ЯҢАЛЫКЛАР
15 гыйнвар көнне Шубан авыл мәдәният йортында өлкәннәр белән ТАССР төзелүнең 100 еллыгына багышланган "Без дә яшь идек" дип исемләнгән тематик кичә оештырылды.
14 гыйнвар көнне Борнак мәдәният йортында "Хуш киләсен, Яңа ел" дип исемләнгән, җыр-биюле кичә булып узды. Уеннарда яшьләр үзләренең актив булуларын күрсәттеләр һәм көчләрен сынадылар. Кичә бик күңелле узды. Соңыннан яшьләргә дискотека үткәрелде.
14 гыйнварда Россия Федерациясе авыл хуҗалыгы министрының беренче урынбасары Джамбулат Хатуов төбәк аграр ведомстволары җитәкчеләре, тармак берлекләре һәм фәнни бергәлек җитәкчеләре белән селектор киңәшмәсе уздырды, ул язгы кыр эшләренә әзерләнү һәм үзебезнең чәчүлек материалын куллану мәсьәләләренә багышланган иде. Чарада Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашты.
Начар метеорологик күренешләр: кар, юеш кар һәм яңгыр рәвешендә явым-төшемнәр, боз яңгыры яуган урыннар, кыска вакытлы буран, көньяк-көнбатыштан көчле җил 15-20 м/с, аерым районнарда бозлавык, томан көтелә. Юлларда урыны белән көчле бозлавык.
2019 елда Татарстан Республикасы Авыл хуҗалыгы һәм азык-төлек министрлыгы «Кече һәм урта эшкуарлык һәм шәхси эшкуарлык инициативасына ярдәм итү» илкүләм проектын гамәлгә ашыруга кереште, биредә төп ставка кооперацияне үстерүгә ясала.
14 гыйнвар көнне Үзәк китапханә каршында эшләп килүче "Караш" начар яки бөтенләй күрмәүчеләр клубының китапханәчеләр катнашында чираттагы утырышы булып узды.
17 гыйнварда Татарстан Республикасы Дәүләт Советы депутаты Нугаев Камил Әсгат улы гражданнарны шәхси кабул итәчәк.
14 гыйнвар көнне Каенсар авылы МТФында һәм Субаш мәдәният йортында Тукай исемендәге ҖЧҖ хуҗалыгы базасында 2019 елда терлекчелек эш нәтиҗәләре буенча семинар-киңәшмә узды. Киңәшмәдә Балтач район башлыгы Нутфуллин Р.Р., Балтач районы авыл хуҗалыгы һәм азык-төлек идарәсе башлыгы Нәбиуллин Ф.Р., авыл хуҗалыгы һәм азык-төлек идарәсенең җитештерү - маркетинг бүлеге консультанты Низамиева Р.Р. катнашты. Шулай ук Балтач муниципаль районының авыл хуҗалыгы оешмалары җитәкчеләре чакырылган иде.
Татарстан Республикасы Авыл хуҗалыгы һәм азык-төлек министрлыгы хәбәр итүенчә, 2020 елда Россия авыл яшьләре берлеге яшь активистлар үз инициативалары белән авылларны үстерү өчен шөгыльләнәчәк проект офисын - гражданнар активлыгына ярдәм итү һәм аны үстерүнең тотрыклы инфраструктурасын төзергә сәләтле командаларны ачыклау буенча конкурс уздыра. Конкурста җиңүчеләргә эшчәнлек өчен методик һәм оештыру ярдәме, консультация ярдәме һәм административ ярдәм күрсәтеләчәк, аларга өстәмә белем алу һәм квалификация күтәрү мөмкинлеге биреләчәк.
Идел алды һәм Көнбатыш Кама алды буенча (шул исәптән Балтач районы буенча) 2020 елның 14 гыйнвар 18 сәгатьтән 2020 елның 15 гыйнвар 18 сәгатькә кадәр:
Аязучан болытлы һава. Бераз кар. Җил көнбатыштан, көньяк-көнбатыштан 6-11 м/с, көндез урыны белән җилнең тизлеге 14 м/с. Төнлә минималь һава температурасы -2...-5˚, көндез максималь һава температурасы 0...-2˚. Юлларда бозлавык.