"Өченче буын"спартакиадасы

2025 елның 8 октябре, чәршәмбе

Балтач районында Өлкәннәр декадасы 10 октябрьга кадәр дәвам итә.

Әлеге уңайдан ел саен бистәбездә һәм районыбызның һәр авыл җирлекләрендә чаралар, тематик кичәләр оештырыла. Өлкәннәребез мәдәният учаклары, клуб-китапхәнәләр, белем бирү йортларының да даими кунаклары, аларны төрле чараларга чакырып, бай тормыш тәҗрибәләре белән уртаклашу – хәзерге яшьләр һәм үсеп килүче буын өчен бик файдалы.

Бүген исә өлкән буын үзләрен спортта сынап карадылар. Балтач универсаль спорт залында "Өченче буын" сапртакиадасы узды. Өлкән буын белән Татарстан Республикасы Рәисенең Кадрлар резервында торучы белгечләрдә очрашты. Алар өлкән буынга ихлас теләкләрен һәм хөрмәт сүзләрен җиткерделәр.