28 июльдә Република территориясендә 17-22 м/с тизлектәге җил һәм яшенле яңгыр булуы көтелә.

28 июльдән 7 августка кадәр янгын чыгу куркынычы саклана (4 класс).

27 июль көнне Балтач үзәк зурлар китапханәсе хезмәткәрләре “Романтик” балаларның  җәйге сәламәтләндерү лагерында ял итүче балаларга  “Җир – уртак йортыбыз”  темасына күп белүчеләр турнирын оештырдылар.

26 июль көнне Өченче чакырылыш Балтач  район Советының ​егерме дүртенче утырышы булды. Утырышны   Балтач   муниципаль район башлыгы,    район    Советы рәисе Нотфуллин Рамил Рәшит улы алып барды.

Әлеге утырыш күңелле мизгелләрдән башланды. Күпьеллык намуслы хезмәте, җирле үзидарә органнары эшчәнлеген арттыруга лаеклы өлеш кертүе өчен Смәел  авыл җирлеге башлыгы Рифнур Гайнан улы Йосыпов “Татарстан Республикасы муниципаль берәмлекләре Советы”ның  Мактау грамотасы белән һәм шулай ук 55-яшьлек юбилее уңаеннан Балтач муниципаль район башлыгының Рәхмәт хаты белән дә бүләкләнде.

Ә Балтач муниципаль район башлыгы урынбасары Наил Нургаяз улы Сабирҗановка җирле үзидарәне үстерүгә керткән нәтиҗәле хезмәте өчен  "Татарстан Республикасы муниципаль берәмлекләре Советы”ның  Мактау грамотасы тапшырылды.

   Арбор авылында гомер итүче Идрисова Нәсимә Хәсән кызына 26 июль көнне 90 яшь тулды.

Интеллектуаль уеннар халык арасында бик популярлашып китте.  Ул чаралар үткәргәндә  мәктәпләрдә,  оешмаларда, төрле яшьтәге кешеләр арасында  яратып уйнала. Аны бигрәк тә яшьләр үз итә. Шулуңайдан яшьләрне берләштерү, дустанә мөнәсәбәтләр урнаштыру максатыннан,  24 июль кичендә "Хыял" яшьләр үзәге хезмәткәрләре бистә үзәгендәге "Балтач" ял паркында яшьләр белән "Логика кайда?" дигән мавыктыргыч  интеллектуаль уен оештырды.  

Татарстан районнарында Россия юристлары Ассоциациясенең Татарстан төбәк бүлегенең халыкка бушлай юридик ярдәм күрсәтү үзәкләре  эшләп килә. 

Су буенда ял итәргә, су чәчрәтеп уйнарга яратучылар да күп, судан зыян күрүчеләр дә аз түгел. Еш кына иң мөһим нәрсәне оныталар: йөзә белмәсәң, суга кермә, керсәң дә тирәнгә кермә.

Кускем авылында гомер итүче Зоя Семеновна Колесниковага бүген  90 яшь тулды.    Балтач муниципаль район башкарма комитеты җитәкчесе Рамил Шакиров, район социаль яклау бүлеге җитәкчесе Алсу Гатиятуллина, Балтач һәм Арча районнарының почта элемтәсе җитәкчесе Гали Фәйзрахманов, Куныр авыл җирлеге башлыгы Зиннур Әсхадуллин юбилярны котлап, изге теләкләрен җиткерделәр. Рәссия Президенты Владимир Путинның Котлау открыткасын, Балтач муниципаль район башлыгы һәм авыл җирлеге исеменнән бүләк-күчтәнәчләр тапшырдылар.

Аязучан-болытлы һава.

Җил көньяк-көнчыгыштан 4-9 м/с.

Төнге минималь температура +14..+18º,

көндез максималь температура +30..+33º.

1-5 август көннәрендә Казан шәһәрендә VIII Бөтендөнья татар яшьләре форумы узачак. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле каралачак.

Әлеге чарада 30 чит илдән, 60 Россия төбәгеннән һәм Татарстан районнарыннан барлыгы 1000 делегат катнашуы көтелә. Форум программасы эчендә эшлекле очрашулар (пленар утырыш, дискуссион мәйданчыклар, проект сессияләрен уздыру көтелә), төрледән-төрле мәдәни-мәгълүмати һәм өйрәнү сәяхәтләре, шулай ук Казанның татар тарихы белән бәйле урыннарына бару, Арчада шәһәр көнендә һәм “Печән базары” фестивалендә катнашу күз алдында тотыла.