ЯҢАЛЫКЛАР
27 февраль көнне Алан авылы клубында 1-4 сыйныф укучылары катнашында "Минем булачак профессиям" исемле рәсем бәйгесе уздырылды. Чара башында укучыларга күп төрле профессияләр турында сөйләнде, үзләренең әти-әниләре нинди профессия кешеләре һәм киләчәктә бала кем булырга тели, шул турыда әңгәмә оештырылды. Чараның икенче өлешендә балалар үзләренең булачак һөнәрләре турында рәсем ясадылар. Һәрбер балага буләк тапшырылды.
8 март-Халыкара хатын-кызлар көне уңаеннан Балтач Үзәк китапханә хезмәткәрләре тарафыннан Балтач бистәсе урамында оештырылган «Бар дөнья яме – Сездә!» исемле әдәби бульвар чарасында районыбыз ир-егетләре гүзәл затларга багышлап китаптан шигырьләр укыдылар.
Начар метеорологик күренешләр: 4 март кичендә, төнлә һәм иртән 5 мартта Татарстан Республикасы территориясендә һәм Казан шәһәрендә урыны белән томан.
Татарстан Республикасы Авыл хуҗалыгы һәм азык-төлек министрлыгы «Кече һәм урта эшкуарлык һәм эшкуарлык инициативасына ярдәм итү» Илкүләм проекты кысаларында «Агростартап» программасы буенча «Фермерларга ярдәм итү системасын булдыру һәм авыл кооперациясен үстерү» төбәк проектын гамәлгә ашыру кысаларында кече хуҗалыкларның авыл хуҗалыгы җитештерүе эшчәнлеген үстерү, авыл хуҗалыгы өлкәсенә кече һәм урта кече эшкуарлык субъектларын җәлеп итү, авылда эш белән тәэмин итүне арттыру буенча грант бирү өчен крестьян (фермер) хуҗалыкларын һәм шәхси ярдәмче хуҗалыкларны сайлап алу конкурсы башлану турында игълан итә.
Россия Федерациясе Авыл хуҗалыгы министрлыгы һәм «Россельхозбанк» АҖ авыл территорияләрендә бирелгән ипотека кредитлары буенча алынып бетмәгән керемнәрне каплауга субсидияләр бирү турында килешү төзелде. Россельхозбанкка агымдагы елдагы чыгымнарны компенсацияләүгә бирелә торган субсидияләр күләме 789 млн сум тәшкил итәчәк.
Өлкәннәр арасында узешчән сәнгать осталарын ачыклау, аларның талантларын камилләштеру максатыннан Татарстан Республикасы ветераннары арасында оештырылучы «Балкыш» фестиваленең районкуләм туры булып узды.
3 март көнне Балтач гимназиясе базасында мәктәп укучылары арасында «Балтач кызы, Балтач егете» район конкурсы узды. Балтач кызлары һәм егетләре мәртәбәле жюри каршында имтихан тотты.
Татарстан Республикасы буенча Росреестр идарәсе гражданнарны һәм күчемсез милек базарының профессиональ катнашучыларын кабул итү графигына үзгәрешләр кертә. Хәзер Казанда күчемсез милек объектларын кадастр исәбенә кую сораулары буенча консультацияләр Авангард урамы, 74 нче йорт адресы буенча урнашкан 7 нче подъездда һәр чәршәмбе 8.00 дән 12.00 гә кадәр үткәрелә. Шул ук көнне мөрәҗәгать итүчеләр күчемсез милек объектларының үзгәрешләрен исәпкә алу, кадастр исәбеннән төшерү, ызанлау планнарын йөкләгәндә адресларны һәм хаталарны үзгәртү мәсьәләләре буенча консультацияләр бирә алалар.
28 февраль көнне 1 нче номерлы балалар бакчасында искиткеч матур шахмат-шашка турниры үтте. Бакчага йөрүче 19 бала уеннарда катнашты. Балаларның ярышларга әзерләнеп килгәннәре уеннарыннан ук күренеп тора, бакчада әлеге спорт төренә зур игьтибар бирелүе сизелә. Тәрбияче апалары ярышлардан чын бәйрәм ясадылар, хәтта шахмат фигуралары киемнәре ук кигәннәр иде.
Идел алды һәм Көнбатыш Кама алды буенча (шул исәптән Балтач районы буенча) 2020 елның 3 март 18 сәгатьтән 2020 елның 4 март 18 сәгатькә кадәр:
Аязучан болытлы һава. Төнлә урыны белән кар, иртән-көндез юеш кар һәм яңгыр рәвешендә явым-төшемнәр. Җил көньяк-көнбатыштан 4-9 м/с, төнлә урыны белән җилнең тизлеге 13 м/с кадәр. Төнлә минималь һава температурасы -2..-4˚, көндез максималь һава температурасы +2..4˚. Юлларда бозлавык.