ЯҢАЛЫКЛАР

30 гыйнвар көнне Россия Федерациясе Дәүләт Думасы депутаты Бариев Марат Мансур улы «Бердәм Россия» сәяси партиясенең җәмәгатьчелекне кабул иту бүлмәсендә – (Балтач мәдәният үзәге, 1 этаж) җәмәгатьчелекне кабул итә. 

Кабул итү сәгать 11.00 дә башлана. Алдан язылу, белешмәләр өчен телефон: 2-52-38.​

24  гыйнвар көнне район мәдәният үзәгендә Балтач районы территориаль һәм участок сайлау комиссияләре вәкилләре өчен Татарстан Республикасы Үзәк сайлау комииссиясе тарафыннан оештырылган уку-семинар булды. Әлеге уку-семинар агымдагы елның 18 мартында узачачак Россия Федерациясе Президенты сайлауларына әзерлек уңаеннан оештырылды. Укуларны район Советы аппараты җитәкчесе Ирек Сабиров алып барды. Татарстан Республикасы Үзәк сайлау комииссиясе вәкилләре - Сквордяков Олег Васильевич һәм Каменькова Валентина Николаевна чыгыш ясап, сайлауларга әзерлекнең һәр этабы белән таныштырдылар. 
 

24 гыйнвар көнне Балтач үзәк балалар китапханәсендә француз язучысы Ш. Перроның тууына 390 еллыкка багышланган “В гости к сказкам Шарлль Перро» дип аталган әдәби кичә узды. Кичә барышында Балтач гимназиясенең 2А сыйныфы укучылары (җитәкчеләре Хакимова Г.К., Закирова А.К.) яраткан әдипләренең тормышы һәм иҗаты белән танышканнан соң, аның әсәрләре буенча төзелгән “Угадайка”, “Викторина”, “Бюро находок”, “Наборщик», «Перевертыши» дигән станцияләрдән торган уенда  көч сынаштылар һәм өйләренә укырга китаплар алып киттеләр.

“Өлкәннәр куркынычсызлыгын саклау” программасы нигезендә 2018 елның 15 гыйнварында “Наз” тернәкләндерү бүлекчәсендә инвалидлар hәм өлкәннәр Чепья авылында урнашкан янгыннан саклау бүлек командиры Перемечев Эдуард Николаевич белән очрашты.

Район хуҗалыкларында исәптә  5335 берәмлек тырма, 225 берәмлек чәчкеч, 291 берәмлек культиватор, 281 берәмлек каток һәм башка төр агрегатлар бар. Бүгенге көнгә авыл хуҗалыгы җәмгыятьләрендә район буенча тырма - 91 %; чәчкечләр - 61 %; культиваторлар - 84% һәм 51% катоклар  ремонтланды, куелган график буенча ремонт эшләрен алып баралар. Районның хужалыкларына чәчү, туфрак эшкәртү машиналарын һәм тракторларны агымдагы елның 1 апреленә хәтле, азык әзерләү комбайннарын - 10 майга кадәр, урып-җыю техникасын, икмәкне чистарту машиналарын, киптерү машиналарын 1 июльгә хәтле, ә чөгендер һәм бәрәңге алу машиналарын 1 августка кадәр  әзерләп бетерүне тәэмин итү бурычы куелган.​

8-17 гыйнвар аралыгында математика, физика, инглиз теле, химия фәннәре буенча авыл районнары арасында “Путь к Олимпу” Республика олимпиадасы булып узды. Бу төр олимпиадада районнан барлыгы 21 укучы катнашты, 7 призлы урын яуладылар.

22 гыйнвар көнне районның авыл хуҗалыгы һәм азык төлек идарәсе белгечләре, авыл хуҗалыгы предриятиеләре җитәкчеләре һәм баш инженерлары   «Сорнай» хуҗалыгы  базасында урнашкан машина-трактор паркына семинар-киңәшмәгә җыелды. Әлеге семинар 2017  елда “Сорнай” хуҗалыгында  авыл хуҗалыгы машиналары ремонтына нәтиҗә ясау һәм тәҗрибә уртаклашу максатыннан оештырылды. Биредә район авыл хуҗалыгы һәм азык-төлек идарәсе җитәкчесе Фирдәүс Нәбиуллин чыгыш ясап,  техникаларның торышына бәя бирде, запас частьлар белән тәэмин ителеш һәм ремонтка тотылган чыгымнар һәм хуҗалык кассасы файдасына булган экономиягә хакында җитди мисаллар китерде.

19 гыйнвар көнне Район  хәрби комиссар Васил Вәлиев,  район башкарма комитеты  җитәкчесе урынбасары Илһам Гайнетдинов, Балтач шәһәр  җирлеге башкарма комитеты  җитәкчесе Илдар Габдрахманов былтыр көзге чакырылышта китеп, бүгенге көндә Киров өлкәсенең Мирный бистәсендә хезмәт итүче 24 райондашыбыз белән күрешеп, аларның хәлләрен  белеп кайтты.

Мәгълүм булганча, быел 2018 елның 9 февралендә сүнмәс-сүрелмәс иҗаты белән татар, алай гына да түгел, башка милләт вәкилләренең тормышында үз булган шәхесебез Фәнис абый Яруллинның тууының 80 еллыгын билгеләп үтәбез. Шул уңайдан, 21 гыйнвар көнне Көек авылы китапханәсендә "Ак төнбоектай-ак язмыш!" исеме астында нәни дусларыбыз белән кычкырып уку алымын кулланып чара үткәрдек. Фәнис Яруллинның тормыш юлы да җиңел булмый, шулай да, сынмас рухы, үзе артыннан бик матур иҗат мирасы калдыра. Балалар өчен хикәяләр, шигырьләр, шулай ук зурлар өчен драма әсәрләре, җырлар авторы икәнен дә беләбез аның. Әлбәттә, әлеге олуг шәхесебезнең күпкырлы иҗатын биредә язып кына бетерп булмый. Ә чарага килгән балаларым бик кызыксынып язучының китапларыннан күргәзмәләр белән танышты, шигырьләрен укып фикерләштек, хикәяләре аша тәрбияви белем алдык. Чараны Фәнис Яруллинның шигыреннән өзек белән тәмамладык:

"Кешегә карап,

Кеше була бел-

Олы җанлының

Ише була бел!"

Әлеге юлларны тормышта зур мәгънәви девиз итеп алсак, адәм балалары бер-берсен хөрмәт итеп, аңлашып, бердәм булып яшәсәләр, киләчәкләре дә якты, туры юлдан барыр иде. Ә киләчәк, әлбәттә, нәниләребездә башлана. Алда әйтеп үткәнемчә, Фәнис абый Яруллин иҗаты, чиксез тәрбия алымы белән сугарылган зур көчкә ия шәхес. Әлеге чарабызда шәхесебезне олылау белән сугарылды.

20 нче гыйнвар көнне Көек авылы китапханәсендә "Толстой эзеннән!.." дип исемләнгән урта сыйныф укучылары белән әңгәмә үткәрдек! 2018 ел-Татарстанда мәшһүр рус язучысы Л.Н.Толстой елы буларак игълан ителде. Шул уңайдан, мәктәп укучылары белән үз алдыбызга: "Татарстан-татарлар башкаласы белән рус язучысын нәрсә бәйли?" дигән төп сорауны куеп бергә фикерләштек. Мин, китапханәче буларак, Толстой эзеннән үтеп, күптөрле кызыклы мәгълүматларны укучыларга җиткерә алдым. Л.Н.Толстой гына түгел, әтисенең бабасы да Казанда фәнни документ язганлыгы билгеле, шулай ук язучының әтисе дә һәрдаим биредә еш булуы мәгълүм булды. Алга таба да Толстой эзеннән баруыбызны дәвам итәрбез.