ЯҢАЛЫКЛАР
Геройлар көне уңаеннан 2019 елның 4 декабрендә Балтач муниципаль районы башлыгы Рамил Нотфуллин Россия Герое Олег Исаевның әти-әнисен һәм Хезмәт Герое Зарипов Рим Ибраһим улының тол калган хатыны Люция Зарипованы өйләренә барып котлады һәм бүләк күчтәнәчләр тапшырды. Чарада Хәрби комиссар Васил Вәлиев, социаль яклау бүлеге җитәкчесе Алсу Гатиятуллина, Яңгул авыл җирлеге башлыгы Ранил Габдрахманов, Балтач шәһәр җирлеге башлыгы урынбасары Фиалка Закирова, район массакүләм мәгълүмат чаралары вәкилләре катнашты.
2019 нчы елның 3 нче декабрендә Инвалидлар ункөнлеге кысаларында Балтач бистәсе Спорткомплексында Балтач районы «Наз» Халыкка социаль хезмәт күрсәтү үзәге белгечләре Яшьләр эшләре һәм спорт бүлеге белән берлектә мөмкинлекләре чикләнгән затлар һәм инвалидлар өчен район Спартакиадасы үткәрде. Спартакиада дартс, бочча, шашка, шахмат һәм корнхол буенча барды. Ярышларда 35 инвалид көч сынашты. Катнашучыларның барысы да актив тормыш позициясе булган кешеләр. Сәламәтлекләренә бәйле кыенлыкларга карамастан, ир-атлар, хатын-кызлар һәм төрле яшьтәге балалар ярышларда актив катнаштылар, зур кызыксыну күрсәттеләр.
Чара ахырында ярышларда җиңүчеләргә һәм катнашучыларга бүләкләр тапшырылды.
Бөтен дөньяда халыкара инвалидлар ункөнлеге билгеләп үтелә. Шул уңайдан агымдагы елның 2 нче декабрендә Наз” халыкка комплекслы социаль хезмәт күрсәтү үзәгенең социаль тернәкләндерү бүлекчәсендә тернәкләнүчеләр өчен социаль яклау бүлеге җитәкчесе Гатиятуллина Алсу Фариз кызы һәм “Наз”халыкка комплекслы социаль хезмәт күрсәтү үзәге директора Әхмәдиева Гөлнара Айдар кызы белән очрашу булып узды. Очрашуда мөмкинлекләре чикле кешеләргә декадага кагылышлы чаралар хакында аңлатылды һәм сорауларга җаваплар бирелде.
Чара ахырында инвалидлар декадасы уңаеннан Дорга мәдәният йорты хезмәткәрләре тернәкләнүчеләрне хәйрия концерты белән куандырдылар. Узган чарадан алган дәрт- мөмкинлекләре чикле кешеләргә тернәкләнергә көч бирә.
3 декабрь көнне Карек Серма авыл клубында мөмкинлекләре чикләнгән кешеләр өчен "Көйне танып бел" уены үткәрелде.
"Көйне танып бел" - бик популяр күңел ачу программаларының берсе, анда катнашучылар үзләренең музыкаль сәләтләрен күрсәтә һәм яраткан җырларын танып белә ала. Уен нәтиҗәләре буенча Хомякова Вера җиңүче булды. Уен барысына да бик ошады.
2019 елның 9 декабрендә, Кеше хокуклары көне алдыннан, хокук мәсьәләләре буенча халык өчен телефон «кайнар линия» се эшләячәк.
3 декабрь көнне Балтач Үзәк балалар китапханәсендә мөмкинлекләре чикләнгән китап укучы балалар өчен “Кышкы куаныч” дип аталган очрашу кичәсе үтте.
«Ростелеком» ААҖ универсаль элемтә хезмәтләре таксофоннарыннан илнең барлык кәрәзле телефон номерларына телефоннан шалтыратулар өчен түләүне гамәлдән чыгарды. Универсаль хезмәт таксофоннары социаль әһәмияткә ия: алар күп кенә ерак һәм кыен торак пунктларда тотрыклы элемтә чарасы булып тора.
Электрон ярминкә мәйданчыгысатып алучыларга, өйдә утырган килеш, Татарстан фермерларының үзләреннән сыйфатлы продукция сатып алу мөмкинлеген бирә. Сатып алучы шулай ук продукциягә бәяләрне чагыштыра, уңышлырак тәкъдимнәр эзли, сатып алынган продукция турында, башка сатып алучыларга да ярдәм итәрлек, авыл хуҗалыгы җитештерүчесенең абруен күтәрерлек итеп яисә башка теләкләр белән, үз фикерен әйтә ала.
2020 елның 1 гыйнварыннан:
- хисаплылыкны Росстатка тапшыру бурычы гамәлдән чыгарылган;
- еллык бухгалтерлык хисабы салым органнарына электрон документ рәвешендә генә тапшырыла.
Электрон документ әйләнеше операторлары Исемлеге Сезнең Инспекциянең мәгълүмат стендында урнаштырылган.
Әгәр сез кече эшмәкәрлек субъекты (исемлек буенча уртача саны 100 кешедән артмаган һәм керем 800 млн сумнан да артмаган) икән, бухгалтер хисабы сезнең тарафтан тапшырыла. :
2020 елда-электрон документ рәвешендә яки кәгазь документ рәвешендә;
2021 елдан-электрон документ әйләнеше операторы аша гына.
2 нче декабрьдә 2018 ел өчен физик затларның милкенә, транспорт һәм җир салымнарын түләү срогы чыкты.