Балтач гимназиясендә өлкәннәр көненә укучылар би - бабайларга үз куллары белән ясалган күзлек чехоллары бүләк иттеләр

Өлкәннәр көне якынлашып килгән чакта, 24 сентябрь көнне Балтач гимназиясендә Балтач Үзәк балалар китапханәсе каршында эшләп килүче “Салават күпере”  клубының чираттагы мастер-классы үтте. “Чын күңелдән” дип аталган мастер-класста 3-И сыйныфы укучылары катнашты. Иң элек катнашучыларга өлкәннәргә багышланган шигырьләр укылды, аннары балалар яраткан әби-бабайларына бүләккә күзлек савыты ясап, бизәделәр.