдәби кичә узды. Кичә барышында кечкенә китап укучыларыбыз әдипнең тормышы һәм иҗат юлы, китапханәдә булган китаплары белән танышкач, аның иҗаты буенча төзелгән уеннарда катнашып, өйләренә укырга китаплар алып киттеләр.

Иртәгә – 26 гыйнвар көнне Балтачта “Дулкын”  бассейнын рәсми төстә ачу һәм кулланылышка тапшыру тантанасы була.  Әлеге  зур чарада Татарстан Республикасы Премьер-министры урынбасары,  Авыл хуҗалыгы һәм азык-төлек министры Марат Готыф улы Әхмәтов,  Татарстан Дәүләт Советы депутаты, Татарстан Дәүләт Советы рәисе урынбасары, «Бердәм Россия» сәяси партиясенең Татарстан өлкә бүлеге Секретаре урынбасары Римма Атлас кызы Ратникова, районыбыз кураторы, Төзелеш һәм архитектура буенча Татарстан Республикасының дәүләт экспертизасы һәм бәя кую идарәсе дәүләт автоном учреждениесе башлыгы Мәҗит Хаҗип улы Салихов, Татарстан Республикасы Яшьләр эшләре һәм спорт министрының урынбасары Алмаз  Минвазыйх улы Миңгулов, «КазаньСтройКонсорциум»   төзелеш оешмасы  директоры Дамир Фәрит улы Сафин катнашуы көтелә.