ЯҢАЛЫКЛАР
Инвалидлар декадасы халыкның игътибарын эшкә сәләтлелеген югалткан затларның проблемаларына юнәлтү, аларның хокукларын, ирекләрен һәм абруен яклау, иҗтимагый тормышта катнашу мөмкинлеге максаты белән үткәрелә. Ярдәм, җылы сүз беркем өчен дә артык түгел, ә инвалидлар, бигрәк тә безнең кайгыртуга мохтаҗ.
Урта Көшкәт авылында яшәүче инвалид Николаева Ольга Николаевнаның өенә килеп, хәлләрен белешү булуы матур традициягә әйләнде. 8 декабрь көнне авыл клубы коллективы аның өчен «Күңелдә ут кабызып» дигән кечкенә концерт әзерләде. Бу кичтә аңа дәртле биюләр, җырлар, гармун көйләре һәм иң җылы теләкләр бүләк ителде.
8 декабрь көнне Ор авыл клубында инвалидлар декадасы уңаеннан мәктәп балалары өчен "Шәфкатьлелек бизи кешене" дип исемләнгән чара уткәрелде.
Солдат хезмәте вакытында Омск шәһәрендә казарма ишелеп, хәрабәләр астында калып, инвалид булган Рөстәм Нәбиевның тормышы турында видеоролик курсәтелде.
Чара ахырында балаларның фикерләре тыңланды.
9 декабрь - Ватан геройларын искә алу көне уңаеннан Чапшар авыл клубында балалар белән "Ватаным геройлары - һәрчак исемдә" дигән кичә үткәрделде. Бөек Җиңүнең 75 еллыгын каршылауга ясалган альбомны карап, Чапшар җирлегендә яшәгән геройлар белән таныштылар. Бабайларның яу кырында чын батырларча сугышып, күкрәкләренә таккан “Кызыл Йолдыз”, Икенче һәм Өченче дәрәҗә “Сугышчан Дан”, “Бөек Ватан сугышы” орденнары, «Батырлык өчен» һ.б. күп медальләр моның ныклы дәлиле икәнен күреп, балаларда горурлык хисләре уянды.
8 декабрь көнне Кили мәдәният йортында инвалидлар декадасы уңаеннан "Йөрәктән - йөрәккә" дип исемләнгән кичә уздырылды. Кичәгә чакырылган кунаклар үзешчәннәр көче белән әзерләнгән концерт карады, төрле конкурсларда катнашты. Кунакларны хөрмәтләп авыл җирлеге башлыгы Радик Наил улы Шәрипҗанов та килде. Бәйрәм иганәчеләр ярдәме белән әзерләнгән чәй өстәле артында дәвам итте.
7 декабрь көнне Салавыч мәдәният йортында Салавыч мәктәбенең йөз еллыгына багышланган кичә уткәрелде. Мәктәпне тәмамлаган укучылар, эшләп чыккан укытучылар, килгән кунаклар башта фойеда мәктәпнең тарихын чагылдырган стендлар, фотолар карады. Тарихи кичә җыр, биюләр белән үрелеп барды. Килгән кунаклар теләкләрен әйтеп, истәлекле буләкләр тапшырдылар.
8 декабрь конне Сәрдек авыл клубында Инвалидлар декадасы уңаеннан Рафис Йосыпов язган хикәяләр җыентыгын тәкъдим итү кичәсе булды. Кичәгә Пыжмара авыл җирлегеннән, шулай ук, Пыжмара урта мәктәбе коллективыннан кунаклар килгән иде. Җыентыкка тупланган әсәрләрне укыганда, куңелләр сыкранды да, сокланды да. Пыжмара урта мәктәбе директоры Ахатов Раниф, завуч Бариева Миләушә, авыл җирлеге исеменнән Тәбрисова Алсу бик жылы теләкләр җиткерделәр. Җыентыкның артына һәркем үзенең теләкләрен язды.
Инвалидлар декадасы кысаларында 1-10 декабрь көннәрендә Балтачның «Наз» халыкка социаль хезмәт күрсәтү үзәгендә карамакта булган инвалидлар арасында «Безнең куллар җылысы» дип исемләнгән район конкурсы оештырылды.
2019 елның 10 декабрендә Көшкәтбаш авылында «Мобиль бригада»дип исемләнгән чара оештырылды.
Бүген Татарстан Республикасы Авыл хуҗалыгы һәм азык-төлек министрлыгында терлекчелек тармагының 2019 елдагы 11 айлык эшенә йомгаклар ясадылар. Киңәшмәне Татарстан Республикасы авыл хуҗалыгы һәм азык-төлек министры урынбасары Ленар Гарипов үткәрде.
2019 елның 9 декабрендә Балтачның «Форпост» үзәге «Кар десанты РСО» бөтенроссия патриотик акциясе кысаларында активист студентлар отряды белән берлектә «Без коррупциягә каршы!» айлыгы уңаеннан «Яшьләр коррупциягә каршы» темасына Кече Лызи урта мәктәбе укучылары белән әңгәмә, видеоролик карау һәм фикер алышу үткәрде.
Бу чарада Балтачның «Форпост» үзәге директоры Ф. Ш.Гыйлемҗанов, Кече Лызи урта мәктәбе директоры Э. Н. Гарипов, Кече Лызи урта мәктәбенең тәрбия эшләре буенча директор урынбасары А. Ш. Минһаҗева, «Форпост» хезмәткәрләре, активист студентлар отряды һәм 31 кешедән торган укучылар катнашты.
Чараның максаты: укучылар тарафыннан коррупция, аның барлыкка килү сәбәпләре, үсешенә ярдәм итүче факторлар, хокукый белемнәрне пропагандалау, мөстәкыйль җаваплы карар кабул итү күнекмәләрен формалаштыру кебек күренешләрнең теоретик дәрәҗәсен тирәнәйтү.