ЯҢАЛЫКЛАР

"Көзге мәрхәмәтлелек атнасы - изге эшләр эстафетасы" кысаларында, Балтач мәдәнят үзәге,  Гарипова Г. Г. җитәкчелегендәге барабанчылар отряды, Марьям Сафина белән очрашу оештырдылар. Аны истәлек буләк - йомшак уенчык белән сөендерделәр. 

Сары яфраклары белән бар дөньяны сары төскә манып көз килгәндә хәйрия атналыгы уңаеннан Норма мәдәният йорты директоры Шарипова Зилә һәм китапханә мөдире Шайхетдинова Лилия Норма авылының мөмкинлекләре чикле булган сәхнә ветераны һәм китапханәнен иң актив укучысы Мәгефүрә Миннемуллинада кунакта.

"Мәрхәмәтлелек атнасы " акциясе кысаларында 12 сентябрь көнне Ор клубы эшчеләре һәйкәл янында корыган агачлар урынына яңаларын утырттылар һәм һәйкәл территориясен чүп үләннәрдән чистарттылар.

Көзге рәхимлелек атналыгының рәхимлелек визиты көне уңаеннан Түнтәр мәдәният йорты хезмәткәрләре узе генэ яшәүче сугыш ветераны кызы - балачактан инвалид Разия Шәяхметовада кунакта булдылар.

12 сентябрь көнне Әтнә авылы клубында эшләп килүче бию коллективы Мәрхәмәтлелек акция кысасында олы яшьтәге тыл ветераны Закирова Оркыя апаның өенә барып концерт номерлары күрсәтеп чәчәк бәйләмен тапшырдык. Аңа изге теләкләребезне җиткердек. Оркыя апа 1926 елны Әтнә авылында туган. 1941 елны дурт абыйсы сугышка китеп дүртесе дә һәлак булалар. Сугыш елларында Оркыя апа кечкенәдән ат белән җир сөргән, тубал белән басуга ашлык чәчкән,урман кисүдә эшләгән.Сугыштан соң тракторда, комбайнда эшләгән. Хәзерге көндә Оркыя апа урын өстендә генә ята.

Ирекле акция кысаларында уза торган чараларның берсе- “Мәрхәмәтлелеккә юл” Куныр мәдәният йорты хезмәткәрләре һәм балалар физик мөмкинлекләре чикләнгән Гафиуллинар гаиләсендә.

"Яхшылык кылу" атналыгы кысаларында, Борбаш Cәрдегәне авылы хезмәткәрләре, инвалид улы белән гомер итүче  Сибгатуллина Гөлфирә гаиләсендә булдылар. Әлеге гаиләгә социаль ярдәм курсәтелде. 

Чапшар авыл клубы мөдире Валиева Гүзәлия һәм Кили авыл китаханәсе мөдире Маннанова Миләүшә авыл балалары белән берлектә 12-сентябрь Мәрхәмәтлелек атнасы акциясе уңаеннан "Чишмәләрне саклыйк! Алар-табигатьнең күзе!" дип исемләнгән девиз астында авылыбыз уртасында челтерәп агып ятучы чишмә янын чүп-чардан арындырып, чишмә алдына җимеш куаклары һәм күпьеллык чәчәкләр утырттылар

Мәрхәмәтлелек көне уңаеннан, 11 сентябрь көнне, без - Янгул мәдәният йорты хезмәткәрләре авылыбызның алтын куллы кешесе, 1 төркем инвалид Габделхаков Ришат абый янында кунакта булдык.

Смаиль авылы мәдәният йорты хезмәткәрләре яхшылык атнасы акциясе кысаларында спорт уеннары белән бәйләнешле чаралар оештырды.