ЯҢАЛЫКЛАР
Балтачның "Форпост" үзәге директоры Смәел мәктәбендә белем алучы укучылар һәм мәктәпнең "форпост" оешмасы активистлары белән "Балигъ булмаган балалар арасында сәламәт яшәү рәвешен пропагандалау, хокук бозуларны профилактикалау һәм булдырмый калу" темасына әңгәмә үтте. Әлеге чара "Халыкара балаларның ышаныч телефоны көне" уңаеннан оештырылды.
Бу әңгәмә бала хокуклары турында кызыклы мәгълүматлар бирелде. "Халыкара балаларның ышаныч телефоны көне" нинди көн булуы аңлатылды. Чарада барлыгы 45 кеше катнашты.
7 май көнне Улисьял авылы халкы да Бөек Җиңүнең 73 еллыгына багышланган митингка чыкты. Һәйкәл янына җыелган мәктәп коллективы һәм авыл халык яу крырында башын салган ул-кызларын искә алды, Җиңү яулап кайткан батырларны олылады.
Хөрмәтле Бөек Ватан сугышы һәм тыл ветераннары! Хөрмәтле Балтачлылар һәм балтачыбыз кунаклары!
9 Май - һәркем өчен зур бәйрәм, олы тантана, халкыбызның тиңдәшсез батырлыгы, үзен аямыйча хезмәт куюы, сабырлыгы һәм искиткеч ихтыяр көче, бихисап корбаннар барәбәренә яуланган Бөек Жиңү көне. Район Советы, башкарма комитеты һәм шәхсән үз исемемнән чын мәгънәсендә бөтен халык бәйрәме, Бөек җиңүнең 73 еллыгы белән кайнар котлыйм. Һәркайсыгызга бәхет, нык сәламәтлек, озын гомер, иминлек телим.
2017 елнын 8 май көнендә Халыкка социаль хезмәт күрсәтү үзәге белгече белән берлектә ДЦ “Волонтер” активистлары “Георгий тасмасы” дип исемләнгән акция үткәрделәр.
Агымдагы елның Бөек Җиңү көне уңаеннан - 7 май көнне районның ГХАТ (ЗАГС) бүлеге хезмәткәрләре Чепьяда урнашкан “Халыклар дуслыгы” музеенда 14 яше тулган укучыларга паспорт тапшыру тантанасы оештырдылар.
7 май көнне Чепья авылында Бөек Җиңүнең 73 еллыгына багышланган митинг узды. Әлеге тантаналаы чарада Бөек Ватан сугышы ветераны, бүгенге көндә дә хезмәттә булган "Халыклар дуслыгы" музее директоры Гарифҗан Галиевич Галиев катнашты.
26 апрельдән алып 6 майга кадәр, Волгоград шәһәрендә мөмкинлекләре чикле спортчылар арасында узган Россия Федерациясе шашка чемпионатында катнашып, 11 көн дәвамында барган кискен ярышларда кабаттан үз осталыгын күрсәтеп, райондашыбыз, Кариле авылы кызы - Чулпан Габделганиева зур җиңүгә иреште. Ул I дәрәҗә Диплом һәм алтын медаль белән бүләкләнеп, Чемпион булып кайтты. Шулай ук тренеры Фагыйль абый Гайнетдинов та Дипломга лаек булды.
Сасна авыл җирлеге хезмәткәрләре мәдәният хезмәткәрләре белән берлектә өмәгә чыктылар
Быел Бөек Җиңүнең 73еллыгына багышлап Россиянең һәрбер шәһәрендә һәм шулай ук республикабызның барлык районнарында “Үлемсез полк” акциясе узачак.
«Үлемсез полк» акциясе – 9 май көнне үтә торган Җиңү парадына күркәм төс өстәүче традицияләренең берсенә әверелде. Бу көнне халык тезелеп сугышта катнашкан, яу кырында ятып калган туганнарының истәлекле фотосурәтләре белән урамга чыга.
“Бердәм Россия” партиясенең “Тарихи хәтер” проекты кысаларында сугыш чоры материалларын туплау эше бүген дә дәвам итә. Районыбызда да бу игелекле гамәлгә кушылучылар бар. Бөек Җиңүгә үз өлешләрен керткән батыр йөрәкле якташларыбызны, хәбәрсез югалганнарны, яу кырында ятып калганнарны без белергә тиеш.
Акциядә теләге булган һәркем катнаша ала. Моның өчен А3 форматында фотография белән транспарант әзерләргә кирәк. Фотография астына солдатның исем фамилиясен язу киңәш ителә.
11 май көнне иртәнге 9.00 сәгатьтән кичке 17.00 сәгатькә кадәр республика күләмендә Татарстан Республикасында бала хокуклары буенча вәкаләтле вәкил тарафыннан, укучыларның сәламәтлеген саклау һәм ныгыту буенча системалы рәвештә эш алып бару, хокук бозуларны кисәтү максатыннан, балаларның җәйге ялын оештыру һәм сәламәтлекләрен ныгыту, аларның хокукларын яклау буенча гражданнарга консультатив ярдәм күрсәтү өчен "кайнар линия" оештырыла.
"Кайнар линия" телефоннары: 8(843) 236-61-24, 236-61-26 236-61-49.