ЯҢАЛЫКЛАР
Узып киткән 2016нчы елгы кыр эшләре нәтиҗәләре буенча районыбызда гына түгел, ә республика күләмендә ирешкән уңышларыбыз бар. Республикабыз күләмендә фидакарь хезмәт нәтиҗәсе нигезендә Балтач районы өченче урынны яулады. Шушы бөек хезмәт җиңүе уңаеннан, авыл хуҗалыгы хезмәтчәннәренә, бигрәк тә игенче-механизаторлар хезмәтенә хөрмәт буларак, ел да традицион рәвештә район җитәкчелеге тарафыннан алдынгылар слеты үткәрелеп килә.
Балтач гимназиянең 6 нчы сыйныф әти-әниләре өчен “ПАВ профилактикасы” дигән темага җыелыш үткәрелде. Монда яшүсмерләр белән эшләүче инспекторлар Ләйсән Фролова һәм Ләйлә Низамиева чакырылган иде. Алар бүгенге көндә укучылар эшләгән төрле җинаятьләрне мисалга китереп, балаларны һәрдаим күзәтергә һәм бергәләп кызыклы, файдалы эшләр белән шөгыльләнергә кирәклеген аңлаттылар. Гаиләдәге тынычлыкны саклау турында да эчтәлекле фикерләр яңгырады. Җыелышка килгән һәр әти-әни үзенә кирәкле мәгълүмат алды.
4нче февральдән 7нче февральгә кадәр Казан федераль университетының юридик факультетында мәктәп укучылары өчен җәмгыять белеме фәненнән “Экзамен-Плюс” дигән кышкы профильле мәктәп оештырылачак. Әлеге укуларның үзенчәлеге шунда –имтихан биремнәренә кертелгән “Хокук” фәне блогы темаларын бары 4 көн эчендә үзләштерергә мөмкин.
Тулырак мәгълүмат һәм регистрация үрнәге Казан федераль университетының юридик факультеты сайтында урнаштырылган.
1 февраль - чәршәмбе көнне "Сабантуй" пакында уза торган "Төнге чаңгы юллары"нда ярышырга районыбызның авыл җирлекләреннән һәм Балтач бистәсеннән әлеге спорт төренә гашыйк булган гаиләләр чакырыла. Гаилә командасы составын әти, әни һәм 14 яше тулган бер бала тәшкил итә.
Ярыш барышы эстафетаны хәтерләтә. Команданың һәр катнашучысы бер чакрым араны шуып килеп, эстафетаны тапшырырга тиеш була.
27 январь көнне үзәк китапханәдә район китапханәчеләре семинары булып узды. Семинар барышында узган елда башкарылган эшләргә йомгак ясалды, 2017 эш елына алда торган бурычлар ачыкланды. 2016 елда бәйгеләрдә җиңү яулаган китапханәчеләргә Мактау кәгазьләре
тапшырылды.
Семинарның практик өлеше, китапны пропагандалауның яңа формасы, буктрейлерга багышланды. Бу темага өстәмә белем бирү институтында белем күтәрү курсларында укып кайткан Шешеңәр авыл китапханәчесе З.Галиева чыгыш ясады.
6-8 сыйныф укучы кызлары белән Субаш җирлегендә урнашкан ФАП медицина хезмәткәрләренең очрашуы булып узды. Укучы кызларга шәхси гигиена кагыйдәләрен үтәү-сәламәтлекнең нигезе икәнен аңлату, шәхси гигиена предметларының нинди икәнен, аларны ничек кулланырга икәнлеге әйтелеп китте.
Сандугач, сандугач!..
Син китсәң , мин калам,
Дусларыма җырлар өчен,
Җырыңны отып алам.
Татарстан халык ансамбле җитәкчесе, җырчы, уен коралларында яратып уйнаучы , искеткеч күренекле композиторыбыз - Шигапов Солтан Фидаис улы Субаш мәктәбендәдә кунакта булып китте. Ул төрле халыкларның уен коралларында уйнап балаларны таң калдырды.Укучылар шушы уен коралларында үзләрен дә сынап карадылар.
Очрашу барышында катнашучыларга гамәлдәге законнар буенча аңлатма бирелде һәм конкрет мисалларда конфликтлы ситуацияләрне хәл итү тәртибе аңлатылды.
Субаш мәктәбендә 26 нчы гыйнварь көнне география һәм биология фәннәреннән ачык дәресләрне 5,9 сыйныф укучылары белән Фаязов Ленар Әхмәт улы, Галиева Гөлчәчәк Рифкат кызы күрсәтте. Дәрес барышында укучыларның дәрескә кызыксынулы булулары күзләреннән, бирелгән сорауларга җавап бирүдән күренеп тора иде. Остазлар укучыларга күренекле шәхесләрнең тәҗрибәләрен тирәнтен аңлаттылар һәм лаборатор эш ярдәмендә белемнәрен тикшерделәр. Афәрин!
31 гыйнвар көнне район мәдәният үзәгендә "Икмәк белән арта ил яме" дип исемләнгән алдынгылар слеты үткәрелә. 2016нчы елгы кыр эшләре нәтиҗәләре буенча районыбызда гына түгел, ә республика күләмендә ирешкән уңышларыбыз бар. Авыл хуҗалыгы хезмәтчәннәренә, бигрәк тә игенче-механизаторлар хезмәтенә хөрмәт буларак, ел да традицион рәвештә район җитәкчелеге тарафыннан алдынгылар слеты үткәрелеп килә. Әлеге чарага алдынгы хезмәт күрсәткеченә ирешкән хезмәткәрләрне олыларга ТР Авыл хуҗалыгы һәм азык-төлек министрлыгы вәкилләре дә кайту көтелә.
Алдынгылар слеты сәгать13.00дә башлана.